يوميات زوجه مخنوقه: مخنوقتكم ...بعين واحده

الخميس، فبراير 26، 2009

مخنوقتكم ...بعين واحده

انتم وحشيييين وحشييييين ....انا بقالى اكتر من اسبوع مازرتش حد فيكم
طب اسألوا على.....جرى لى ايه ..مايتردش على تعليقاتنا ليه ؟؟؟
اكيد فى حاجه .....مش معقوله مش هارد على تعليقاتكم من غير سبب
الاسبوع ده كان اطول اسبوع فى حياتى.....
بجد اتخنقت فيه زياده عن اللزووووم........
نبدأ الحكايه من اولها ....من يوم السبت ....
انا اليوم ده اجازة انا والاولاد ...ودايما باخدهم افسحهم الصبح ..
المهم صحينا الساعه 9 وفطرت الاولاد وقعدت شويه على النت ...
وبعدين ابنى الكبير اصر اننا نروح مول كبيير قوى وفيه العاب كتييرة ..
لانه متفق مع صاحبه يقابله هناك ....طبعا المول ده فى حته زحمه ومكانه رخم..
بس قلت مش مشكله نروح ....واهو يوم فسحه ويعدى...
ركبنا العربيه ووصلنا بعد ساعه الا ربع معاناه فى الزحمه....
وابنى الكبير راح مع صاحبه يلفوا لوحدهم وفضلت انا مع الاتنين الصغيرين
وقعدت العبهم فى الالعاب...وفجأه ابنى الصغير وقع شنطتى كلها على الارض
ووقع منها كل حاجه ....وقعد يساعدنى فى لم اللى وقع و....طرااااخ
ضرب مفاتيح العربيه فى عينى.....
وعينكم ماتشوف الا النور .....حسيت ان المفتاح قطع عينى من جوه...
ولقيت ميه كتيرة نازله من عينى ...اتخضيت جدا وجريت على التواليت اشوف
حصلها ايه ...لقتنى مش شايفه كويس ...بس مافيش دم نازل من عينى ولا حاجه
بس عينى بتوجعنى جدا جدا ....
المهم غسلتها كويس ...وحاولت ارجع العب الاولاد تانى علشان مايتخضوش
بس بصراحه ماكنتش قادرة ...
الصداع مسك دماغى ...وبرضه عينى لسه بتوجعنى....طب هاسوق ازاى دلوقتى؟؟
كلمت الباشا ..وقلتله يسيب شغله ويجى يروحنى انا والاولاد ...
وكل ده وانا فاكره ان عينى اتطرفت وخلاص ....ودلوقتى هاتخف ...
بس الباشا لما جه وشافنى لقيت وشه قلقان ...وروح الاولاد ...وقالى نطلع على دكتور عيون
احسن علشان نطمن...لان عينى عماله تدمع....
المهم الدكتور كشف على عينى ولقى ....انى عندى جرح فى القرنيه..
والجرح ده طوله 6 ملم......والقرنيه اصلا كلها 9ملم...
والحمد لله الجرح عميق بس مش محتاج خياطه ....
وقعدت عند الدكتور اكتر من ساعتين ....كل شويه يحط قطرة شكل.....
وقعدت اعد كام مره النيرس حطيت لى قطرة خلال ساعتين....
12 مرة ....لما انا خلااااص مابقتش حاسه بعينى...
المهم الدكتور حطلى مسكن للألم ...وقفلى عينى ...وقالى ماشيلش الغطاا اللى عليها
واستحمله ..وبكره اروحله تانى ....
وروحنا البيت ....والباشا نزل جاب اكل من بره ...
وانا الوجع زاد جدا جدا وبقيت اخد بروفين علشان الألم...ومافيش فايده...
وبعد مأكلنا ....الباشا بمنتهى الخنقه ...
الباشا : انا نازل ااقعد على القهوة شويه مع كيمو ...لو عزتى حاجه كلمينى..
انا : انت هاتسيبنى وانا تعبانه كده ؟؟؟ انا مش عارفه اشوف اصلا بعين واحده
وبعدين مين اللى هيقعد مع الاولاد؟؟؟
انا عايزة ارتااح شويه ....ومش هاعرف اخد بالى منهم ...انا مش مركزة خااالص
الباشا : ايه يامخنوقه ...هما صغيرين ؟؟؟تحبى اكلم بيبه وأأقولها تيجى تقعد معاكى شويه؟؟؟
انا : لا طبعا ....بيبه تيجى ازاى هى واولادها ؟؟؟هو انا قادره اضايف حد ...
انا محتاجه ارتاااح وماشيلش هم الاولاد ....
الباشا : خلاص يامخنوقه ...انا مش هتأخر...نامى انت وسيبى الولاد لوحدهم..
هيحصل ايه يعنى ؟؟؟؟؟
وطبعا ..خرج ...عادى جدا ....وأياك حد يقولى ايه يعنى؟؟؟؟
انتم شفتم لما كان عيان انا عملت معاه ايه ؟؟؟؟وكان شوية برد.....
بذمتكم لى حق اتخنق منه ولا لأ.....
فعلا الحنيه مابتشحتش....وانا قررت اعامله بالمثل .....
المهم ريحت على الكنبه فى الصاله مع الولاد وانا زعلانه جدا ....ونفسى فى كباية شاى
لان دماغى كانت جايبه زيت من الصدااااع......
ومش قادره فعلا ااقوم اعمل حاجه .....
بس ابنى الكبيير ( ربنا يخليه ) باسنى وقالى ماتزعليش يامامى
وجاب المج وملاه ميه وحطه فى الميكروويف....ولما سخن حطلى باكت شاى
وورقتين نعناع ....وانا قمت جبته لانى خفت عليه بصراحه...
وقعد مع اخواته يهديهم ويلعب معاهم على الكمبيوتر علشان اعرف اريح شويه
من غير دوشه...شفتم الولد الصغير حس بأمه ازاااى ....
وابوه مش قادر يقعد يوم من غير الشيشه....والله لى ربنا ...
المهم الباشا رجه بعد ساعتين ونص ( ماتأخرش ولا حاجه )
وجاب معاه عشااا ...واتعشى هو والاولاد ...وانا سبتهم معاه ودخلت نمت..
وده مش عارف حتى ينيم ولاده...وعمال يزعق فيهم ...
بصراحه سبته يعيش شويه وطنشت خااالص ....
تانى يوم ...صحانى من غير المخده طبعا علشان عينى....وعايز يفطر..
انا : انا تعبانه ومش قادره اعمل حاجه...هاتلك اى حاجه من السوبر ماركت
وانت جاى هات معاك غدااا لانى تعبانه ومش هاطبخ ....
وبكل رخامه كملت نومى تانى من غير حتى مابصله...
لانى فعلا كنت متضايقه منه جدا جدا ....
وبعد الغداا ....نزلنا عند الدكتور ....والدكتور غير لى على الجرح...
وقفل عينى تانى وقالى اسيبها مقفوله يومين كمان ...وطبعا مافيش شغل ولاكمبيوتر
مش مشكله ...اصلا ده كان اخر اسبوع لى فى الشغل....
واحنا مروحين ..طلع معايا البيت ...وكيمو كلمه ...وقاله يعدى عليه علشان القهوة..
وبرضه رااح القهوة ...بس رجع بعد ساعه....
الباشا : اخبارك ايه يامخنوقه ؟؟؟مين اللى عملك الشاى ده ؟؟
انا : ابنك...صعبت عليه وعارف انى ممنوع ااقف قدام الفرن...فعملى الشاى ..
ربنا يخلهولى ...بيحب امه..وماهنتش عليه ...
الباشا : اه طيب ...انا نازل اجيب عشااا...
وتانى يوم زى اللى قبله ...انا باكلمه بمنتهى الرخاامه ....
وفعلا مش قادرة ااقوله ياحبى ...ودايما باندهله بأسمه بس....
وبرضه جاب الغداا من بره ....بس يومها ماراحش القهوة مع كيمو ...
وهو اللى قام بالليل وعمل ساندوتشات للأولاد ....
وتانى يوم عملت اكل خفيف علشان الاولاد صعبوا على من اكل بره
...واتغدينا وبالليل رحنا عند الدكتوور ...
وشالى الرباط اللى على عينى ....وقالى انها الحمد لله اتحسنت ...
وممكن ماقفلهاش ...بس لازم ابعد عن الشمس واى حاجه سخنه ..
وطبعا ماينفعش كمبيوتر خاالص...
يعنى مافيش مرواااح الشغل....
الباشا : انت وراكى حاجه فى البيت دلوقتى ؟؟؟عندك مذاكره للولاد ؟؟؟
انا : لأ ليه ؟؟؟
الباشا : طيب تعالى معايا ..انا عايز اشرب شيشه ...تعالى نقعد فى اى كافتيريا
انا : ليه هو كيمو عنده شغل ولا ايه ؟؟
الباشا : لا يامخنوقه ...انا شايفك متضايقه بقالك كام يوم من عينك ....فقلت اخرجك شويه
انا : انا ماكنتش متضايقه علشان عينى ...انا كنت متضايقه منك ....علشان سيبتنى وانا تعبانه وخرجت مع كيمو ...انا عمرى ماعملتها معاك .....ليه المعامله دى ..
الباشا : يعنى بعد اللى عملته ده كله ..ومتضايقه منى ...ايه اللى حصل لما سيبتك ورحت قعدت نص ساعه شيشت فيها ؟؟؟مانا سيبت شغلى ورحت جبتك من المول ووديتك للدكتور وقعدت معاكى لغاية ماطمنت عليكى ...
وبقالى كام يوم بناكل بره ..وانا اللى بانيم الولاد ...وعملتلهم عشااا امبارح كمان ..
وكل ده ومش عاجبك ....
انا : كتر خيرك ياباشا ...هو انا باقعد اعدلك عملتلك ايه لما بتكون تعبان ؟؟؟
تحب ااقعد ااعدلك كده ....انت مش شايف انك مقصر معايا خاالص؟؟؟
الباشا : افففففففففف....جايز قصرت شويه ...خلاااص كفايه نكد بقى ؟؟؟؟
انتى عارفه انى مش باعرف اتصرف مع الولاد ..ولا باعرف اعمل اكل
ولا حتى باعمل كبايه شاى لنفسى ...ده اللى باعرف اعمله ...
خلاص كفايه زعل ....انزلى وصلنا الكافتيريا ..
انا : انت مش واخد بالك ان الدكتور قالى ابعد عن اى حاجه فيها سخونه ..
وانت جايبنا علشان تشرب شيشه.......
اعمل فيك ايه ؟؟؟؟؟
الباشا : طيب خلاص يالا نروح ...ماتزعليش...
انا : خلاص ممكن نقعد بره فى الهواا ...وانا هاقعد بعيد عن الشيشه ..
وخلاااص مش زعلانه ...
وروحنا ..بس مش عارفه ليه برضه حاسه بخنقه منه ...
يمكن علشان الستات مابيسامحوش بسهوله ...او حتى طريقته فى الاعتذار كانت رخمه ..
او جايز انا اللى عينى لسه بتوجعنى......
المهم انى النهارده بس عملت له فطاار ...وهاعمله غدااا...
وانى النهارده بس اول يوم مسموح لى فيه ااقعد على الكمبيوتر...
ومانجيلكوش فى حاجه وحشه ....
مخنوقتكم ....مخنوقه بعين واحده ....

