ازيكم كلكم عاملين ايه؟؟؟؟
احوال الدنيا كلها ملخبطه اليومين دول مش عارفه ليه؟؟
كل واحد طبيعى انه عنده مشاااكل ..بس اليومين دول مش عارفه ليه المشاكل بتزيد....
وبتتطور للأسوأ...للأسف....
عموما الحمد لله عل كل شيئ...وربنا يصلح الاحوااال ....
الموضوع النهارده مش بخصوصى انا ....أبدا ..
لكن بخصوص واحده معرفه ...كانت دكتورة للأولاد وبعدين اتصاحبنا على بعض...
ومش عارفه أأولكم هى قد ايه حنينه....وقد ايه مخلصه فى شغلها ...
يمكن اخلاصها ده ..جه فوق دماغها....
هى دكتورة باطنه شاطرة قوى ....ومعاها دكتوراه من جامعه عالميه ...
وهى اللى جابت جوزها دبى ...وهى اللى شغلته معاها فى المستشفى ...
فى الحسابات ....لانه مش دكتووور....
وبعدين اترقت فى المستشفى وبقت مدير طبى ...
وطبعا المستشفى المحترمه ...قعدتها فى كمبوند محترم جدا .....
وطبعا جابت شغاله عندها علشان ظروووف شغلها ...مع ان اولادها
يعنى كبار شويه ( اعدادى وثانوى )
بس بد ات تلاحظ ان جوزها المحترم (48 سنه ) بدأ يقعد كتيير فى البيت على غير العاده
وأوقات هى بتكون فيها فى المستشفى والاولاد فى الدروووس...
وبدأت تشك فى تصرفاته ونظراته مع الشغاله ....مع انى بأكد ان الشغاله .....مش حلوة بتاتا البته..
بس هى مش عارفه ليه جوزها بيتصرف كده ....؟؟؟؟ والله وانا كمان ؟؟؟الشغاله فعلا مش حلوة .....
وزى الافلام العربى بالضبط اكتشفت ان الشغاله ....حاااااااااامل..
ولما واجهتها ....اعترفت ان جوزها ....متنيل معاها.....
يعنى مش غلطه مرة واحده وبس .........
ولما واجهته ......توقعوا عمل ايه ؟؟؟؟؟
قال لها مش انتى دكتورة .....اتصرفى .......سقطيها .....
انا راااجل ضعيييف وانت معظم الوقت بره البيت ....والشيطاااان شاااااااطر....تخيلوا ...
طبعا هى رفضت وخلته اتجوزها....اه والله اتجوزها .....
وتقريبا طردته من البيت هو والشغاله.....وقعد مع الشغاله فى شقه تانيه ...وبيجي يشوف ولاده كل اسبوع....
وطبعا ولاده عرفوا باللى حصل لانهم مش صغيرين ....تخيلوا منظره ايه قدام ولاده ...
خصوصا ابنه الكبيير الل هايدخل الجامعه .....
وهى ...ماتتخيلوش حالتها عامله ازاااى ......عايزة تتطلق ...وخايفه من المحاكم وبهدلتها ..وهى دكتورة ليها اسمها...
ومعروفه فى دبى ....
انا اقترحت عليها تخلعه.....لأن ده الحل الوحيييد مع بنى ادم زى ده .....
يمكن انا ماشوفتوش غير مرة واحده ....بس بصرااااحه قرفانه منه قوى........
ونفسى تخلص منه....تخيلوا وصلت بيه البجاحه انه بيطلب منها فلووووس علشان مرتبه مش مكفى ايجار الشقه والمصاريف...؟؟؟؟؟؟؟؟
شوفتوا واحد اوطى من كده ....؟؟؟؟؟؟؟؟؟
وده طبعا عرفته لما قعدت فى البيت ومش لاقيه حاجه اعملها .....
فقلت يابت يامخنوقه قومى كلمى اصحابك القدااام اللى بتشوفيهم كل شهرين مرة ....
واهو اتسلى معاهم شويه ...وكمان بصى على الجيران وكلميهم ....لانهم بصراحه كانوا جدعان معايا قوى لما اتعورت فى عينى ....
وجالى كمية حلويات كتيرة قوى .....
المهم ان الدكتورة دى كانت من ضمن اللى انا ماكلمتهمش من فترة طويله ...
وكانت زعلانه منى وبتقولى مابشوفكيش غير لما ولادك يعيوا .....
وطبعا كالعاده رأى الباشا فى الموضوع ده ان الدكتورة هى اللى غلطانه علشان أهملت جوزها ....
وسابته مع الشغاااله لوحدهم (مع ان الشغاله بييييييييييييييييب خااااالص)...
وان المفروووض ان الزوجه ماتقعدش فى شغلها كتييير كده و.....................الكلام المتكرر اياه
بس الحاجه الوحيده اللى ماختلفناش عليه احنا الاتنين انه ......
رااااااااااااااجل وااااااااااااااااطى جدااااااااااااااا جدااااااااااااااااااا......
وانا بصراحه قررت انى ماجيبش شغاله مقيمه عندى بتاتا البته .....حتى لو كانت ماتتشافش من وحاشتها....
لان الظاهر ان الرجاااااله نفسهم حلوة وبيحبوا اى طعم تانى وخلااااص...
واختكم بقالها 3 ايام قاعده فى البيت ...وبرضه باصحى بدرى .....ومش باعرف انااااام تانى ....
وباقعد الف فى البيت على حاجه اعملها .....
وفى ا3 ايام دول عملتلهم سى فوود ومحشى ومكرونه فرن وريش مشويه ....ده غير الحلوياااات ...
كل ده من الزهق.....وبرضه حاسه انى زهقاااانه جدا جدا .......
وبافكر اشترك فى الجم .....اهو نخس شويه ونطلع بحاجه من القعده دى ......
ونروح زى الستات المحترمه نعمل نيو لوك كده حلو .....واهو تغييييير برضه ....
وأدينى بادور على شغل تانى وربنا يسهل .....بس صعب فى الظروووف دى لان العرض اكتر من الطلب....
والظاهر ان الباشا فرحااان قوى بقعدتى دى و...كل يوم بيطلب اكل شكل ....
وراااح جابلى اسكتش والواان باستل وزيت وبوستر...وقالى ارجعى ارسمى تانى ....
انت بقالك سنين مارسمتيش .....كله كمبيوتر وبس....
وبصرااحه الخطوة دى عجبتنى منه قوى .....وحسيت انه فعلا بيفكر في .....
انا فعلا بقالى سنين مارسمتش حاجه .....لان ماكانش عندى وقت خاااالص....
بس دلوقتى هاحاول ارجع ارسم تانى ....وجايز افرجكم .....
المهم انى النهارده مش مخنوقه من الباشا .....بالعكس انا فعلا مبسوطه منه ...والحمد لله ...
انا مخنوووووووقه من قعدة البيت
وبأقول لكل الستااات اللى قاعدين فى البيت ........اعمل ايه فى الفراااغ ده كله ....
بتعملوا ايه فى البيت ......من الساعه 7 لغاية الساعه 3.30 لما الاولاد يرجعوا من المدرسه.....
وقت طوووووويل قوى .....
مخنوقتكم بتناشدكم .....
الللى تعرف تقولى .................
مخنوقتكم مخنوقه من الزهق......
96 التعليقات:
لان الظاهر ان الرجاااااله نفسهم حلوة وبيحبوا اى طعم تانى وخلااااص...
معلش بقى يا مخنوقه أنا بأعترض و بشده على هذه الجمله اللى وردت فى البوست تبعك
بأعترض و أشجب و أندد و حأعمل وقفه اٍحتجاجيه قدام مؤمن بتاع الساندوتشات و حألم الرجاله المحترمين يقفوا معايا (لو ربنا أكرمهم يعنى)
لا يا مخنوقه لأ أنا مش معاكى فيما سأعتبره زلة لسان و تهجم على صنف الرجال لأن مش كل الرجاله زى ما بتقولى نفسهم حلوه و بيحبوا أى طعم تانى و خلاص !!!
لأ طبعا الكلام ده مش صحيح
مش بأنكر أن بعض الرجاله كده فعلا و أكتر عندهم دناوه و فراغة عين و لكن الأكثريه و ده حقيقى بيكتفى بزوجته الحلال الجميله و المحبه و المخلصه و النضيفه أيضا روحا و جسدا و مش بيمد عينيه لما حرم الله و دى الأغلبيه العظمى
و لكن و للأسف السيدات بينظرن لهذه الفئة الضاله الرمرامه على اٍنهم الممثل الشرعى و الوحيد لكل صنف الرجال
و يالها من مغالطه يشيب من هولها القرعان
جوز الكتوره اللى عمل هذه العمله الغبيه البلهاء اللى زى خلقته اٍستسلم للشيطان و لا حول و لا قوة اٍلا بالله و لكن برضو لا نعفى زوجته من الخطأ و البله لأنها سمحت بهذه المسخره فى بيتها و اللى هى سيبان الزوج مع الشغاله فى البيت و لوحدهم و لفترات طويله و هى المفترض فيها أنها أولا أنثى و ثانيا دكتوره يعنى مثقفه و فاهمه أيه اللى ممكن يحصل من عواقب وخيمه
يعنى هى غلطانه برضو و أهى نتيجة بلاهتها و تصرفها الردىء
و أما هذا الزوج النص كم فبأقوله بصراحه أنت عرة الرجاله يا اٍنسان الغاب يا طويل الناب و أيه يعنى اللى لاقيته فى الشغاله زياده عن زوجتك المحترمه ؟؟ قولى بقى أيه الزياده ؟؟ عاوز أعرف أنا بقى أيه الزياده ؟؟
أشرب بقى يا عم تمن دناوتك و كفايه نظرة عيالك لك يا ديب يا مستهتر
بجد أنا متغاظ منه
و عاوز أقول لك كمان أنى مبسوط من تصرف الباشا معاكى و زى ما قلت لك قبل كده أنه بيحبك بس أحيانا الطبع بيبقى صعب شويه لكن مايمنعش أبدا أنه بيحبك و ربنا يهديهولك
آل شغاله آل !!
يا ترى يا هلترى عندها أيه زياده ؟؟!!