94 التعليقات:

احساس طفلة محبة للرومانسية بس واقعية يقول...: الف الف الف سلامة عليكى يا مخنوقة
متزعليش من الباشا هو بس اتصرف على فد ما بيعرف يتصرف
يعنى مش التصرف المثالى فى الوقت دا بس المهم انه حاول
وانتى برضو كنتى تعبانة شوية من الم عينك فكنتى حساسة شوية
ربنا يتم شفائك على خير
وتقومى بالسلامة يا قمر

تقبلى مرورى; 26 فبراير 2009 في 1:03 م
حواء يقول...: حمد الله علي السلامه
والله واللهع انا لسه النهارده بقول هي فيييييين
راحت فييين مش موجوده ليه
ايه اللي حصل وليه غايبه كده
بس خير
لعله خيرا ان شاء الله; 26 فبراير 2009 في 1:28 م
حواء يقول...: شفاكي الله وعفاكي يامخنوقه; 26 فبراير 2009 في 1:28 م
عاشقه الرومانسيه يقول...: الف سلامه عليكى ياقمر
زعلت علشانك والله; 26 فبراير 2009 في 1:38 م
ستيتة يقول...: والله والله بقالي كام يمو بقول فين مدام مخنوقة

بس قلت مشغولة مع الباشا والولاد ومخدتش سنتي خوانة انك تعبانة

بعد الشر عنك .. شفاكي الله وعافاكي .. وان شا الله ده اجر وعافية

من حقك تتخنقي ومش قايلة ليكي معلش عنده حق

بس تعالي هنا .. ايون في الحته دي

مين اللي من الأول عوده يشيل ايده حتى من كوباية الشاي؟ مش سعادتك اللي دايبة في دباديبه؟
عاوزة تربية بعد ما بلغ من العمر ارزله "هع هع هع" وشعره بيقع كمان

بس لعلمك هو برضه عبر عن حبه على قد ما بيجيب عنده فيتيس التعبيرات

اول يوم طنش

تاني يوم نص طناش

ثالث يوم قال مينفعش

رابع يوم قال هاأخد حبيبي وأشيش .. ها أخد حبيبي يابلاش

هو بيحبك زي ما انتي بتحبيه بالضبط بس طرق التعبير مخيلفة باختلاف الشخصيات والطباع

ربنا يخليكم لبعض ويبارك لك في العيال .. واهو ربك شال عمايل الشاي من الباشا وحطها في حبيب قلبك البكري ربنا يبارك فيه هو واخواته

سلامتك ان شا الله العدوين; 26 فبراير 2009 في 2:25 م
حروف يقول...: الف الف الف ملوين سلامة عليكي لو اعرف كنت جيت عملت الشاي ولا تزعلي ربنا يخليلك ابنك يارب بس الراجل حس بصراحه وبيحبك اهو ولا خنقة ولا حاجه بس هما كلهم كدة
وسلامتك الف سلامه; 26 فبراير 2009 في 3:46 م
غير معرف يقول...: وانا والله بردو بقالي كام يوم بقول هي ليه مش بتردعلى التعليقات بس قولت اكيد يعني مشغولة في حوار الشغل دةوبتدور على شغل جديد وكدة
ربنا يعفو عنك ويشفيكي
بس بلاش تتضايقي من الباشا بجد الرجالة مش بتعرف تتصرف في مواضيع المرض والحاجات دي وبعدين هواكيد حس انه مقصر معاكي بدليل انه في اليوم التاني ماغبش غير نص ساعة بس وبعدها حضر العشا للاولاد وتالت يوم خرج معاكي انتي ماتزعليش انه وداكي القهوة جايز هو دة اكتر مكان بيحبه ويستريح فيه علشان كدة اخدك معاه باعتبار انه موديكي حتة حلوة
بصي ممكن تقترحي عيله الاماكن اللي تحبي تتفسحي فيها
لكن بلاش بقي معاملة قاسية وكدة وخلي المياة ترجع لمجاريها بردو هو مايستغناش عنك ابدا
حمد لله على السلامة
وتحياتي ليكي وللباشا; 26 فبراير 2009 في 3:47 م
شمس النهار يقول...: سلامتك الف سلامه
بس اظاهر ان ده كان الشهر العالمي للعينين
انا بقا ماما عملت عمليتين في عينيهاواحده كويسه والتانيه طلعت غلط وعملناها تاني ببنج كلي وكانت مشكله
والحمد لله; 26 فبراير 2009 في 4:56 م
عاشقه وغلبانه يقول...: اولا الف الف سلامه ياروح قلبي
ربك قدر ولطف
ماتزعليش مننا
اديني ايميل ولا حاجه اقدر اكلمك عليه

عايزه اقولك علي حاجه بس مش عارفه اوصلهالك ازاي
جوزك حنين وبيحبك بس في نوع من الرجاله
مش بتعرف تعبر عن ده غير في المواقف الصعبه وحتي في المواقف دي مابيعرفوش يعبروا اوي
صدقيني ماتتخنقيش منه
انتي بتحبيه كده
لو اتغير هاتستغربيه

لو بقي حنين شويه هاتقولي زي استر ياللي بتستر خير عايز ايه من ورا الحنيه دي وتقلب بخناقه
اسأليني انا
هههههههههههههههههههههههه
معايا واحد من نفس النوعيه دي
بس الشهاده لله مايستحملش الهوا الطاير
بس مافيش حنيه
اهئ اهئ
يعني لازم اموت علشان يبطل صريخ وزعيق فيا
ههههههههههههههههههههه; 26 فبراير 2009 في 6:57 م
من غير عنـــوان يقول...: ألف مليون سلامه عليك يا جميل

طبعا معاكي حق.. بس هما الرجاله كده... مش بيعرفوا يعملوا حاجة...

وربنا يخليكي وتعملي على طول

أنتن ملائكة الحياة

أمنياتي

لذيذه حكاياتك حتى وانت بعين واحده
(:; 26 فبراير 2009 في 9:47 م
shaimaa rady يقول...: السلام عليكم ورحمة الله وبركاتة..

اولا انا اول مرة ازور مدونتك يا جميلـ، فطبعا معرفش انك غايبة ، وعموما الف مليون سلامة عليكي، وبأذن الله تقومي بألف سلامة لولادك ولجوزك، اللي انتي احسن من غيرك كتير جدااا، والمفروض متنعتيش نفسك بمخنوقة، لان فعلا ربنا ادالك حاجة غالية قوي، او حاجتين، زوج حنين لكن مش بيعرف يعبر، او طبعة كدة، والتانية ولادك اللي فيهم احن من جوزك، يعني مشاء الله انتي احسن واحده في العالم، غيرك محروم كتير من الحاجات دي، يعني عنديك اولاد ، غيرك بيدفع دم قلبة علشان حتت عيل لكن بلي جدوي، واكيد العيال دي من جوزك اللي ربنا رزقك بية، انا مش هقولك نصايح ، اكيد انتي عارفة كل الكلام ده، لكن احمدي ربنا علي حالك..

ربنا يهدي سرك ويجعلك زوجة صالحة، لزوج صالح، وذرية صالحة...
ويظهر فعلا ان ده شهر العنين، انا كمان بابا عامل عملية شبكية في عينة، الحمد لله ربنا يشفي الجميع..
اتمنا اكون ضيفة خفيفة علي مدونتك اللذبذة..

ممكن سؤال ، هو انتي من اي بلد او محافظة..؟؟; 26 فبراير 2009 في 10:39 م
Mafrousa يقول...: سلامتك يا قمرة
بعين واحدة و بعينتين انتى قمرة برضه
و حنفضلى مخنوقة
ههههههههههههههههههه
الف سلامة عليكي يا حبيبتى
و ماتزعليش كل الرجالة تفرس
و سبحان الله فعلا العين عليها حارس
الف سلامة; 27 فبراير 2009 في 12:17 ص
Kholios يقول...: 1000 سلامة عليكى يا مخنوقة و يارب تكونى بخير
أنا طول عمرى باسمع أن العين عليها حارس أنا مش عارف الحارس بتاعك راح فين وقتها يمكن راح يــتسنكح فى المول....!!!!!!!
على العموم لما يرجع أخصمى من مرتيه 15 يوم علشان ياخد باله من العين التانيه.....:)
وبالنسبة للباشا ماتتخنقيش منه هو أنت لسه عارفه ولا بقالكم 12 سنة متجوزين
1000 سلامة و عود حمـــــــــــــــــيد; 27 فبراير 2009 في 12:29 ص
Lady E يقول...: الف سلامة عليكي يا حبيبتي; 27 فبراير 2009 في 12:35 ص
Hanan Elshafey يقول...: الف سلامه عليكي
ومعلش انا كمان مكنتش موجوده

ربنا يصبرك وكمان ربنا خلي صبر الزوجه علي زوجها بمثابة الجهاد في سبيل الله

لكي الجنه ان شاء الله

تحياااتي; 27 فبراير 2009 في 1:21 ص
أم فريده يقول...: الف سلامة عليكى

تعرفى انتى بتفكرينى بنفسى حاشة انى شوية شبهك

انا كمان لما بكون تعبانة بحب اشوف اهتمام من الناس اللى حوليا

لانى ساعتها بكون ضعيفة اوى ومحتاجلهم فعلا

مع خبرتى القليلة جدا ان الراجل بيصعب علية يعتذر اصلة مش بيحب دة
حتى لو هو متأكد انه غلطان
كرامته بتنأح علية

والف الف سلامة عليكى
ولايهمك ما دايما الزوجة حمالة اسية

تحياتى وسلامى ليكى; 27 فبراير 2009 في 3:42 ص
عاشقه الرومانسيه يقول...: الف سلامه عليكى ياقمر للمره التانيه
انا علقت بسرعه الصبح لانى كنت نزله الشغل
معلش
ورجعت قريت البوست تانى وجيت اعلق
معلش بقى مش تزعلى من الباشا لكن انتى عارفه الراجل الشرقى عموما بيحب يكبر كل شئ بيعمله لزوجته وهى مهما تعمل ولا كانها عملت حاجه
دى طبيعه الرجاله
وعلى رأى ستيته كل واحد بيعبر عن حبه بطريقته; 27 فبراير 2009 في 3:54 ص
aMr saYed يقول...: زيارة اولى بس الف سلامة عليكي اول مرة اجي الافيكي كده متعورة يلا الف سلامة وان شاء الله خير

بالنسبة لزوجكك العزيز فهو تقريبا مش عارف يتعامل معاكي والاولاد لانه في شبابه اتعود ان يومه يبقى كالاتي
في شبابه في الجامعة

يروح قاعد مع اصحابه و لوك لوك لوك
يرجع يتعشى ينزل على القهوة يمكن يكون اول ما قعد عليها مبيشربش شيشة بس بعد كده عجبته الحكاية وادمن الشيشة الي يبان من كلامك مفيش يوم الا ولازم يشربها ده في حد زاته خطورة كبيرة جدا جدا عليه لانه العن من السيجارة

في شبابه في الشغل

نفس يوم الجامعة فبس الفرق انه بقا يروح الشغل بدل من الجامعة و يرجع ياكل لقمة في البيت و ينزل على القهوة يشيش
و كان البيت في المرحلة ديه عبارة عن كفتريا ياكل فيها وينزل تاني