بس الحاجه الوحيده اللى ماختلفناش عليه احنا الاتنين انه
رااااااااااجل وااااااااااااطى
اي واللهى عندك حق
انا رأيي مع انها قصرت فى حق بتها عشان شغلها + ان الراجل وااااااااطى زى ما قلتى يعنى هم الاتنين مسئولين عن المشكلة
بالنسبة للفراغ اللى عندك
وبما انك زى حالاتى فى الغربة
ممكن تخرجى تتمشى شوية
او تقدى على الفيس بوك اوتقلبى فى المدونات او تتعلمى برامج جديدة
وجميلة حركة الباشا اهو جددى هوياتك القديمة وربنا يديم بيكم الحب ومش تتخنقى منو تانى
بس هو انتى بتدورى على الخانقة ولا اية لو مش من الباشا تيجى من اصحابك كدا
هاهاهاهاهاهاهاهاها
تقبلى مرورى
ازيك يامخنوقه
انا بقي بعارض الاستاذ عمرو في الموضوع ده
فعلا الرجاله بقت نفسهم حلوه
عن تجربه شخصيه جوزي للأسف جه وقالي بحب ولما قالي بيحب مين
طلعت واحده انا احلي وبكتير كمان
وهي مجرد استايل لبس وبس
وده راي جوزي كمان علي فكره
مش عارفه يامخنوقه معظم الرجاله باين عليهم اطهطلوا
هههههههههههههههههههههه
مع احترامي للجميع
انا بقول بعض
ربنا يصبرها لان محدش هيحس بيها غير اللي زيها
وانا زيها ( مش زيها اوي صحيح بس زيها برده )
عارفه انصحيها انها تسيبه
سيد سيده يتمنها بعيالها كمان
صدقيني الدنيا لسه بخير
بس الموقف ده بيفكرني باغنيه غريبه سمعتها من فتره
ولاني مبسمعش اغاني بس الاغنيه من كلمها الغريب خلتني اركز فيها
بتقول
ارجعلك ياعني حرقت دم
اسمعلك كل كلامك هم
عايزني لا
في غيرك انا عنده اهم
وفعلا اكيد هتلاقي غيره هتكوني عنده ملكه متوجه
تحياتي
السلام عليكم يا جميل يارب عنيكى تكون بقت احسن دلوقتى.. مش عارفة اقولك ايه فى الموضوع العجيب دا.بغض النظر عن ان الراجل دا انسان مش مظبوط لأنه فقد احترام زوجته وسقط من نظر ولاده ورأيى ان هو انسان مش كويس اصلاً لأن تصرفه حقير جدااااااااااا. بس فى احيان كتير لما بتكون الست فى منصب كبير وعندها أعباء عمل كتير حقيقى بتهمل جوزها وبتبقى شخصيتها عملية شويتين والرجالة بطبيعتهم بيحبوا انهم يحسوا بإهتمام الزوجة.. هى غلطت كمان بإنها تسيب جوزها لوحده مع أى واحدة حتى ولو كانت الشغالة .. فدى غلطة الاتنين
شوفي يامخنوقه يااختي سلامتك من الخنقه
الراجل ده مش تمام بس كمان الدكتوره عليها غلط مشترك
والغريزه عند الرجل مابتفرقش بين ست الستات والا الشغاله الرسول قال البضعه واحده
الشغاله دي ست برضه
والرجل لما يحس انه كم مهمل بيشوف المتاح وغالبا بيكون الشغاله
وكمان هي لما جت تختار شريك حياتها اختارت غلط هي دكتوره ولها مكانتها ليه تتجوز رجل اقل منها هي مديره عليه وعلي كل اللي في المستشفي فدور علي من هي اقل منه ومارس عليها رجولته ومن الواضح انه مش اقل منها مكانه وبس لا مديا كمان
وكونه انه يطلب منها فلوس بقلب جامد يبقا ده يعزز كلامي انه نفسيا مش سوي وكمان عنده احساس بالدونيه
وكمان محملها المسؤليه معاه
وعايزه اقول لك حاجه في المواضيع اللي زي دي ماينفعش نسمع طرف واحد بس لا لازم نسمع الطرفيين بدليل ان في الفصل في الطلاق يجب ان يسمع الطرفين امام بعض
وفي فرق بين الزوجه اللي ترضي ربها وضميرها وجوزها يخونها وبين الست المقصره وجوزها يخونها ودي الزوجه اللي بتعتبر ان زوجها شئ مسلم به ومواطن درجه تالته بعد شغلها ونجاحه وعيلها
استنينى بقى شوية اصل انا ليا راى خاص فى موضوع الخيانة الزوجية
اوعى اوعى تقنيعنى ان فى راجل فى الدنيا مخلص مية فى المية
هو بس فى رجالة مش بتيجلهم فرصة ورجالة تانية بتجلهم فرصة
يعنى الزوجة دى غلطانة ومش غلطانة
غلطانة انها جابت البنزين حنب النار ومش عايزاة يولع
حتى لو كانت وحشة لان النفس ساعات كتيرة بيبقى معاها التفاح وبتشتهى الجميز
ومش غلطانة لان فى ربنا كان لازم يخاف من ربنا ويعرف ان الزنا من اكبر الكبائر
واللى عملة ممكن يتعمل فية حتى لو كانت شغالة
وانا حاسة ان فى حاجة هى عملتها من البداية غلط بس معلش فات وقت العتاب فيها
اننا حاسة انها احسن منه اجتماعيا وماديا وثقافيا
وانها كانت مرياحاه على الاخر يعنى مساعدات مادية وغيرة زى ما ساعدته فى انه يشتغل
اللى زى دة قوليلها متبكيش علية عشان دة انسان مش يستاهل
وكمان اوعى تساعدة خلى الحلوة الشغالة تشتغل وتساعدة ولو مش قادر يصرف عليها يبقى يرجع بلدة بيها وخليها تنفعة
نيجى بقى لوقت فراغك الطويل
انا زيك برضة وقرفانة اوى لاء والاكتر انى جوزى قالى مش تخرجى من البيت من غير والدتك او اختك الكبيرة المتجوزة
انا مش زعلانة لانه ممكن نقول انه بيخاف عليا
بس بقيت عصبية اوى
انا لاقيت حل خفيف فكرت ادور على اية انا مش عارفاة واتعلم
دورى انتى كمان اى حاجة مش عرفاها واتعلمية
انا قررت اتعلم الفوتوشوب
لو انتى بتحبى الرسم فعلا ارسمى وعايزين نتفرج
ربنا معاكى تحياتى ليكى
انتي ممكن تنامي وبعدين تصحي تعملي الغدا وبكدة الوقت ميضايكيش او ابدئي تزودي الاهتمام بزوجك وتتصلي بيه وهو في شغل تتطمني عليه وترغي او تخلي الوقت الصبح للكمبيوتر والمدونة والطبيخ وكدة
او ترجعي ترسمي زي ما قلتي
وتبقي تورينا
وربنا يكرمك يارب وحمدلله علي السلامة
لا بصي يا مخنوقتي الجميله
هما الرجاله اه عينهم فارغه
واه رمرامين ونفسهم زفت
واه نفسهم بتهفهم على حته مخلل ولا جبنى مش
بس الحرام ده بالذاااات مش كلهم طبعا ممكن يقعوا فيه
لسه فى ناس محترمين الحمد لله
انما بالنسبه لخطأ الدكتوره صاحبتك فهوا فعلا انها سابت الشغاله فى البيت مع جوزها وولادها
دي حتى انتى بتقولي ان عندها ولاد كبار شويه
على فكره وانا فى الامارات كانت بتحصل بلاااااوي من الشغالات مع الولاد من السن ده
طبعا طبعا هى غلطانه فى ده
انا فى واحده قريبتى نزلت مصر مره وكان عندها شغاله وعايزه تسيبها فى ابو ظبي عشان برضه عشان كانت سايبه ولادها وجوزها
وكانوا ولادها شباب صغير في ثانوي
بصراحه عجبتنى انها اصرت ان البنت ما تقعدش فى البيت رغم الحاح ولادها البنات عشان يكبروا دماغهم من الشغل
جابت البنت قعدت عندي وكانت بتروح مره فى الاسبوع تنضفلهم وتغسل الهدوم وكده وعلى الاخر النهار ترجع عندي تاني
انما تسيب الدنيا سداح مداح وتقعد بره البيت
رغم انها كانت ملاحظه كماااااان ان جوزها لازق فى البيت لا ده طبعا اهمال منها
اما حكاية اهملت جوزها دي
مش باحبها لانها شماعه بيعلقوا عليها دناوتهم الرجاله يعنى
وطبعا جوزها ده حرام لما نوصفه على انه راجل
هو زي ماا نتى قولتي كده لووووووو لووووووووو لوووووووو على راي البنت بنت اختي
وزهقااااااانه من ايه يااختي لحقتي تزهقي
انا عن نفسي لانى متعوده على السهر
بامشي العيال ياا ختي وانام لحد ما يرجعوا
وحلوه حكاية الرسم دي يا مخنوقه
ماهو الراجل تمام اهو وبيفكر فيكى
يا مفتريه يا مخنوقه ههههههههههههههههههههههه
هو بس فرحان بيكى عشان قاعده فى البيت
روحي يلا اعملي نيو لوك
لشكلك ولحياتك كلها
روقي الراجل يا بت الراجل مكلف نفسه خماشر جنيه زياده وجايبلك الوان
هههههههههههههههه
وربنا يسهل وتلاقي شغل ان شاء الله
ايه ده امال انا بالاقي حاجات كتير اعملها ليه اشمعن انا
ناس غريبه اوي
مش عارفة أقول ايه ع الراجل ده
ده راجل غريب أوي يعني مش فارق معاه حتى شكله ومقامه دا لو مش فارق معاه الحرام من الحلال
يعني هو من جوا عامل ازاي عشان يطلب منها فلوس يصرف على بيته التاني
زمن عجيب
بجد يعنى الرجاله اللى زى ده مايستاهلوش يتقال عليهم رجاله من اصله
ده ايه القرف ده
طيب هى دكتوره ومشغوله وهو وافق على كده من ساعة ماتجوزوا
ماشى هى اتشغلت بشغلها عن بيتها بس ده مش مبرر ابدا ان يغلط مع واحده تانيه
هو يعنى كان كلمها وقالها انتى بتغيبى عنى ومحتاجك قالتلوا لا
وايه بقى حكاية هاتى فلوس دى
دى اسمه ايه يعنى ؟؟؟؟؟؟؟ واوعى تقوليلى انها اديتله
ربنا يحفظنا يارب من الاشكال دى
اما بقى انك قاعده فاضيه فده حلو اوىىىىىىىىى
عقبالى يارب
وحلو اهو ان الباشا فكرك بالرسم كتر خيره
ارسمى بقى وفرجينا
:)
ملحوظه بقى صغننه: عايزه ايميلك ابعتلك دعوه لمدونتى
ربنا يكون في عونها العبرة مش في حلوة ووحشة العبرة في الخيانة نفسها
ربنا يحفظنا يارب الخيانة دي شيئ مقرف قوي
ربنا يحرسنا منها
ويفك خنقتك دي يارب ويبسطك علطول
مودتي سيدتي الفاضلة
الخيانه
ليس لها مبرر
ليس لها معنى
ليس لها اسباب منطقيه او غير منطقيه
هى طبع
ربنا يرحمنا منها
الخيانة شئ فظيع بس هاقولك لازم برضه الواحدة تخلي بالها من جوزها شوية وزي ماانتي بتقولي تغير في نفسها شوية تعمل نيو لوك جديد علشان جوزها ميزهقش منها
اما بالنسبة لقعدة البيت فهي فعلا تزهق ربنا معاكي
أزيك يا مخنوقه أخبار عينك ايه أنهارده
إن شاء الله تكون تعافت تماما
وبالنسبه للدكتوره وزوجها أنا ممكن أأيد زوجك في إنها ممكن أهملت زوجها وتهاونت في حق بيته بس ده مش مبرر أبدا ليه لفعلته القبيحه حتى لو الشغاله فاتنة الفاتنات بس الواضح من كلامك أن الشغاله هنديه
والهند واضح إنها مش بتصدر للخليج غير الشغالات اللي ملهومش وش من ضهر
يعني تتشاف من وشها تحسي أنك شايفه شعرها
المهم مش موضوعنا
بس الظاهر فعلا انه نفسه حلوه هههه
بس على فكره مش كل الرجاله كده
بالعكس الغالب مش كده
عموما هو واطي فعلا ووضح ذلك من طلبه للمال من زوجته
بس أنا عندي سؤال هو عايش مع الشغاله
كمراته ولا كشغاله ؟؟ موضوع محير فعلا
طب لو نزوه إزاي قبل يعيش معاها
لالالا واضح إنها مش هنديه يمكن فلبينيه جايز
أما بالنسبه لوقت الفراغ
فبادره لطيفه أوي من زوجك حكاية الألوان والتشجيع على الرسم
فعلا وضح أن الراجل بيحبك وبيحبك أوي كمان ربنا يسعدكم ويديم عليكم الحب والموده......قولي آمين
وقضيها رسم وكمبيوتر وتوضيب في البيت وطبخ ده لو فوق اليوم يومين مش حتلاحقي
وفكري تحاولي تحفظي قرآن
ففيه تمضيه للوقت وفايده عظيمه جدا
وتقبلي خالص تحياتي
زوجة مخنوقة جدا
اولا تقبلى مرورى
ثانيا:الدكتورة دى لها الله وهذا الكائن بداخله احساس قوى انه اعلى منه مكانة وشانا.. فتصرف كاى خسيس لا يخاف الله...ومثل هذا الكائن لا يمت للرجال او الرجولة بصلة
اما عن الفراغ داخل المنزل
فحدث ولا حرج..
مهما عملت نيو لوك او غيره
فمن تجلس قابعة بالمنزل لها شخصية مختلفة لا تتماثلها كل الشخصيات
لقد عانيت الكثير قبل ان اعمل
ومن تجد نفسها فى العمل لا تتحمل الفراغ
ربنا يرزقك بالعمل الذى تحققين فيه ذاتك سريعا
اه ياخنقتي
في صنف كده واطي
مابينضفش
بس طبعا مش كل الرجاله نفسها واطيه اوي كده
ومش كل الرجاله بتجري ورا اي كلبه ماشيه في الشارع
مانكرش ان الدكتوره اكيد قصرت شويه
بس ده مش مبرر خالص للرمرمه
انتي فاضيه نامي
البسي واتشيكي في البيت
اتبسطي وابسطي اولادك وجوزك
في كذا حاجه تتعمل يامخنوقه ياختي
انا قولتلك من فتره جوزك حنين وبيحبك بس انتي ماصدقتنيش
موضوع ادوات الرسم ده ذوق منه والشهاده لله
واطى واطى واطى
بالرغم من أنى راحل بس لازم أقول كلمة حق فيه نوع من الرجالة بتحب "الرمرمة" آه والله
هو المشكلة أن الشيطان محلى االمنيلة "الشغالة" فى عبن البيه يعنى تلاقيه شايفها "باريس هيلتون"!!!!!!
أما بالنسبة لوقت الفراغ نصيحتى ليكى تابعى مسلسل "نــــور" تانى هتضمنى فيه ساعة ضايعة كل يوم لمدة 200 يوم تقريباً ده لو شفتيها مرة واحدة من غير الإعادة يعنى أكيد هتلاقى شغل قبل مالمسلسل يخلص
تحيــــاتى
يالهوي ده راجل قديم اوي اوي يخون مراته مع الشغالة ده انا مشفتش الحركة ديه من ايام يا تحب يا تقب بس من الواضع انتي في اجمل مكان في العالم وهو دبي انا زرت المكان ده واقمت في الامارات شهر بس بجد تحفة يعني متخفيش ده مش حسد
مطولش عليككي الراجل ده بقا راجل سيييييس يعني من الاخر كده معلش يعني واطييييييييييييي وسوري وعينه ميملهاش غير التراب الي هي طبعا الشغالة انا شفت اشكال الفلبين والهنود هناك حاجة تموع النفس بجد مفروض ده يتحاكم بتهمة الغباء البشري والخيانة العظمى للزوجة
بس برده في خطأ صغير كده وجود شغالة في بيت امرأة متزوجة ده شئ غير عادي لانها اهانة شخصية ليها بمعنى انها مش قادرة على مسئولية الزواج الكاملة فجابت حد يساعدها في المسئولية وبعدين بما انها ناجحة في شغلها وربنا يزيدها المفروض هي كمان تنجح في بيتها وممكن اوجهلها تهمة صغننة انها اهملت في جوزها شوي ده مع الاعتراف الكامل ان عينه يندب فيها رشاش الي من روسيا يعني خطا مشترك بس الخطا الاكبر على الراجل الدون ابو عين زايغة..
عجبتني اوي حكاية اللوحة والرسم ديه لاني من عشاق الفن والجمال اي حاجة جميلة بحبها والرسم طبعا من الحاجت ديه يااااااااه بقا لو ترسمي كده كام لوحة ممكن لاطفالك لمناظر و كده وسيبك بقا من حكاية الشغل ده من وجهة نظري المتواضعة ان المرأة هي ملكة متوجة مملكتها الزوجية لا يشترك احد معها و لا تشرك احد معها .
وفعلا معاكي الوحدة تخنق هناك بس اكيد الاولاد يهونوا عليكي الوقت عقبال ما الباشا يرجع الي باين عليه مهتم بيكي اوي يا جميل وشكله ككده البوست الي جاي هيتكتب عن معاملته ليكي
اسف للتطويل
تحياتي ليكي
بصي يا مخنوقة انا كمان مخنوقة زيك من الزهق جدااااا
بس انا مش بعرف ارسم بس بعرف اعمل حاجات تانية و برضه بزهق
بس يالله مش مهم
المهم فى الدكتورة صحبتك ديه
ديه النهاية الطبيعية لعدم التكافؤ يا حبي
دكتورة و محاسب مش راكبة طبعا حيحس بالنقص فلازم يدور على حد يكون هوه الأعلى
و هكذا دارت الايام
بس هيه مش تفضح نفسها و لا تديله ولا مليم و خليها تخلعة و تخلص
لما تخلعة احسن ليها قدام ولادها
تحياتي ليكي
و الجيم احسن حاجة على فكرة ياريت ارجع تاني للجيم بس بزهق
بالنسبه للدكتوره دي ربنا معاها وفعلا راجل سئ جدا ربنا مايكتبهاش لاي بنت بس برضو ارجع اقول ان الدكتوره غلطانه في حاجتين اولهم وجود الشغاله اصلا بشكل دائم ده غلط جدا جدا بجد ودول ناس ماتعرفيلهومش دين ولا حاجه وكمان وجودها بره كتير هي ليه لاحظت في الاخر خالص كده طيب هي كانت فين من الاول عموما الي حصل حصل والي عملته صح وربنا معاها
بالنسبه للفراغ فانا من عشاق الفراغ وقعدت البيت فماقدرش افيدك لانهم مش بيزهقوني زيك بس بادام عندك هواه ارجعي مارسيها تاني هتشغل وقتك
قبل اى كلام
عينك ازيها دلوقتى؟
يارب تكونى بخير
اما بقى بالنسبه للراجل الواطى ده
فانا معاكى تخلعه ولا قضايا ولا محاكم وتصون كرامتها
بما انك تفرغتى
تابعى مدونات الناس الغلابه اللى بيحبوكى
واهو كله بثوابه يااختى
هههههههه
على فكره انا مستنيه الرسم بتاعك
عايزه اتفرج عليه
بعبك بعبك
بعبك جدااااااااا
اول حاجه ده مش راجل اصلا!