ده طبعا اثر معاه في الجواز لانه تقريبا معرفش انه عنده مسئولية زوجة مينفعش تقعد كل يوم مع التلفزيون والكبيوتر وعنده مسئولية اولاد لازم يبقا قاعد جنبهم يشوفهم عايزين ايه يلعب معاهم يهزر وده يبان من كلامه لما قالك انه مبيعرفش يتعامل معاهم مش متخيل واحد مبيعرفش يتاعمل مع ولاده .قاعدة القهوة ادمان وقاعدة الشيشة ادمان لازم يتعالج منه بطريقة ممكن تعمليها تناسبه وفعلا ليكي حق تتخنقي بالمناسبة النهاردةوانا راجع من الجامعة لقيت واحد=ة بتعيط قربت منها انا وصاحبي لاقيتها بتعيط سالوها الناس قالتلهم مشاكل زوجية بامانة شتمت وقولت ده رجال تيت عشان ينزل مراته معيطة كده في الشارع صاحبي قالي ليه قولتله لما هتتخنق اكيد لازم تشوف حد تفضفضله وممكن اي حد من اصحاب النفوس الضعيفة يستغل الموقف يبقى ايه العمل ساعتها .
المشاكل الزوجية بالنسبة لي هي عبارة عن نتائج للتربية يعني زوجك العزيز لو كان اتعود في بيتهم انه يقعد معاهم كتير مكنش ادمن القهوة ولو اتعود على القاعدة الاسرية التي لا تخلو من الحنان والحب و كل الحاجات الحلوة ديه بجد مكنش قعد على القهوة
كريمتي انه ليس خطأك بل خطأ الاخرين تتحملينه انت فحاولي ان تصلحي من ذلك الخطأ

طبعا حكمي على شخصية زوجك المصون اكيد فيها حاجات غلط لان ديه اول مشاركة ومعرفش كتير عنه وتقبلي مروري

دمتي بخير و سعادة انتي و كل اخواتي المتزوجين

اللهم اجعلني نورا للخير و للغير; 27 فبراير 2009 في 3:59 ص
سمكه واحده يقول...: اول مره اجي مدونتك وشكلي كده هنطلك فيها كتير اصلي انا احب الحكاوي وكده كمان انا تلت تربع صحابي بيشتكوا من الحجات دي واضح والله اعلم ان كله بقي كده عموما مش هطول عليكي لان الوقت اتاخر وابقي اجي اقعد معاكي بقي وقت تاني نتحدت برحتنا
والف حمداللله علي السلامه
وانتي بتوصفي الوجع بتاع عنيكي حسيت بيه شئ صعب جدا
شفاكي الله وعافاكي الف حمدالله علي سلامتك يا مخنوقه ويارب متبقيش مخنوقه ولا انتي ولا ستات مصر كلهم
تحياتي; 27 فبراير 2009 في 4:10 ص
صبرني يارب يقول...: يا كوووووتي معلش والله انا كنت تعبانه اول الاسبوع 3 ايام كده

بس والله والله يا بنتى انتى كنتى علىباليا مبارح وقلت اول ماافتح هاروح اشوفها راحت فين وحاااااااولت جاهده الحقك النهارده الساعه 12 ما عرفتش

الف الف سلامه عليكى يا قمر

وبالنسبه للباشا شوفتي لما بينتيله انك زعلانه شويه اتعدل تاني يوم راح ساعه تالث يوم ماراحش

هو يمكن ماسك فىموضوع القهوه عشان الشيشه والزفت لانه اتعود عليها

وبالنسبه لخنقتك منه افتكر لازم تتكلموا فيها

وطريقة اعتذاره الى مش عاجباكلي
برضه كلميه فيها بهدوء وحنيه كده
وقوليله كان ممكن تقولي معلش يا مخنوقه انا اسف ياحياتي وبعدها قول الى انت عايزه وانا هاقبله

مش اوووووووف

اوف عليهم الصراحه الرجاله

بس احب اقولك ان كل الرجاله كده صدقينى

انتى اقهري نفسك عليه وبعدين هو لما يقولك سلامتك يبقى قطع نفسه

وزي ما واحد مره قالهالي برضه ما انتى كنتي واقفه وبتشتغلي عااااااادي فين الى تعبانه

وهى دي غلطتنا دايما اننا بنيجى على نفسنا ونقطع من لحمنا كده ونشتغل برضه ونقف

طووووووول ما انتى واقفه انسى يقدر تعبك

طبعا انا كان ردي عليه اوك هاتصدق انى تعبانه وانا على نقاله ولا ايه ؟؟؟؟؟؟؟

رجاااااااااااااااله كائنات انوووووويه

المهم الف سلامه عليكى يا بطه وانشاله القطه السوده وانى لا

وهاتي بوووووووسه امووووووه; 27 فبراير 2009 في 4:30 ص
E73 يقول...: بسم الله الرحمن الرحيم
السلام عليكم ورحمة الله وبركاته

ألف لا بأس عليكي يا مخنوقة بجد أنا آسفة إني طلعت مقصرة ومسألتش عليكي
ربنا يقومك بالسلامة يا رب
وعلى فكرة ربنا يصبرك ويقدملك اللي فيه الخير دائما
ابنك على ماتربيه وجوزك على ماتعوديه
وانتي بصراحة دلعتيه
بس نعمل ايه اللي فيه طبع مبيغيروش; 27 فبراير 2009 في 8:02 ص
عمرو يقول...: سلامتك يا مخنوقه ألف سلامه عليكى ربنا يكتب لك الشفاء العاجل باٍذنه سبحانه و تعالى
بس الحقيقه ماعجبنيش تصرف الباشا معاكى و أنتى فى الحاله دى بس ده مش معناه أنه قاسى أو مش بيحبك لكن هو طبعه كده و ماينفعش نلوم حد على طبعه اللى ربنا خالقه عليه
ماتزعليش منه و ربنا يشفيكى على خير يا رب; 27 فبراير 2009 في 1:08 م
kalamfady يقول...: الف الف الف الف الف مليوووون سلامه....ما تزعليش منه هم الرجاله كده لما يحب ما يقولش.. بحبك.. ولما يكون غلطان ما يقولش ..انا اسف..; 27 فبراير 2009 في 7:55 م
موناليزا يقول...: الف سلامة عليكى والحمدلله انها جت على قد كده
قدر ولطف
ماتزعليش من الباشا الرجالة بطبعها مبتعرفش تعبر عن مشاعرها زينا; 27 فبراير 2009 في 10:03 م
blue-wave يقول...: الف سلامه عليكى وعلى عنيكى
وعلى فكرة بجد بقى
احنا كرجاله مابنعرفش نعمل حاجه من غيركم بس كرامتنا مش بتخلينا نقدر نعترف بدا
ف عديها انتى وافهميها من غير كلام
ويارب ينهى اى مشاكل بينكم; 27 فبراير 2009 في 10:40 م
أحــوال الهـوي يقول...: الف سلامه
الغباء الرجالي و قلة الحيله
بس انظري لنصف الكبايه المليان
الراجل بيحبك و خايف عليك و لكن الشيشه ربنا يعافيه منها خرج يشيش و اذا كان يقدر يشيش في البيت كان قعد لكنه لصحة الاولاد بيروح بره

و الله الراجل بيحبك وبيخاف عليك

خفي شويه

تحياتي; 28 فبراير 2009 في 10:17 ص
bastokka طهقانة يقول...: سلامات يا جميلة
بس الخلفية عاملة غلوشة على الكلام يا ريت تحطي خلفية سادة علشان كلامك اللي زي السكر يظهر اوضح