يعني حتى الكلام عنو حرام من الاخر كده تخلعو وترتاح
تاني حاجه بقا فاااااااااضيه اديني شويه حد لاقي وقت
وبعدين لازم المصريين اللي بره يفكروا بجد يرجعو مصر عن نفسي رجعه قرييييييب قوي
يخرب بيته من الراجل
معندوش دم ولا اخلاق دا زنا مش حاجة بسيطة
عجبتني بانها جوزتهم اهو خلي الشغالة هانم تنفعه
وبالنسبة لزهقك من البيت انا بيتوتية مووت و بحب اقعد بالبيت المفروض انك تفرحي بلا شغل بلا وجع قلب ارتاحي و شوفي نفسك شوية لغاية ما تلاقي شغل جديد واهو شغل البيت والنت والتلفزيون بيسلوا اووووي
ربنا يوفقك وسلامة عيونك يا قمر
يا صباح النور عليكي يا مخنوقة، عاملة اية، انا لسة داخلة حالا ، لكن قريت البوست ولسة هقرا الردود، رجعالك تاني، بس بثبت حضور، وربنا يباركلك في الباشا اللي بسطك وفرح قلبك، وينتقم من الواطي اللي ربنا ينتقم منة ومن عمايلة في الدكتورة
مخنوقتكم زهقت من البيت؟؟؟؟؟؟؟؟؟
انتي لحقتي
طبعا مقدرة انك مش واخده على قعدة الخزانة ولكن ما تختفيش
اولا ريحي جسمك ونفسوياتك وها تشتغلي تاني بعون الله وها تنبسطي انك دلعتي نفسك شوية على سبيل التغيير
يا مساكين يا احنا .. لو اشتغلنا بنتعود ع الطحونة ونموت من قعدة البيت
دلعي نفسك يا قمر شويتين أشي تقشير بشغرة وسونة وجاكوزي .. اديها سبا تديكي طراوة
نيجي لحكاية الموكوسة
جوزها خانها؟
يعني كان ديله معدول الجوازة كلها وفجأة طب في مستنكع الختيئة؟
لو كذبت اديها قلم بالنيابة عني
البصباص مريض مزمن عمر بحاله وهي بتبقى عارفة بس مش فاضية تربيه .. ده اولا
ثانيا متزوجة واحد اقل منها في المستوى الثقافي
بتقبض اعلى منه
بريستيجها اكبر منه
هو جوز الست
انسي يا ماما لازمن "بشكل باطني بحت" يجيب مناخيرها الأرض "عقد شرقية متوغله في القدم من أيام ما فتح سلطح بابا مصر"
يجيب مناخيرها ارضا ازاي؟
ويخليها بتلف حوالين نفسها؟
ويخلي سيرتها بدل الدكتورة فلانة الممتازة .. الدكتورة فلانة الموكوسة؟
ينقي بنغالية ولا سيريلانكية سودة وكودة وشبه هباب الحلل ويقول دي عجبتني
وعملها ابن الهرمة ونفس عن كبته الداخلي
معلش انا كنت في السعودية وعدد منا كان عندة شغالة .. وعمرنا ما قلنا الكلام ده
لأن اللي عندهم متجوزين رجال اكفاء .. عقلا .. وقلبا .. ودينا
وطبعا مش ها ننسى ان الست دي بعد ما مر على جوازها كتير .. بقى ولادها وشغلها اللي بيأكلهم الشهد والمم أهم عندها من كوز الدرة اللي متجوزاه
تخلع امه .. لأن بقاءها معاه هو ده المهانة والأهانة والأستهانة وأيييييييييييييييييييييييه
بوسة
مخنوقه
هو ليه موضوعاتك دايما مهمه وهادفه وزي الفل كده
كل ما ادخل هنا الاقيك بتتكلمي ف حاجه مهمه
انا بقي ليه رأي تاني
مع ان الحراميه ارائهم مش اد كده
المشكله انهم من الاول مش مناسبين لبعض
يعني هي دكتوره
ايه اللي يجوزها حد اقل منها
وبيبقي فاضي طول الوقت ده
لا هو اساسا مفيش اي تكافؤ
لا اجتماعي ولا غيره
دكتوره وواطي
ينفع بالزمه
اذيك ياقمر اخباراتك ايه
انا امبارح بليل والله بعتلك تعليق بس النت الزفت علق والصفحه كلها وكل شويه ا بعت متبعتش شوفتي بقي القلوب عند بعضها ازاي
اولا بالنوسبه للراجل فهو مش كويس بس الحق علي مراته بردو لان الست في البيت بالنسبه لزوجها مش مركز ولا مستوي اجتماعي بتبقي حاجه تانيه خالص واهم حاجه البيت اولا وبعد كده الشغل واثبات ذتها بس لازم الاول تثبت زوجها ههههه الاتين متسببين في المشكله
وهو راجل مش تمام وهي المفروض تاخد بالها من زوجها واكبر غلط اقامه الست اللي بتسعدها في البيت لاءهي تسعدها وتتكل علي الله وميمنعش بردو
نقول ان الرداله كلها نفسها حلوه اوي هههههه جتهم الهم
المهم بقي بالنسبه ليكي انتي يا جميل
فالملل ده مرتبط بكل السيدات والبنات
بس عشان انتي في غربه والملل والفراغ اكتر نقول والله المستعان
اولا انتي تنامي كويس جدا وتقومي تصلي الفجر وتقري الاذكار وتقره قرأن وياريت سوره البقره وبعد كده تنامي تاني وتصحي مفرفشه تعملي رياضه علي الصبح علي كوبايه شاي اخضر علي تشتري كام كتاب جميل كده وتقري فيه ودوري علي حاجه بتحبيها وجميل اوي ان ليكي هوايه الرسم اقعدي ارسمي وانتي حاطه ماسك جميل كده وروقي البيت وفكري في اكلات غريبه وعجيبه وحاولي تروحي جيم
انتي نفسك قسمتي وقتك من غير ما تحسي
في موضوع الرسم وكمان الاكلات الغريبه والاهتمام بالنفس والرياضه واعمليلي اكل حلوه وافتكريني وانتي بتكليها وانا كمان بحب السمك المشوي
وارسمي وورينا رسمك يا جميل
انا جيت هربانه من عندنا عشان ارغي عندك خوف من ماما
انا مبسوطه انك مبسوطه ويارب ديما ويبارلك في زوجك واطفالك
سلام ياقمر
بجد موضوع سىء جدا موضوع الدكتورة ده موضوع انه حط الغلط كله عليها ده استهبال والمشكله ان الرجاله حافظه ستمبات مبررات بكرهها كلها الستمبات دى وبحس انها مبتقنعنيش
اسوء حاجه فى الدنيا عدم التقدير والغدر من حد احسنت اليه الله يكون فى عونها بس رايى تطوى الصفحه دى من حياتها وتبدا من جديد وهيا ماشاء الله فى مركز كويس وهتلاقى الى احسن منه ولعله خير لها ان ده حصل بدل ماتفضل مخدوعه وخصوصا انه من النوع البجح الى مش مهتم تماما فعمره ماهينفع يرجعلها وتامنله تانى حتى لو حاول معاها
ثانيا الموضوع الهريب الى شبهى جدا
انى انا كمان فى غربه زيك بس رايحه جديد لسه مليش معارف كتير القليلين الى عرفتهم مختلفين تماما فى التفكير وفحاجات كتير فمجرد معارف
لسه ملقتش شغل
لسه معنديش اولاد ربنا يبعت
وانا متعودة فمصر ان حياتى مليانه ومبلاقيش وقت
فمتخيله ؟
المهم طولت عليكى
حاولى فعلا زى ماستيته نصحتك روقى نفسك الصبح ساعتين كده مابين ماسكات وجيم وتدليع وغيرى لون شعرك وقصه وحاولى تغيرى طبعا ده حل مؤقت بس تغيير
جيبى طريقة اكلات جديده وجربى واتسلى
اممم حاولى زى مازوجة قالت اتعلمى حاجه جديده فى القراءة او تصفح النت فحاجات جديده عليكى
وكمان حطى وقت الصبح للاذكار وقراية القران هتلاقى الدنيا اختلفت شويه وربنا يرزقك شغل قريب
حاولى تستجمى وتستمتعى كانك واخده اجازه مش مفيش شغل
السلام عليكم ورحمه الله و بركاته
انا اول مرة اعلق هنا
بس انا عجبتنى جدا المدونة
وعجبنى اكتر ان حضرتك متزوجة وعندك اولاد و بتقعدى على النت
و كمان البوستات بتاعتك جميلة جدا
و الف سلامة على عنيكى
امال بالنسبة للحاجة الى اثريتها فى اخر بوست
الخطأ جه من الجانبين
الجانب الاول الدكتورة
الراجل اكيد مش هيروح لواحدة تانية الا لو كان فى تقصير او حس انه بالنسبة لزوجتة ملوش لازمة فبيدور على الى تلبي رغباتهو تهتم بيه فهى اكيد اهملته او ماخدتش بالها منه حتى لو بنسبة قليله
الجانب التانى
زوجها يعنى بعد العشرة دى كلها و الحب و الاطفال او الاولاد يجي يخونها معتقدتش انه شخصية محترمة ابدا
و مرة تانية
اشكرك على تدوينتك
شغاله ؟؟ ومش حلوه كمان ؟؟؟
يع ع ع ع ع ع ع ع ع ع
بس مش كل الرجاله كده والله
انا مش هعلق على موضوع الراجل ده عشان هوا بصراحه عبيط
انا هعلق على موضوع الرسم بتاعك .. انتى بترسمى ؟؟ طيب ايه رايك تستغليها فرصه وانتى قاعده فى البيت وترسمى وتطلعى احاسيسك وآرائك من خلال الرسم بس بشرط ... احنا كمان نشوف الكلام ده
ـــــــــــــــــــــــــــ
اخبار التورتايه ايه ؟ عملتيها ؟
أما عن الخنقة فده طبيعي لأن اليومين دول يومين تغير فصول ومع تغير الفصول المزاج بيتعكر جداً عند معظم الناس .
أما عن الشغالة فالدكتورة غلطانه وحرام عليها جداً الراجل ده غلط يتجوز الخدامه ... ده مش حكم ربنا أبداً حكم ربنا في اللي غير متزوج انه يتغرب بعد الجلد لمدة عام يعني يسيب مكان المعصية ... الناس فاهمة غلط وبيفتكروا ان الجواز هو تصليح لوضع غلط ... الراجل ده عمره ما هايكون بينه وبين الست دي أي احترام لانهم أصلاً غير محترمين ...ده غير ان حكم ربنا فيه القتل ... نقوم احنا نديله جايزه ونجوزه اللي غلط معاها كمان ... الكلام ده غلط من الأساس وكمان كونها تسيبه مع الشغاله لوحدهم في البيت دليل انها ماتعرفش الف باء الدين .
انا الصراحة متفاجأة ..
ده فيلم عربى بجد ..
ده سواق الهانم بس بدل البيه الصغير البيه الكبير ..
وطبعا هو غلطان من ساسه لراسه هو كل زوجة تنشغل شوية يبقى مبرر ان الزوج يخونها ..
وبعدين هى مشغولة فى ايه مش فى بيته وولاده ..
بجد ده انسان عايز يتعدم فى ميدان عام ..
وبالنسبة لفراغك ياجميل ..
طب هاتعملى ايه بقى لما يكون من 7 ل1 ومن 4 ل11 بالليل ومافيش ولاد قاعدة كده طرازنة D:
بس انا هاقولك انا الاول كان عندى فراغ برده وكده بس دورت على دار جنبى ومن ساعتها مش لاقية وقت اصلا ..
يادوب مراجعة وحفظ لانه 3 ايام فى الاسبوع ومنها برده حسنات ..
غير كده ساعات الناس اللى فى الدار بيبقى فى تجمعات وبيبقى صحبة الخير بجد ..
ربنا يكون فى عونك صاحبتك ..
ويارب تكونى بقيتى احسن ..
دمتِ بخير حبيبتى ..
إزيك يامخنوقه...انشاالله عينك احسن الحين. بخرتي نفسك والبيت!! اذا لسه،فياريت بسرعه عشان عين الحسد تروح.