اوروفوار; 28 فبراير 2009 في 10:19 ص
بنت الغربة يقول...: احساس طفله محبه للرومانسيه
ربنا يخليك ياقمر ...انا مش زعلانه من الباشا ..انا مخنووووقه بس
وربنا مايوريك وجع العين مؤلم قد ايه ..بيضرب فى النفوخ على طول
ربنا يخليك ياقمر
تحياتى; 28 فبراير 2009 في 11:07 ص
بنت الغربة يقول...: زوجه حبيبتى
الله يسلمك ياحبيبتى ويزيح عننا جميعا
انا والله حسيت انى مقصرة معاكى انت خصوصا انى حاولت اكلمك ومش باعرف اظبط المواعيد...
يارب تكون احوالك احسن دلوقتى
تحياتى ياقمر
وشكرا لسؤالك على; 28 فبراير 2009 في 11:09 ص
بنت الغربة يقول...: عاشقة الرومانسيه
الله يسلمك ياحبيبتى
انا عارفه ان الرجاله وخصوصا الباشا مابيعرفش يعبر عن اى حاجه زى الاطفال ...بيعبروا بطرق غريبه..
بس احيانا الواحده بتبقى نفسها تحس بالحب ده وخصوصا وهى تعبانه ومحتاجه قوى للحنيه ..يالله سيبيها على ربنا ...شكرا لسؤالك على ياجميل..
تحياتى ياعسل; 28 فبراير 2009 في 11:13 ص
بنت الغربة يقول...: حبيبتى ستيته
انت كلامك زى العسل ..بينزل على الجرح ويخففه ...فينك وقتها ..ماكنتش رحت للدكتور ولا حاجه
هههههههههه...بجد زى العسل ..
اعمل ايه فى الراجل ده ؟؟؟
بجد انا السبب فى دلعه ..بس لغاية امتى هافضل اتحمل تبعيات الدلع ده ؟؟؟انا هايجيلى وقت وأزهق..
الواحد بيكبر وخلقه مابقاش زى زمان
وخايفه يجى يوم وانفجر قيه ...
وماعرفش ساعتها هاقول ايه ولاالموضوع هاينتهى ازاااى؟؟
ربنا يستر ويباركلى فى ولادى ..يارب..
وشكرا على سؤالك على ياحبيبتى
ودايما كده باحس ان فيه ستات جدعه زيك انت وصبرنى..
ربنا يخليكم لى
تحياتى ياعسل; 28 فبراير 2009 في 11:19 ص
بنت الغربة يقول...: حرووف حبيبتى
الله يسلمك ياجميل
والله كويس انك شايفه انه بيحبنى ...لانى بدأت اشك فى الحكايه دى ؟؟؟
متشكرة قوى على سؤالك على وربنا يخليك لى...
تحياتى ياعسل; 28 فبراير 2009 في 11:22 ص
بنت الغربة يقول...: مصطفى ريان
شكرا لسؤالك على
انا فعلا باعتبرك اخويا الصغير...
لانى اكيييد اكبر منك ...بس رايك فى الباشا يهمنى ..لانى فعلا عايزة اعرف ليه الرجاله مش بتعرف تتصرف فى المواقف دى ...مع انه التصرف الصح واضح جدا ومش محتاج تفكيير..
ياريت يكون فعلا بيحبنى زى ماقلت ...مش اعتذر اعتذار واهى كده علشان مايبقاش فى نكد فى البيت وخلااااص....
المشكله هنا انه متأكد انى باحبه وبيتصرف دايما على اساس انى اكيد اكيد مش هازعل او هاسامحه فى الاخر...
بيتصرف زى الاطفاال بالضبط ...
بس المشكله هنا انه مش ابنى ...لالالا ده جوزى اللى انا بحبه ونفسى احس انه بيقف جنبى وقت لما احتاجله ..
تحياتى لرأيك الجميل ده يامصطفى ...ودايما زورنى
سلااااااام; 28 فبراير 2009 في 11:44 ص
بنت الغربة يقول...: شمس النهار
شكرا ياجميل على سؤالك على
والف الف مليوووون سلامه على ست الحبايب ....
انا رحت زرتك وسلمت عليها
ويظهر ان ده فعلا الشهر العلمى للعيون
تحياتى ياعسل; 28 فبراير 2009 في 11:48 ص
بنت الغربة يقول...: عاشقه مغلبانه
ياحبيبتى ...هو انت زى حلااااتى ؟؟؟
لالا ابدأى اعملى حدود فى موضوع الزعييق والخناق ده من الاول..
علشان ماياخدش على ده وتبقى زى حلااااااااتى مخنوووووووووووقه جدا..
شكرا على سؤالك على ياجمييل ويارب يكون فعلا الباشا بيحبنى بس مش عارف يتصرف زى ماقلتى ...
بس امتى بقى هايعرف يتصرف ؟؟؟؟لما اموت واسيبله العياال ؟؟؟
ياستى ربنا يدينى الصحه واربى العيال ..واخلى بالى منه هو كمان ...
ويارب نصيبك يكون احسن من نصيبى
وبلاش تاخديه على الدلع من اولها..
تحياتى ياقمر; 28 فبراير 2009 في 11:54 ص
بنت الغربة يقول...: استاذ محمد البنا
شكرا قوى لتعليقاتك الجميلة عندى
قد ايه انا بحب تعليقاتك وكتاباتك ...بحس انك اخويا الكبيير (مش هاقول زى والدى ) لان حضرتك صغير مش كبيير ..
ياريت فعلا يكون كل الرجاله مابيعرفوش يتصرفوا كده ..مش الباشا بس ..لان الموضوع ده مضايقنى جدا لغاية دلوقتى..وانا بطبعى مش باحب النكد ..بس احيانا بيبقى النكد اجبارى مش اختيارى
انا باحب الباشا ..حتى بعد السنين دى كلها ...ومش عايزة حبى ليه يقل ...لانى صريحه قوى ومش باعرف ادارى زعلى واخبى ..
ربنا يعمل اللى فيه الخير
تحياتى ليك; 28 فبراير 2009 في 12:07 م
ليلى فى عالم ادم يقول...: اولا سلامتك
ثانيا طبعا ليكى حق تتخنقى ، هو دة يعنى وقت قعاد على قهاوى

بس ...
هو برضه فى الاخر لم الدور وحاول يصالحك على طريقته
خلاص بئا المسامح كريم; 28 فبراير 2009 في 12:13 م
بنت الغربة يقول...: SHEM0ooo
نورتى المدونه ياحبيبتى
وشكرا لسؤالك على ....انا عارفه ان نعم ربنا على كتييير والحمد لله...وربنا يباركلى فى ولادى يارب ويخليهم لى...بس انا مخنووووقه بجد من تصرفات الباشا ...محدش فى الدنيا بيتخنق من غير سبب..
الواحدة مننا بتعمل اللى تقدر عليه واكتر علشان خاطر بيتها وولادها وجوزها ...
وبتحاول تريحه على قد مابتقدر...بس لما بتكون هى كمان تعبانه ومريضه ...بتبقى مستنيه شوية حنيه من الزوج قبل الاولاد..
تحياتى ليك ياعسل
وانا اصلا من الزقازيق بس مقيمه فى القاهرة ...وحاليا فى دبى ...وقبل كده فى السعوديه ..اى خدمه ..; 28 فبراير 2009 في 12:19 م
بنت الغربة يقول...: مفروووسه حبيبتى
انت فين من زمااان ياجمييل؟؟؟
الله يسلمك ياقمر..وانا عارفه ان ل الرجاااله تفرس ..
بس اللى عندى ده يخننننننننققققق ويفررررررررررررررس ويجيب الضغط كمان ...ربنا يعنى عليه ..اميييين.
تحياتى ليك ياعسل وربنا يخليك لى ..; 28 فبراير 2009 في 12:21 م
بنت الغربة يقول...: KHOLIOS
الله يخليك ..وشكرا على سؤالك على ..
انا مش عارفه الحارس بتاع عينى كان فين وقتها ؟؟؟
جايز كان نااايم او الباشا كان موصيه يمشى ...علشان يخلص منى زى (سرحاان ونفيسه )....
وادينى مستحمله الباشا ...وربنا يكون فى عونى ..
شكرا لمرورك ...ودايما زورنى
تحياتى; 28 فبراير 2009 في 12:25 م
بنت الغربة يقول...: ليدى
الله يسلمك ياقمر ..
كده ماتسأليش على ؟؟؟
ايه البنات الوحشه دى .....
سلاااامى ليك ياجمييل; 28 فبراير 2009 في 12:31 م
بنت الغربة يقول...: حنان الشافعى
انت فين ياجمييل من زمان ...وحشتينى
الله يخليك ياحبيبتى ..وانا والله باجاهد من زمااان قوى ...وربنا يكتبلى حسنااات ويشيل من ذنوووبى ..يارب ياكريم ...
وكل الرجاااله زى بعضها ...بس يظهر انا متجوزة كتييير قوى من بعضها دى
ههههههههههههههههههه
تحياتى ياعسل; 28 فبراير 2009 في 12:36 م
بنت الغربة يقول...: زوجه عنيده
منورانى ياجمييل ..افتكر ان كل الستات شبه بعض فى الحكايه دى ...كلنا نفسنا نحس بالاهتمام من اللى بنحبه ..خصوصا لما بنكون تعبانين قوى ومحتاجين للحنيه ..المشكله اننا مانلاقيهاش...
انا عارفه ان الراجل مابيحبش يعتذر ابدا ..وممكن يختلق اى اعذار علشان مايقولش ااااسف...
علشان كده انا كبرت دماغى وقبلت اعتذاره الخنييييق قوى ده ...
تحياتى ليك ياقمر ودايما زورينى; 28 فبراير 2009 في 12:40 م
بنت الغربة يقول...: aMr tA3LaB
اول زيارة ومنورنى ياعمرو..
تحليلك للباشا فيه كتيير من الصح ..
وانا ماحاولتش اغير عاداته لما اتجوزته...لانى كنت باحبه و..مازلت رغم تصرفاته الطفوليه دى ...
والحمد لله قرب الواحد من ربنا مابيخلهوش عرضه لاصحاب النفووس الضعيفه زى ماقلت ...والعيب كل العيب من الرجااله اللى تخلى زوجاتها عرضه للحاجات دى ...
رغم سنك الصغيير ...واضح ان عقلك كبييير قوى ..ربنا يوفقك
وشكرا تانى لتعليقك وزيارتك الجميله
تحياتى; 28 فبراير 2009 في 12:49 م
بنت الغربة يقول...: سمكه واحده
نورتييينى بجد ياسمووكه ..
والظاهر ان دى حااااله عااامه فى اليلد كلها ..لما كل اصحابك يشتكوا من الحاجات دى ..والله الستات غلبانه قوى ..وجع العين وحش قوى ..ربنا مايوريه لحد ..
وانت تنورى فى اى وقت ياقمر ..وتعالى نرغى زى مانتى عايزة ..
مستنيه زيارتك ياعسل
تحياتى; 28 فبراير 2009 في 12:52 م
shaimaa rady يقول...: ربنا يسعدك ويهدي سرك يا اجمل زوجة مخنوقة، وياستي ربنا يفك خنقتك..

معليش بقا ممكن سؤال كمان..
مع كل ده لية قبلتي تتجوزي زوجك، وهل كان في بينكم حب قبل الجواز..؟؟

"وانا اصلا من الزقازيق بس مقيمه فى القاهرة ...وحاليا فى دبى ...وقبل كده فى السعوديه ..اى خدمه"

اية كعب داير اللي انتي فية ده..
مشاء الله كل ده لفتيي
كان الله في عونك
ونورتيني في مدونتي المتواضعة; 28 فبراير 2009 في 12:59 م
بنت الغربة يقول...: حبيبتى ياصبرنى
الف سلامه عليك انتى كماان ياقمر
وبوووووسسه كبييييرة قوى علشانك انت كمان ياجمييييل..
انا بصراحه لما اتخنقت منه قوى كده ...عملت بنصيحتك ...وبقيت رخمه جدا بطريقه عمرى ماعملتها قبل كده ..
وجايز جابت نتيجه ..مع انه اصلا جبل جليييد ومابيحسش..
انا عارفه ان الرجااله انانيين قوى ..بس وبعدين ؟؟
مانا كمان محتاجه شوية حنيه خصوصا فى المواقف الصعبه دى ..
بس انا قررت انى ماجيش على نفسى ابدا تانى ..لان وااضح انه مابيقدرش اى حاجه انا باعملها
وامبارح اصرييت انى ماخرجش لوحدى افسح الاولاد ..وخرجنا كلنا ..وطبعا عمل الشويتين بتوعه ...زهق وزعيق فى الولاد ...بس انا ولا كأنى واخده باالى ..وقررت ان استحمل زهقه ده لغاية مايحس انه ليه اولاد مسأولين منه انهم يخرجوا معاه ويتحمل شقاوتهم ..مش بس مهمته انه يصرف عليهم ...
على الاققل لو جرى لى حاجه ..يبقى يعرف يتصرف معاهم..وربنا يصبرنى ..
شكرا ياجمييل على سؤاالك على وربنا يخليكى لى ...ويصبرنا كلنا .
تحياتى ياقمر; 28 فبراير 2009 في 1:04 م
قوس قزح يقول...: الف سلامة عليكى
و ربنا يخليلك اولادك
و مش تزعلى من جوزك اوى لان الرجال بيكون فهمهم للامور دى بشكل مختلف