بصراحه الدكتوره مسكينه جدا...هي تعبت واشتغلت عشان توفر حياه كريمه ليه ولعياله. وبدل ما يقف بجانبها ويساعدها طلع ندل والاندال كتروا الايام ديه مش عارفه ليه ....يلا كلوا نصيب، ربنا يبارك ليها عيالها.
اما بخصوصك ياجميل، فياسلام على الباشا، حركه كلها حنيه وحب. سيدي يا سيدي...
معا أنه انا اعتقدووووا ان الرسم لوحده مش هيملي اوقات فراغك ..انتِ كتله من النشاط (الله اكبر)...ايه رايك تعملي كورس في الصبح فى احدى الكليات في حاجه انتِ بتحبيها...زي الجرافك يعني تتعرفي على ماهوا الجديد....ودى طبعا هيفيد ال سي في cv بتاعك وهيخلي فرص الحصول على شغل كويس اكثر.ايه رايك!!!
سلام ياجميل
استاذ عمرو
حضرتك زعلت منى ليه ؟؟؟
صدقنى هى زلة لسان فى ساعة خنقه بس...
ربنا يبارك فى سيادتك وكل الرجااااله المحترمين ويكتر منهم يااااارب اميييييييييييييييييين..
ويعمى عين كل الرجاااااله اللى عندهم دناوة وفراااغة عين...
بس ياريت مانجبش الغلط كله على الغلبانه اللى بتصرف على البيت وعلى ولاده...ومعندهاش وقت لطلبات البيت ومحتاجه حد يساعدها
وبعدين هى منقيه شغاله صعب حد يبصلها...علشان كده هى كانت مطمنه...
يمكن علشان كده انا مستغربه هو ليه عمل كده....
انا متأكده ان مافيش حاجه فيها زيادة عن مراته ...بالعكس مراته طلعت جدعه معاه للأخر..ومارضيتش تفضحه علشان خااطر ولادها
مانكرش انها غلطانه ...بس خليك مكانها ...تعمل ايه فى شغلها اللى فاتح البيت ومدخل ولادها احسن مدارس ده غير الدرووس....وشغل البيت اللى محتاجه حد يساعدها فيه؟؟؟؟؟
معادله صعبه قوى...
وصدقنى مافيش مبرر ابدا للزنا....
وعقابه عند ربه اعظم من عقابه فى الدنيا...
وتحياتى ليك ومش تزعل منى تانى
احساس طفله محبه للرومانسيه بس واقعيه
انت معاكى حق والله الواحد لازم يخرج يتمشى شويه...
واهو تغيير من سواقة العربيه اللى جايبانا ورااا..
وانا قررت اجدد هوايتى القديمه فعلا..لانه اصلا دراستى قبل هوايتى
واعمل ايه فى الخنقه...بتيجى لوحدها مابدورش عليها..
الدنيا مليانه بلاوى...
ربنا يسترها علينا
تحياتى ليك ياقمر..
حواء حبيبتى
انا قلت الجملة دى مجازا ..بس فعلا مش كل الرجااله زى بعضها
ولاكل الستات زى بعضها...
فى رجاااله بتحب بجد ...وفيه عايزين يتجوزوا والسلام..
ومش كل الغلط على الستات ولا الرجااله
لان دى علاقه من طرفين ...اكيد الاتنين غلطانين..
وفيه احيانا الغلط ممكن يتصلح واحيانا لالالالالا
وانا معاكى انها ممكن تلاقى احسن منه ...المشكله هى هتأمن تانى لراجل فى حياتها ولا لأ؟؟؟
ده وضع صعب ومش كل الاوضاع زى بعضها...
فى اوضاع ممكن تتصلح واوضاع ...مافيش فايده فى اصلاحها...
تحياتى ليك ياجميل
باربى ياحبيبتى
انا معاكى انه راجل حقييير وواطى جدا بس ...الغلط من الاتنين زى مابتقولى ..صاحبتى دى هى اللى بتصرف على البيت ..لان مرتبها كبير والحمد لله ...ومرتب الواطى ولا حاجه بالنسبه لها...وياريته بيصرف منه على ولاده ...لا ده بتاعه بس...ومالوش دعوة بأى مصاريف تانيه..طيب هى تعمل ايه ؟؟ تسيب شغلها وعيادتها وتقعد له فى البيت؟؟؟طيب منين هيجيبوا مصاريف الاولاد ودروسهم وغيره؟؟؟؟
فى الحاله دى الست بتفكر فى ولادها بس....ومستقبلهم...لان لما الزوج يبقى انانى كده ومافيش امل فيه ...بترمى طوبته...وبتزهده..وبيبقى منظر بالنسبه لها وبس...
ومع كل ده ..الوطى عمل اللى عمله ...بالذمه ده راجل يتبكى عليه؟؟؟
ربنا مايوريك النوعيه دى
تحياتى ياقمر
شمس النهار
حبيبتى كلامك صح تماما ...بس انا عارفه ظروفها من زمان ...هى عندها شغلها فى المستشى وعيادتها...ودول اللى ممشيين البيت ..لان بسلامته مابيدفعش مليم فى مصروووف البيت على اساس ان مرتبها كبيير ومش محتاجه منه حاجه...وده طبعا غلط ...بس هى رضيت بالأمر الواقع..وبقت هى اللى تصرف.. ومش محسسه ولادها بأى حاجه...
على اساس ان دخلها (ماشاء الله )كبير ومش مستنيه منه حاجه..وولادها كبروا ومصاريفهم زادت ...وعلى وش جامعه..
يعنى صعب تسيب شغلها وتقعد فى البيت..وبعد ده كله ..يجى يتنيل مع الشغاله ؟؟؟؟بجد ربنا يكون فى عونها..وده فى جميع الاحوااال مايتزعلش عليه..
تحياتى ليك ياحميل
زوجه عنيده
مش عارفه رأيك فى الرجاااله حاد شويه
يعنى لو جات فرصه للباشا مثلا انه يخونى ...هيعملها عادى كده ...
ودبى مليانه حلوين وانترناشيونال كمان...
وماحدش بيقول لأ..واسعارهم مش غاليه...
بس هو هيخاف منى ولا هيخاف من ربنا ؟؟؟
اكيد ممكن انا ماعرفش ...لكن ربنا اكيد عارف...وده كفايه..
وهو اللى هياخد لى حقى ...
عمر الواحده مهما عملت تعرف تسيطر على جوزها...استحاااااله..يفرق ايه البيت عن بره البيت ..ان الفرصه اكتر ؟؟؟ جايز ...بس برضه بره البيت ممكن يخلق الفرص...وممكن مايروحش الشغل خالص يوم ويقضيه فى اى اوتيل...وهنا ماحدش بيقول لحد انت بتعمل ايه..ولا معاك مين؟؟؟
انا بصراحه رأى انها غلطانه انها اتساهلت معاه من الاول فى حقوقها ...لانه مابيصرفش على البيت ولاحاجه ومعتمد عليها تماما..وده غلط من الاول...وعموما ربنا ينتقم منه...
اللى مايخافش من ربنا ...مالوووش امااان...ووقت الفراغ ده انا هاحاول اخد كورس اوتوكاد...لانى عارفه فوتوشوب من زمااان قوى ...ولو عايزة حاجه فيه قولى...
وانا ابعتلك فلاتر حلوة قوى ليه..
تحياتى ياقمر
اولا في قعده البيت روقي الشقه واقري القرايه دي بجد ممتعه وبتضيع اي وقت
وابداي اسهري شويه عشان مش تصحي بدري
اما بالنسبه للدكتوره
فخانها وبالتالي عمره ملهيكون زوج ليها يبقي تخلعه ومش هي اول واحده تخلع
ازيك يا مخنوقة وحشتينى بجد عذرا ع الانقطاع عنك بس مشغوليات........ ويوم ما ارجع الاقى المصيبة دى يا الله ربنا يكون فى عون الدكتورة بجد واحساسها زمانها عامله ازاى ربنا يصبرها كويس انها انفصلت لانه ما يستهلهاش .....ولا اولاده واحساسهم ان دا الاب والقدوة يعمل كدهاكيد اثر فى نفسيتهم........واف سلامة ع عينيكى الجميلة .......دمتى بكل ود
بصي يا مخنوقة اللي حصل دة طبيعي جدا
هي الست هانم الدكتورة طول النهار برة والعيال في مدارسهم طبيعي والراجل مع الست دي في البيت لوحدهم طبيعي تنه يغلطمعاها
بس واضح ان صاحبتك دي مش مهتمية بجوزها واضح كمان ان في خلل في علاقاتهم وانها مش بتعامله كويس واضح كمان انها مهملة في العلاقة الجنسية اللي بينها وبينه متهيالي انه عمل كدةمش رمرمة لاء نوع من العقاب لها لأنها مش واخدة بالها منه انتي ماتعرفيش النفوس فيها ايه واكيد هي مش الملاك اللي نازل من السما يعني
ويا ستي ربنايكرمك بشغل جديد احسن
تحياتي ليكي وسلام
الاخت العزيزة : واحدة مفروسة
مع احترامي الكامل لراي حضرتك بس مافيش حاجة اسمها انه مافيش تكافؤ بين الدكتورةوالمحاسب لانهم هما الاتنين خريجين جامعة ومعاهم شهادات عليا وزي ماحنا محتاجين للدكتورة انها تعالجنا محتاجين للمحاسب يشوفلنا حسباتنا واشغلنا كلنا في الحياة بنكمل بعض وكلنا محتاجين لبعض ومادام احنا الاتنين معانا شهادة عليا يبقي احنا الاتنين متكافئين لبعض
استني كده استني
ده زنا!