المهم بلاش تجهدى عينك كتير لحد ما تخف خالص و سلامتك مرة تانية; 28 فبراير 2009 في 1:18 م
بنت الغربة يقول...: E73
شكرا ياجميل لسؤالك على ..ومانتش مقصرة ولاحاجه ياقمر
وفعلا جوزك على ماتعوديه ..وانا لالاأسف دلعته زياده عن اللزوووم..
بس ربنا معايا لانى مش هاعرف اغير ده بعد السنيين دى كلها ..
ربنا يخليك يقمر
وشكرا لزيارتك
تحياتى; 28 فبراير 2009 في 1:20 م
بنت الغربة يقول...: استاذ عمرو
نورتنى يافندم ..حضرتك كنت مقاطعنى من زمان ليه ؟؟
والله ولا انا عجبنى تصرف الباشا
بس زى ماحضرتك قلت ..ده طبعه ..
وربنا يصبرنى واتحمل طبعه ده ..
ومايجيش على يوم وازهق واطق فيه ..
تحياتى لحضرتك جدا ..
ودايما شرفنى بزيارتك; 28 فبراير 2009 في 1:23 م
بنت الغربة يقول...: كلام فاضى
سيادتك منورنى
وكلامك مش فاضى خااالص ..ده ملياان جدا ...
بس حلوة ( لما يحب مايقلش بحبك....ولما يغلط مايقلش انا اسف )
بجد فى الجون ...شكرا ..
نورتنى بزيارتك ودايما كررها
تحياتى; 28 فبراير 2009 في 1:26 م
بنت الغربة يقول...: موناليزا حبيبتى
دايما منورانى ..الله يسلمك ياجميل
انا عارفه ان الرجاله مش بتعرف تعبر عن مشاعرها خااالص
بس على الاققل يبقى فيه شوية دم ويقعد يومها فى البيت ..
تحياتى ياقمر; 28 فبراير 2009 في 1:29 م
بنت الغربة يقول...: blue-wave
حاضر هاعديها ...بس كان نفسى احس بشوية حنيه منه خصوصا انى كنت محتاجاها قوى وقتها..انا عمرى ماعترضت على خروجه المستمر للشيشه ..بس كان نفسى يومها على الاققل يقعد معايا ..احس انه مهتم ..
حتى لو مجامله ..برضه ليها احساس تانى عندى ..
وشكرا على نصيحتك وياريت فعلا يكون بيحبنى بجد ومابيعرفش يعمل حاجه من غيرى..
تحياتى; 28 فبراير 2009 في 1:32 م
بنت الغربة يقول...: احواال الهوى
انت شايف نص الكبايه وانا مش شايفاها ؟؟؟
صدقنى انا شايفاها ..يمكن ده اللى مخلينى مستمرة معاه لغاية دلوقتى..
واحيانا كتيرة باصبر نفسى بنص الكبايه ده ..جايز يكون فعلا بيحبنى ..لانى احيانا بلاقيه غيراان على ..او خاايف على ..بس ليه فى المواقف المهمه اللى زى دى بيتهرب من المسؤوليه ؟؟
دول مش ولادى لوحدى ...وانا زى اى ست ..نفسى احس بشوية حنيه ..عادى انا بنى ادمه برضه ..
اكيد انا مهمه فى حياته اكتر من الشيشه...
مش عارفه اخف اكتر من كده واعمل ايه ؟؟؟؟؟؟؟؟؟؟
بس حاضر هاحاول ....
تحياتى ليك وشكرا لزيارتك; 28 فبراير 2009 في 1:38 م
بنت الغربة يقول...: طهقانه حبيبتى
ايه ياجميل الغيبه دى كلها؟؟
ولا انت مابتزوريش حد خاالص
شكرا ياجميل على زيارتك وسؤالك على
وحاضر هاحاول اغير الخلفيه
شكرا ليك ياعسل
تحياتى; 28 فبراير 2009 في 1:40 م
بنت الغربة يقول...: ليلى فى عالم ادم
شكرا لزيارتك ياجميل
ونورتينى ..انا عارفه ان ده مش وقت شيشه ..بس نعمل ايه فى الرجاااله الخنيييقه؟؟؟
واهو لم الدور على رايك ومافيش داعى للزعل وربنا يصبرنى
تحياتى ياعسل; 28 فبراير 2009 في 1:42 م
بنت الغربة يقول...: SHEM0ooo
تانى مرة تنورينى ياجمييل
ايوة ياستى اتجوزت الباشا عن حب ...ودى كارثه لوحدها لان الحب بيعميك عن الحاجات الوحشه اللى بتكون فى الطرف التانى ..وبتظهرلك كلها بعد الجواااز للأسف ..
انا لفيت كتييير قوى ياحبيبتى لانى اساسا مولوده فى السعوديه وقعدت فيها لغاية ثانويه عامه...والكليه كانت فى الزمالك واتجوزت ورجعت تانى السعوديه مع الباشا وبعدين البحرين وبعدين دبى ...
يعنى اسم بنت الغربه ده حقيقى ..
تحياتى ياعسل; 28 فبراير 2009 في 1:46 م
بنت الغربة يقول...: قوس قزح
داليا حبيبتى
شكرا لسؤالك ياقمر
اخبارك انت ايه ؟؟
الحمد لله عينى بقت احسن دلوقتى والاجهاد فيها بسيط
بس باستعمل قطرة ليها هاتطول شويه
تحياتى ليك ياعسل
ودايما منورانى; 28 فبراير 2009 في 1:49 م
محمد عتلم يقول...: تلاته وتلاتين الف وربعميه سته وتسعين سلامه على عنيكى يا مخنوقه
انشالله القطه بتاعة نوشاد (نوشاد ده الحارس بتاع العماره عندى وعنده قطه شكلها وحش) اصلى دايما بقول كده لمراتى لما يحصلها حاجه... انا والله كنت بحسب انك مشغوله فى الشغل عشان بتصفى وبتلمى خلجاتك وعزالك وبتحطيهم فى البؤجه بتاعتك عشان ده اخر اسبوع ليكى بس بجد والله الف سلامه عليكى
وعلى فكره انا كتبتلك وصفة التورتايه اللى اناعاملها عندى فى البلوج بتاعى ابقى شوفيها بس متعمليهاش الا لما تخفى خالص وابقى طمنينى عليكى دايما; 28 فبراير 2009 في 1:51 م
قيس بن الملووووح يقول...: كلامك صحيح 100% لكن البديل ان انازل عن كل مقوماتي كرجل ورب اسرة واترك لها هذا الموقع لتقود هي الاسرة كزوجة وزوج وام واب !!!!!!!!!!!; 28 فبراير 2009 في 2:33 م
فشكووول يقول...: والله بقى لى فتره ما زرتش الزوجه المخنوقه دى واللى خنقانى من خنقته وبعدين لقيتها ياعينى عنيها بتعوجعها سلامتها الف سلامه والحمد لله ان ربنا شفاها .. هى كل المشكله فى كيمو وبيبه دول كيموا كل يوم قاعد على القهوه وواخد الباشا معاه وبيبه عايزه تلعب مع المخنوقه

بس الراجل يا مخنوقه عمل اللى عليه وعمل كل حاجه برضه يعنى

سلامتك الف سلامه وربنا يبعد عننا وعناولادنا غدر الزمن .. اصل عملة المفتاح دى فى عنيك برضه غدره من غدرات الزمن
تحياتى; 28 فبراير 2009 في 4:55 م
mahasen saber يقول...: الف لا بأس عليكى
وحمدالله على سلامتك ..مليون الف حمداللهعلى سلامتك كمان

وعديها وسامحى دايما الرجاله مبيعرفوش يعبروا عن مشاعرهم
وده فى الغالب يعنى

الف لا بأس عليكى كمان مره; 28 فبراير 2009 في 5:43 م
mahasen saber يقول...: انا كنت مبتدخلش البلوجر كتير برضه ولو كنت بدخل كتير كنت هحس بغيابك واسال عليمى اكيد

ربنا يباركلك فى ابنك واولادك وزوجك
ويعافيكى ويصلحلك كل حال; 28 فبراير 2009 في 5:44 م
ahmed_k يقول...: ألف مليون سلامه عليكي يا مخنوقه
والحمد لله العين عليها حارس
وبلاش تقعدي على الكمبيوتر كتير الفتره دي لأنه بيجهد العين فريحيها شويه معلش
العين غاليه
ربنا يحفظك
ومعلش تسامحي مع جوزك يمكن في ضغوط عليه في الشغل وأنتي عارفه برضو الغربه وحشه ربنا يعينه