انا بحسب الموكوس متجوزها
يخربيت اللي جابو ابو ابوه جته الارف بجد ده بجد لازم تطلق منه او تخليه يغور بعيد عنها كمان بتصرف علييييييييييييه حلاوه حلاوه
ده مش راجل اساسا ومعلش بردو هي اللي غلطانه لان الاختيار في الاول غلط غلط
اهم حاجه الدين يعني ده لو كان بيخاف ربنا بجد ومتدين عمره ما كان فكر في الموضوع ده يعني الاخلاااااااق والدين
زي ما اظفر بذات الدين
بردوا اهم حاجه عارف رب العباد وخلاق ومتربي
اللهي يتوكس البعيد رمرام بجد
ياشيخه جتهم الارف الراجاله اللي بشكل ده مش كله طبعا في
رداله رداله يعني ربنا يحميهم ويبارك فيهم
وفي حيوانات ربنا يهديهم او يهبلهم
نفسه حلوه صحيح
اولا بالنسبه للدكتوره ربنا يعوض عليها فى راجل غيره اكثر احتراما او فى اولادها زى ما هيا تحب
وبالنسبه ليكى ربنا يسعدك اشغلى وقتك بالرسم والجيم والبيت هيا متطلبات البيت والاولاد بتخلص
ربنا يسعدك ويفرحك باولادك
وممكن تروحى اى جمعيه خيريه او تسجلى كتب للمكفوفين
اى حاجه تملى الفراغ وتقل الميزان يعنى
عارفه انا لو منها سورى سورى يعنى
كنت ولعت فيه
يابنتي دوختيني والله من الصبح من الساعه 10 الصبح عايزه اقولك كل سنه وانتي طيبه واجي افتح التعيقلت دايخه كأن النور مطفي وعماله امشي ايدي علي الحيطه متظهري مكان التعليقات انا اتجننت وكنت هكسر الكمبيوتر او كنت هولع في المدونه
عموما اهي الساعه 12 بليل اهو
كل سنه وانتي بالف خير وصحه ويباركلك في زوجك والولادك ويحفظكم في الغربه ويبعد عنك كل خنقه وضيق يارب
اللهم صلي علي سيدنا محمد رسول الله وعلي اله وصحبه وسلم
اللهم ارزقنا حب رسول الله وارزقنا اتباعه.
انا كنت هقولك صلي علي النبي انهارده طول اليوم بس ليوم خلص ميمنعش بقي بكره وكل يوم
بقلك ايه؟
متجيبي حته حلاوه بقي عشان ابل ريقي من صبحيه ربنا وانا عندك ودوخت
يلا بقى يا قمر بقالك كتير مكتبتيش حاجة جديدة.. اوعى تكونى تعبانة وللا حاجة .. يلا مستنية الجديد
انتى فين ؟؟ رديتى على نص البشر وكبرتى دماغك من النص التانى ؟؟ رحتى فين ؟؟
وحشتيني قلت اطمن عليكي
يعني قاعدة في البيت
قولي اطمن البشر اللي مدوش خوانة للمفاتيح المرة اللي فاتت
لأ دلوقتي لما تغيبي ها انزل نشرة ابحث عن مخنوقتكم في المدوخنات
الحقي نفسك وطمنيني عليكي
اقرى ,, ارسمى ,, احفظى قران
غيرى نظام بيتك ,, اشتغلى كروشيه او تريكو
شوفى نفسك حابة تعملى ايه واعمليه
القاعدة فالبيت مش مملة بوتاتا على فكرة وخصوصا لو انتى اقنعتى نفسك انك قاعدة بمزاجك
وعلى فكرة انا مش معاكى فى ان الراجل ده واااااطى زى ما بتقولى
يا عزيزتى التاريخ اثبت ان محدش بيطلع نفسه غلط ولا فيه حد بيخون من غير سبب ولا حتى بيتخانق مع نفسه
لازم يكون فيه تقصير من مراته
ومش بالضرورة لانها دكتورة ومشهور وشاطرة هتبقى ست وانثى وزوجة شاطرة
ولو قلتيلى انك تعرفيها كويس هرد عليكى واقولك انتى تعرفيها كست زيها مش راجل ومش جوزها
زمان قالولنا اللى بين الراجل ومراته زى القبر وزنقاته محدش يعرف عنه حاجة
وصباح الفل
تحياتى
عروسه حبيبتى
انا فى الحالتين باكلم الباشا واطمن عليه كل يوم..
وانا باحاول اغير فى نظام حياتى علشان مازهقش وربنا يسهل
شكرا على زيارتك الجميله لمدونتى
وياريت تكرريها
تحياتى
صبرنى ياحبيبتى
اتأخرت فى الرد معلش ماتزعليش بس العيال بوظوا الكمبيوتر ولقيت عليه 11 فيرس...وعقبال ماغسلته ونظفته ياختى خد منى يومين..المهم انا معاكى فى كل اللى قلتيه على جوز الدكتورة..ومابلتمسش ليه اى اعذار نهائى..وبرضه هى غلطانه انها سابته كده من زمان ...بس شغلها هو اللى فاتح البيت ياصبرنى ومدخل ولادها مدارس محترمه...
اغلمهم انا عملت نيو لوك جديد جديد
والباشا لما شافنى اتخض وقال مين الخوجايه دى ...ضربت شعرى اصفر مع هايلايت ...ماقولكيش...
ههههههههههههههههههههههه
ورحت الجيم ياوختى و....هاقولك فى البوست الجاى...المهم انك وحشتينى قوى ... وان شاء الله هازورك..
تحياتى ياقمر
مجبورة
اسم جميل قوى واول زيارة لى مش كده ...
انت نورتينى والله ..وكلامك كله صح ..وزى مانا قلت انه راجل واطى ومايعرفش ربنا ابدا ...
لانه حتى لو مش عامل حساب ليها ...يعمل حساب لخوفه من ربنا ...
تحياتى ياجميل على زيارتك العسل
BONDOKA
نورتينى ياقمر وانا بعتلك الايميل خلاص ...بس لسه مادخلتش على الميل علشان اشوف بعتيلى دعوة ولا لأ..
اصل ولادى فيرسوا الكمبيوتر وقعدت اظبطه يومين..
المهم كلامك صح ..مع ان معظم الرجاله مغلطين الدكتورة على اساس انها مقصرة فى حق جوزها..
انا شايفه ان الاتنين مقصرين مش واحد بس..بس هو مابيخافش من ربنا ...كان اولى يعمل لربنا حساب وبلاش زنا ...
وهى للأسف ادته فلوس علشان منظره قدام ولاده..لانه بدأ يستلف من مصروفهم..
ربنا يكون فى عونها ويبعد عنا الاشكال دى...
تحياتى ليك
كاتب مصرى
منورنا ياكابتن...انت فينك من زماااان ...مختفى ليه؟؟؟
كلامك كله صح والله اسوأ حاجه فى الدنيا الخيانه...
وعمر الست مابتسامح فيها ابدا..
ربنا يعفينا ويعفى كل الرجااااااله يارب..
وشكرا على سؤالك..
تحياتى
blue-wave
تحياتى ليك جدا ...بصراحه كلامك عجبنى قوى مع انه مختصر...بس فعلا الخيانه ليس لها اسباب منطقيه ابدا ...دى طبع...
فعلا معاك حق
تحياتى ليك
جارة القمر
تحياتى ليك اولا على زيارتك الجميله
وانا معاكى ان التغيير مفيد ...بس عدمه مش مبرر ابدا للخيانه مهما كانت ..لان بمرور السنين الحياة بتبقى اصعب واولادك بيكبروا والمسؤوليه بتزيد..
والواحد عايز يعمل كل حاجه لولاده..وبتضيع حاجات كتيرة فى الزحمه دى...
تحياتى ليك
AHMED K
حضرتك منورنى برأيك الجميل والله..
الشغاله مهما كان نوعها او من اى بلد ..هتفرق فى ايه ..؟؟؟ايه علاقة الخيانه بجنسيه الشغاله؟؟؟هى من بنجلاديش ومش حلوة خاااالص....بس بنت صغيرة19سنه..علشان كده صاحبتى خلت جوزها يتجوزها...فهمت..
وعايش معاها ازاى ؟؟؟؟ماعرفش ومش عايزة اعرف...لانى بصراااحه قرفانه منه جداااااا...
لانه زى حضرتك ماقلت ...وااااطى جدا ...ومايستاهلش ان حد يدافع عنه اصلا..
اما بالنسبه لرأيك فى وقت الفرااغ بتاعى فعجبنى قوى موضوع حفظ القراان ده...وقررت انظم لمجموعة من الستات بيعملوا عندهم يوم اتحفيظ القران كل اسبوع...وربنا يتقبل..
تحياتى ليك
القدر وانا
نورتينى بزيارتك الجميله دى
وانا معاك انه راجل خسيس جدا ومايتقالش عليه راااجل ابدا...
اما بالنسبه للشغل...فده رزق من عند ربنا ...وانا باحاول وربنا كريم..رزقى موجود وماحدش هاياخده غيرى...الحمد لله..
تحياتى
عاشقه وغلبانه
انت والله بت عسل
انا خنقتك قوى كده ..؟؟؟
ايوة ياحبيبتى للأسف فى رجاله واطيه كده وبتجرى وراا اى واحده تقول حاضر ..ومش مهم هى شكلها ايه....
وانا باحاول والله انى البس واتشيك فى البيت ...وبرضه مش عارفه انام كويس ...وبرضه بقوم من النوم بدرى وااقعد الف حوالين نفسى..
بس رحت الجيم ...وعملت نيو لوك جديد..و....هاحكيلك البوست الجاى
تحياتى ياقمر
KHOLIOS
تحياتى ليك والله كلامك صح...بس ليه الرجاااله بتحب الرمرمه..؟؟؟؟
وربنا مديه واحده حلوة ومحترمه ..؟؟؟
اما بالنسبه لمسلسل نور ...
يمكن انا الوحيده فى مصر اللى بتقولك انا مش بحب المسلسل ده ...وانه مممل جدااااااااااا
وان مهند بتاعهم ده عاااامل زى البنات...او ال........
بصراحه انا استحاله اتابع المسلسل ده حتى لو هايدفعولوى فلوووس..
تحياتى ليك
aMr tA3LaB
انت منورنى والله ..والراجل ده قديم فعلا لانه من ايام الابيض والاسود...
والشغاله مهما كان نوعها او جنسيتها..مش مبرر ابدا ان عينه تزوغ عليها ..سواء كانت وحشه او حلوة..كل الخيانه واحده..وده راجل مايعرفش ربنا..
وصدقنى انا عارفه ان فى خطأمن صاحبتى برضه بس..هى شايله مصاريف البيت بالكامل..ومش ملاحقه على المستشفى والعياده...علشان توفر لهم حياة مرفهة ليه ولولادهم...ومن الطبيعى انها ماتلاقيش وقت للبيت..وتحتاج شغاله..بس ليه بدل مايساعدها ..يخنقها بخيانته دى ..؟؟
وانا معاك ان الست احسن لها بيتها ..
بس قعدت البيت تزهق جداااا...
خصوصا اللى واخد على الشغل..
بيحس انه مخنوووووق زى حلاتى
وانا بدأت ارسم فعلا وهاوريكم واخنقكم ....من عينى ..حاضر..
والباشا ...جايز بيحبنى وجايز عايزنى ااقعد فى البيت وخلااااص..
الايام هاتثبت...وربنا يدينى طولت العمر...والبال..
تحياتى
مفروسه حبيبتى
كويس لقيت واحده زهقانه زى ..ومفروووسه كمان...؟؟؟
بجد ربنا يكون فى عونا احنا الاتنين..
انا رجعت الجيم...وماقولكيش على اللى حصلى .....الواحد لازم يتمشى شويه مش كله عربيه ..الواحد صحته باظت...اول يومين جيم كانوا عذاااب..
المهم صاحبتى دى بتعمل اجراءات خلع للواطى اللى اتجوزته..
بس انا مش معاكى فى موضوع التكافوء ده...ايه يعنى لما دكتورة تتجوز اى حد تانى ومش ضرورى يبقى دكتور...صحيح اى حد تانى مش هيقدر مسؤولياتها ...بس القلب ومايريد..
وفيه رجاااله محترمه وبتقدر قيمة اللى متجوزها..لكن ده واحد مايعرفش ربنا اصلا..فتوقعى منه اى حاجه...
ربنا ياعافينا يارب
تحياتى ليك ياقمر
حاسوباتيه حبيبتى
انا عارفه ان الشغاله المقيمه وباء فى البيت بس ده مش مبرر ابدا للخيانه مهما كانت الزوجه مشغوله عن جوزها ..فهى فى الاخر بتنام جنبه بالليل..يعنى مش ده السبب الفعلى لخيانته..انا رأى انه عمل كده علشان يساويها بالشغاله..(فى نظره المريض)
لانه واضح انه متعقد من نجاح مراته...ولقى ان دى الطريقه الوحيده لأهانتها..
المهم انا باحاول اشغل وقتى على قد ماقدر وربنا معايا..
يابختك بتحبى قعدة البيت..
تحياتى ليك ياقمر
عاشقة الرومانسيه
وانا كمان بعبك قوى وباموووت فيك ياقمر...
والحمد لله عني كويسه...وانا متابعاكى ياقمر بس العيال خربوا الكمبيوتر وبقالى يومين بانظفه من الفيروسات اللى فيه..والحمد لله نظف...واكييييييييييييد هازورك ياقمر..
تحياتى ياعسل
مصريه وبس
اول زيارة ياقمر ودايما كرريها
وانا معاكى ان ده مش راجل اصلا..وانا رديت عندك على ان كلنا لازم نرجع مصر....هى البلد ناقصه ناااااس...
ماكفايه اللى فيها...
تحياتى ياقمر
SHEMOooo
حبيبتى نورتينى..وانت تدخلى وتخرجى على كيفك ياجميل..
الله يبارك فيك وفى حياتك يارب ..وينتقم من كل الرجاااله الخاينه
امييييييييييييييين
تحياتى ياعسل
ستيته حبيبتى وروح قلبى
ايه ياخواتى الستات العسل الجدعه دى..
انا العيال يأوختى بوظوا الكمبيوتر ودخلوا 11 فيرس عليه..
وعقبال ماقعدت انظف واغسل فيه وفرمت امه...ورجعت الداتا تانى...اخدت الحكايه دى منى يومين كده ...ماتزعليش ياحبيبتى ..هو انا اقدر مازوركيش ياقمر..
وصاحبتى دى اكيد كانت عارفه ان جوزها لعبى ..بس ماكانتش فاضيه له فعلا...لأن للأسف هى اللى شايله مصروووف البيت كله..وبسلامته مابيدفعش حاجه..وولادها محتاجين لكل مليم بتاخده...وهى بين المستشفى والعياده..طب تعمل ايه ياستيته ياختى...بس ده مش مبرر لعملته السوده دى ..لأنها فى الاخر بتنام جنبه بالليل..هو عمل كده علشان يهنها مش اكتر..
واهو هايتخلع ان شاء الله..
علشان المهااانه والاستهانه واييييييييييييييه
وانت العسل مش كفايه عليك علشان ااقولك انك عسل..
ربنا يخليك لى ياعسسسسسسسسسسسسسسسسسسسسل
الحرامى
نورتنى ياكابتن..
اما الحق الم الدهب والفضيه ..ماحدش ضامن سيادتك ...لامؤاخذه..
انا معاك ان مافيش تكافؤ..بس ده مش السبب..لأن فيه ناس مش دكاترة ومجوزين دكاترة ومحصلش المسخرة دى ..
يعنى الحكايه ببساطه انه راجل واطى ومايعرفش ربنا ابدا
تحياتى ليك
واخر اخبار شغلك ايه ؟؟؟؟
مش عايز مساعده ؟؟؟
انا بقيت فاضيه....
سمكه واحده
ايه النور ده كله ..تعليقين مرة واحده وكل واحد احلى من التانى..انا معاكى تماما ان الردااله كلهم عينهم زايغه ..بس فيه رداله بتغض البصر وفى ردااله عايزة خزق عينها....
والدكتورة غلطانه ماقلناش حاجه ..بس مسؤولياتها كبيرة والضغط عليها كبيير قوى..لأن البيت مسؤوليتها ومصاريف الاولاد كمان ..وهو بالظبط خيال مأته لاغير..وكمان مش محترم نفسه..؟؟؟
المهم انت قلتيلى على طريقه حلوة للأستفاده من الوقت وانا عجبتنى وهاحاول اظبطها على ظرووفى ..
شكرا ياقمر على اهتمامك بي..
صحيح سموووكه عسوووله قوى...
وانا بدأت ارسم فعلا وقريب هاورييكمم شغلى ..بس من غير تريقه..
ايه ده ..؟؟؟؟؟
كمان تعليق تالت ...
انا لسه شايفاه حالا..
كل سنه وانت بألف خير ياقمر...وربنا مايحرمنيش منك ومن سؤالك على ياقمر...
وانا الحمد لله صليت على الرسول عليه السلام يومها ...
بس للأسف ماعنديش اى حلاوة مولد لأن مابتاتباعش هنا....لو عندك ..ادينى ..
ده انا اختك برضه..
تحياتى ياسكرررره مكررره
الشموع البيضاء
انا حاسه انك متضايقه من الملل زى حلاتى..مش كده ؟؟
بس انتى ماشتغلتيش ليه؟؟؟
يعنى دكتورة اسنان ومافيش اطفال لسه ..(ربنا يديك ان شاء الله )..ليه قاعده فى البيت؟؟؟
انا مش عارفه انت متغربه فى اى بلد ...لأن كل بلد وليها ظرووفها..
عموما ربنا معاكى وتشتغلى ..وانا كمان ...يااارب..
اما بالنسبه لموضوعنا ..انا معاكى ان الغلط مش على صاحبتى بس..وان دى اسطوانه مشرووخه من الرجاااله علشان يعلقوا الغلط دايما على الستات..
وان دايما الراجل غلبان ومحتاج للحنان ومش لاقيه....علشان كده بيتنيل...وبيغلط ....طبعا ده كله كلام فارغ تماما ...الغلط من الاتنين..واكتره من الراجل نفسه...
عموما ربنا يبعدنا عن الاشكال دى ..
تحياتى ياقمر
ronnata
نورتينى وشرفتينى ياقمر
ايه الزيارة الجميلة دى ...؟؟؟
انا مبسوطه ان المدونه عجبتك..
وانك قريت التدوينات اللى فاتت..
بس انا لما شوفت تدويناتك...لقيت انك بقالك كتيير قوى ماكتبتيش حاجه...لعله خير..
وعلى فكره انا من مشجعين الاهلى برضه..
ورأيك فى موضوع صاحبتى ..زى رأى بالضبط..هما الاتنين غلطانين...ده حقيقى..
تحياتى ليك ياقمر وشكرا لزيارتك..
تحياتى
محمد عتلم
ايه ..ليه زعلان منى كده ..انا والله مالحقتش يومها ارد على كل التعليقات
وقمت علشان جالى ضيوووف...
وبعدين بعيد عنك العيال دخلوا على النت وبوظوا الكمبيوتر...وقعدت يومين انظف واغسل فيه ..ومانفعش غير لما فرمت امه...
علشان كده اتأخرت فى الرد ياعم الناظر...انا عمرى ماكبر دماغى من الرد عليكم ابدا..
بالنسبه للرسم ..اه انا بارسم لأنى اساسا خريجة فنون جميله..واخدت كورسات جرافيك من زماان..
وبقالى اكتر من اربع سنين مارسمتش حاجه...
وانا بدأت ارسم وهافرجكم بس من غير تريقه...ماشى ...
والتورته عملتها وطلعت حلوة قوى..
تسلم ايد مراتك...وسلملى عليها واشكرها لى ...
تحياتى ليك ومش تزعل ...
تامر على
دى اول زيارة مش كده....؟؟
انت نورتنى ..يارب تكون المدونه عجبتك...وانا رأى يختلف عن رأيك (مع احترامى ليه..بس الحاله دى تعمل ايه صاحبتى ؟؟؟تسقط البنت ؟؟؟ولا تبلغ عنه وتفضحه ؟؟؟..طب ماالستر احسن..
واللى ربنا ستره ...نفضحه ليه..؟؟؟
انا شايفه انى صاحبتى اتصرفت صح ...
هى غلطت طبعا من الاول انها سابتهم لوحدهم ...وده لانها كانت مضطرة ...لكن بلاش تحكم عليها انها ماتعرفش حاجه فى الدين لان ده حكم متسرع جدا ..
تحياتى ليك
لجين ابو الدهب
ربنا يخليك ياحبيبتى على افكارك الجميله ويجازيك كل خير يارب
فعلا طريقه حلوة لحفظ القران ولتجمعات الخير
وانا هاحاول اطبقها بأذن الله ..
انا معاكى ان جوز صاحبتى عايز يتعدم فى ميدان عام ...ده حقيقي..
بس ولاده ذنبهم ايه فى ده كله ..دول كبروا ..وبقوا بيفهموا كل حاجه .
واحسن حاجه اللى عملته صاحبتى انها سترتهم وبعدته عن البيت..
وربنا معاها ..
وربنا معاكى فى الفضى ده كله ..
ايه يابنتى الوقت الفاضى ده كله ..؟؟
ماتدورى على شغل احسن كده الفراااغ عندك قااتل...
تحياتى ليك
بنت عرب
ازيك ياجميل عامله ايه؟؟
انا مقصرة شويه اصل الاولاد خربوا لى الجهاز وقعدت يومين اصلح فيه..
انا معاكى ان جوز صاحبتى طلع ندل والاندال كثيرواا..
ههههههههههه بس مش كثيروا قوى كده..
انا عملت بنصيحتك وبخرت البيت ..
وناويه اخد كورس اوتو كاد..
لانه فعلا مهم هنا ..وربنا كريم و..ادعيلى..
تحياتى ياعسل
كيارا حبيبتى
انت فينك من زماان ؟؟؟
انا معاكى ان جوز صاحبتى مابقاش نافع يتعاش معاه من اساسه خلاااص
واهو فى طريقه للخلع..
وانا بادور على طريقه اشغل نفسى بيها لان البيت تنظيفه مش بياخد وقت..
تحياتى ليك
حسبى الله ونعم الوكيل فيه
====
عن قاعدة البيت بما انى بحبها جدا
هقولك شوية حاجات ممكن تعمليهم
اختمى القرآن
مارسى هواياتك
اعيدى تنظيم البيت(من اول بقى الملابس اللى فى الدواليب للحاجات اللى فى النيش للمطبخ.. كده يعنى)
قناة "اعمال" اتفرجى عليها حلوة اوى
والانسانية برضه والرسالة واقرأ بيجيبوا حاجات الصبح جميلة
ممكن تعملى تمارين وانتى بتتفرجى على التليفزيون عشان تستغلى الوقت
حاولى تتفرغى قبل ماييجوا من بره نصف ساعة كده عشان هتبدأى الشغل اول مايوصلوا
وربنا معاكى
اشووو الحياة
ازيك ياقمر والله منورانى خالص..
انت غبت ليه قوى كده..؟؟وحشتينا
انا معاكى ان اللى حصل لصاحبتى مصيبه ..ليها ول اولادها ...بس دايما ربنا بيقف مع المظلومين..وان شاء الله ربنا هينصرها فى قضية الخلع..
شكرا لسؤالك على ياجميل..
تحياتى ليك
مصطفى ريان
ازيك الاول..؟؟ اخبار كتابك ايه ..؟
انت نورتنى ..بس انت ليه محتد قوى على صاحبتى ..؟؟ دى هى الضحيه هنا ...هى فى الشغل صحيح طول النهار وبالليل فى العياده علشان هى اللى بتصرف على البيت...وهو مابيصرفش حاجه من مرتبه على اساس ان مرتبها بيكفيهم وبيفيض....بس هى بتنام جنبه بالليل ..يعنى هتنام فين ..؟؟؟؟
يعنى موضوع العلاقه الجنسيه بينهم مش معدومه زى مانت فهمت..وبرضه ده علمه عند الله ...لان ماحدش يعرف ايه اللى بين الزوجين ...ومافيش مبررابدا للخيانه واكيييد للزنا ...
اذا افترضنا انه بيعاقبها على اهمالها ليه ...طيب هو مش خايف من ربنا..؟؟؟؟ولا نظرة ولاده ليه ؟؟؟ ولا خراااب بيته ..؟؟؟؟؟
انا ماقلتش انه هو لوحده غلطان ..ابدا انا قلت الاتنين غلطانين....اعتماد الرجل على الست فى الناحيه الماديه بيقلب موازين الحياة تماما...وبتختلف نظرة كل واحد منهم للتانى ...
اما بالنسبه لردك على مفرووسه ...انا معاك ان عدم التكافؤ بين المحاسب والدكتورة ده غلط ...
لأن اعرف ناس مش دكاترة ومتجوزين دكاترة وحياتهم مستقرة ..ده لأن الزوج مش بيعتمد بشكل اساسى على دخل مراته..ويكبر دماغه من المصاريف....
والله انا شفت واحد صيدلى قعد مراته دكتورة النسااا فى البيت..علشان ولاده ....وقالها طظ فى الفلووس ..ولادى اهم...ماهموش هو خسر قد ايه من مرتبها المحترم ..همه بس ولاده...ده رااجل جدير بالأحترااام...صدقنى..
وتحياتى ليك يادرش ..
محاسن حبيبتى
ازيك ياقمر ومعلش انا مقصرة مع الجميع بسبب العيال بوظوا الكمبيوتر واضطريت افرمت امه..والحمد لله رجعت نظيف تانى لأنه كان مليااان فيروسات من قعدة العيال على النت ...
المهم انا باحاول اشغل وقتى اهو وباروح الجيم واتصاحبت على مجموعة ستات بيعملوا عندهم قعدة قرايه وحفظ للقراان كل اسبوع..وربنا يسهل ولسه بادور على شغل..
وياريت يكون هنا فيه جمعيات خيريه زى مصر ..عموما هاسأل وهاشوف..
تحياتى ليك ياقمر
طالبه مقهورة
اول زيارة ياجميل....
خضتينى ...تولعى فيه ؟؟؟ليه؟؟؟؟
تدخلى السجن وتخسري مستقبلك علشان واحد وااااااطى كده..؟؟؟
مايروح فى داهيه...
وحسبى الله ونعم الوكيل وخلااااص
تحياتى ليك ياعسل
dreem
نورتينى والله..دى اول زيارة وانا مبسوطه قوى من تعليقك الجميل..
معاكى حق مافيش رااجل بيطلع نفسه غلطان ابدا ..ودايما عنده 100 سبب للخيانه..والكلام المبرر جاهز وموجود..صحيح انا عرفه صاحبتى دى كويس وعارفه هى بتتعب قد ايه علشان توفر لأولادها حياة كويسه ومستقبل محترم..وعارفه ان البيه جوزها شايل ايده من كل حاجه فى المصاريف على اساس ان مرتبها كبييير..
بس انا ماعرفش بينهم ايه زى ماقلت...
بس مافيش حاجه تبرر الزنا عند ربنا ...صح ولا لأ..؟؟؟؟
عموما انا باحاول اشغل وقتى على قد مابقدر وربنا معايا والاقى شغل جديد
تحياتى ليك ياجميل وشكرا لزيارتك ولازم تكرريها...
موناليزا
حبيبتى منورانى..اخبارك ايه...؟؟
افكارك فى قعدة البيت حلوة بس انا مش باحب اتفرج على التلفزيون ..او الظاهر انى مكانش عندى وقت ليه فاتعودت انى المحه بس ومابقاش لى خلق ااقعد اتفرج على حاجه فيه...
المهم انى هاحاول...
والقنوات دى انا ماعرفش حاجه فيهم غير أقرأ...بس هادور عليهم ..
وشكرا ليكى ياقمر
تحياتى
انا عمرى ما ازعل منك ابدا والله انا بس كنت بنكشك واهزر معاكى
اما بالنسبه للتورته انا اللى عاملها والوصفه دى من عندى
وبالنسبه للبوست بتاع اسكندريه اللى عندى بصراحه الموجه كانت عاليه من كام يوم فى البوست وغرقت البلوج والبوستات التانيه اتبلت ميه . انامستنيها تنشف شويه وبعدها هنزل بوست جديد
انتى فين مختفيه يارب تكونى بخير؟
انا لسه ملقتش شغل لان فى شوية اوراق لسه عاوزه تتعمل وانا مبقاليش هنا غير 4 شهور بس انا فى السعوديه بس ربنا يسهل والاقى
البوست الجديد نزلتيه رحت جرى اقرا مفتحش وطلعلى المدونه مقفوله :-(
ده تهييس من النت ولا ايه الى حصل
* موضوع الرجاله عينهم زايغه,, جايز... بس لحدود... وبعد الحدود تيجي الأفعال... والمحترم من الرجال لا يفعل ما يشينه ويخل منه ويندم عليه...
* موضوع إن الدكتوره ماخدتش بالها من جوزها.. إحتمال وزي ما شمس قالت... لازم تسمعي الطرفين... المشكله إن ساعات الستات مش بياخدوا بالهم إن هما مش واخدين بالهم من إزواجهم...
** موضوع تعملي إيه في البيت تسمحي لي أرد..
لأنك وجهني السؤال للستات
* بيتك مملكتك... وضبيه...
* الباشا حيفرح جدا لما تطبخي له ما لذ وطاب وحافظ على صحته وصحتك إنت والولاد
* الرسم جميل وممتع... ده لو بتعرفي.. وعشان كده مستنين بوست بآخر رسم لك عشان نحكم
(:
* أهم حاجه ... القراءه
القراءه ده بتقعدك مع ناس كتير وتشوفي أفكارهم
أرشح لك:
^ الكيميائي - باولوكوليو
^يوتوبيا - أحمد توفيق
^النبي - جبران خليل جبران
^ليلة الزفاف - توفيق الحكيم
^ طبعا يوسف معاطي عشان إنت بتكتبي مثل طريقته
^ خيري شلبي.. أسامه أنور عكاشه - سناء البيسي -
وحاجات كتير تانيه
المهم عشان خاطري... القراءه ثم القراءه
بلاش اللي أنا رشحتهم... إختاري إنت
ده كنز...
أمنياتي
بصراحه وااااطي
كفو له الشغاله هالحقير
و ربي يعوضها بالي يغنيها عنه و يصرفه عنها يااارب
اما الخنقه الي تمرين فيها بالبيت فانا انصحك نصيييحه
تعلمي كروشيه
ياخذ الوقت كلللله و فالاخر الاعمال تطلع فمنتهى القمه
و انا جربته هو اكثر عمل يودي الطفش
و ابداعي لاقصى حد
اتمنى لك كل خير و انتبهي لنفسك و لبيتك و اسرتك
ربي معك ^^
نسيت اقلك:
اكثري قرأت القران في وقت فراغك
و لو باقي وقت فراغ مري على مدونتي
^^
طب واللى بتقعد تستنى جوزها من صباحية ربنا لحد الساعة 7 او 8 او 9 او 10 او 11 او 12 بالليل ومعندهاش أولاد
بذمتك مش تبقى مخنوقة أوى يا مخنوقة؟؟؟؟؟
دى رقى 0172337317يا جماعه وانا امجد طيار مدنى من مصر 28نه نفسى فى واده عندها 40سنه شيك كده
دى رقى 0172337317يا جماعه وانا امجد طيار مدنى من مصر 28نه نفسى فى واده عندها 40سنه شيك كده
شوفيالمراه المصريه مضتهده بس النسون السوريه والبنانيه اخر دلال الراجل المصري بس تسيب العمل بطلقها تان يوم بموت علا الفلوس ديلازم ترمي جوزها بلزباله
الحاجات دى بتحصل كتير وبتكرر ولكن بش باخد بالنا الا بعد فوات الاون الواحد لازم يحرص اكتر من كدة
حضرتك زهقتى من قاعدة البيت من متشغلى وقت فراغك بحاجة مفيدة طب تعالى حضرتك اشتغلى معانا من بيتك ومن خلال تدريبى ليكى مايكون ليكى عائد مادى مكنتيش تحلمى بيه تم وانا معاكى خطوة بخطوة
إرسال تعليق