سعدت بالتعرف على مدونتك الجميله

دمتي برعاية الله وحفظه; 28 فبراير 2009 في 9:35 م
Unknown يقول...: حبيبتي
الف سلامه عليكي
وحمد لله على سلامتك ربنا يحميكي من كل شر يارب
انا زعلت من الباشا قوي
وحاسه بيكي ليه زعلتي
معلش حبيبتي بس فيه فرق بين الرجاله والستات
هو بيحبك وخايف عليكي
بس حنيه الرجاله وتعبيرهم عنها تختلف كتير
باختلاف الطبيعه
بس كفايه انه حاول يخرجك ويفك عنك دي طريقته في التعبير
الف سلامه عليكي يا قمري; 28 فبراير 2009 في 10:35 م
غير معرف يقول...: اختى العزيزةمخنوقة
على فكرةانا اصغر منك ب اربع سنين بس يعني الفرق مش كتير اوتقدري تقولي مافيش اصلا فرق في السن
بص الشيئ اللي انتي لازم تتاكدي منه انه بيحبك قوي ومايقدرش يستغنى عنك ولا يتحمل عليكي الهوا بدليل ان لما الراجل صاحب الشغل اتكلم معاكي كلام ناشف ( رغم ان دة كان الطبيعي والمتوقع وانتي بتقولي له هسيبلك الشغل ) اتنرفز جدا وقالك سيبيله الشغل ابن كذا وكذا دة رغم انه عارف ان الظروف في البلد صعبة ومش سهلة تلاقي شغل لكن كرمتك عنده بالدنيا كلها
وكمان هو حس بالغلط ناحيتك بدليل انه بعد كدة بقي جنبك وحاول يساعدك على قدما يقدر
الراجل دايما بيحب يتدلع على مراته ويحس باهتمامها بيه
وانتي من كلامك ان كان بينكم قصة حب مايجراش حاجة بقي لما يتدلع شوية على حبيبته ومراته
احيانا الراجل بيكون محتاج من مراته حنان امه ودي حاجة كتير من الستات مش بتاخد بالها منها فخليكي انتي له الزوجة والحبيبة الام والصديقة والعشيقة والسكرتيرة وكاتمةالاسرار وكل شيئ
زوجة يعني فول اوبشن
هههههه
ربنا يوافقكم في حياتكم ومايحرمكيش منه ابدا; 1 مارس 2009 في 12:42 ص
غير معرف يقول...: اختى العزيزةمخنوقة
على فكرةانا اصغر منك ب اربع سنين بس يعني الفرق مش كتير اوتقدري تقولي مافيش اصلا فرق في السن
بص الشيئ اللي انتي لازم تتاكدي منه انه بيحبك قوي ومايقدرش يستغنى عنك ولا يتحمل عليكي الهوا بدليل ان لما الراجل صاحب الشغل اتكلم معاكي كلام ناشف ( رغم ان دة كان الطبيعي والمتوقع وانتي بتقولي له هسيبلك الشغل ) اتنرفز جدا وقالك سيبيله الشغل ابن كذا وكذا دة رغم انه عارف ان الظروف في البلد صعبة ومش سهلة تلاقي شغل لكن كرمتك عنده بالدنيا كلها
وكمان هو حس بالغلط ناحيتك بدليل انه بعد كدة بقي جنبك وحاول يساعدك على قدما يقدر
الراجل دايما بيحب يتدلع على مراته ويحس باهتمامها بيه
وانتي من كلامك ان كان بينكم قصة حب مايجراش حاجة بقي لما يتدلع شوية على حبيبته ومراته
احيانا الراجل بيكون محتاج من مراته حنان امه ودي حاجة كتير من الستات مش بتاخد بالها منها فخليكي انتي له الزوجة والحبيبة الام والصديقة والعشيقة والسكرتيرة وكاتمةالاسرار وكل شيئ
زوجة يعني فول اوبشن
هههههه
ربنا يوافقكم في حياتكم ومايحرمكيش منه ابدا; 1 مارس 2009 في 12:42 ص
عاشقه وغلبانه يقول...: يارب تكوني اتحسنتي يامخنوقه

ابقي طمنينا عليكي

وبعدين حطي في دماغك ان الباشا بيحبك علشان ترتاحي
هههههههههههههههههههه; 1 مارس 2009 في 6:39 ص
بنت عرب يقول...: سلامتك الف سلامه..والله اني اتخضيت عليك كثير ...بس الحمد الله جات سليمه...اعتقد يا مخنوقه حد اداك عين...خلي بالك من نفسك قوي ..انت كما احس ام عطوفه وزوجه مخلصه. وربنا يبعد عنك كل سؤ..يارب.
ما تزعلي من الباشا هو في النهايه راجل ورجاله بيخفافوا من حاجه اسمها مسؤوليه البيت..يعني بيرتبكوا من الاعمال المنزليه..وكمان مابيحبوش يشوفوا عزيز عليهم مريض.

بس على العموم كويس انك خبرتيه انك اتخنقتي من عملته...التلميح عند الرجاله ما ينفعش.

وميرسي قوي على سؤالك عليا...و سبب التأخير كتبته كتعليق ليكِ في مدونتي..." اصلي غاويه تشويق".
و ماتشوفي شر.; 2 مارس 2009 في 3:31 ص
بنت الغربة يقول...: محمد عتلم
شكرا قوى لسؤالك الجميل على
وانا الحمد لله بقيت احسن كتييير قوى دلوقتى
وشكرا على وصفة التورته...
وبعدين شكلها ايه قطة نوشاد دى علشات تبقى وحشه ؟؟؟؟هو فيه قطة وحشه ؟؟؟؟ده مافيش احلى من القطط
تحياتى ليك ولمراتك الامورة; 2 مارس 2009 في 11:05 ص
بنت الغربة يقول...: قيس بن الملوح
شكرا لزيارتك لى
وردى عندك فى المدونه
تحياتى; 2 مارس 2009 في 11:07 ص
بنت الغربة يقول...: استاذ فشكوووول
حضرتك منورنى والله
بس حضرتك كنت فين من زمان؟؟
وليه مابتزورنيش خااالص
لازم الواحد يعي علشان نشوفك يعنى؟؟؟
وبعدين انت واخد حزب الباشا ليه؟؟؟ازاى يسبنى وانا تعبانه ويروح يشيش...ربنا يحمينا كلنا من غدر الدنيا
تحياتى; 2 مارس 2009 في 11:10 ص
barbie girl يقول...: الف سلامة عليكى يا مخنوقة
معلش الرجالة احياناً بينسو يتعاملو بشياكة وبيعكوا فى مواقف كتييييييييير .. عارفة انتى كنتى ممكن تحسسيه ان هو عمل معجزة معاكى وتحسسيه انه بطل بالكام حاجة اللى عملهم دول والله كان ممكن يفرح بنفسه اوى ويبدأ يساعدك من فترة للتانية

وسلامة عينيكى وخلى بالك من نفسك; 2 مارس 2009 في 5:19 م
أم فريده يقول...: انا جاية اسأل واطمن

عاملة اية دلوقتى واخبار عينيكى اية

بخير ان شاء الله

دمتى بخير; 2 مارس 2009 في 6:57 م
الشموع البيضاء يقول...: الف سلامه عليكى دى تالت مره ازورك وعجبتنى مدونتك ومن كام يوم فعلا جيت وملقتش حاجه جديده قلت يمكن اتشغلتى
المهم رجعتى بالسلامه
اما بالنسبه لموقف الباشا هههههه على راى المثل كاس وداير على الكل
يمكن لان تقدير الراجل بيختلف عن تقدير الست وزى ماجوزى بيقولى الستات عندهم صبر اكبر مننا شفتى لنا الجنه
تحياتى وياريت تزورينى; 3 مارس 2009 في 3:20 ص
mahasen saber يقول...: اخبار عينك ايه دلوقت يا رب تكون احسن وبخير

ربنا يعافيكى; 3 مارس 2009 في 8:37 ص
لجين أبو الدهب يقول...: لا حول ولا قوة الا بالله ..

شفاكِ الله وعفاكِ اختى الحبيبة ..

والله زعلت لما قرأت البوست ..

بس ربنا يجعله فى ميزان حسناتك وتكفير ذنوب ..

ويهديلك زوجك يارب ويجعله زوج صالح ويبعد عن الشيشة علشان الاولاد ما يطلعوش يقلدوا ..

ان شاء الله ربنا يحفظهملكم ويخليكم كلكم لبعض ..

وما شاء الله على اابنك الكبير حنين ..

والحنين بيفضل طول عمره حنين ..

الف سلامة عليكى ..

دُمتِ بخير ..; 3 مارس 2009 في 2:25 م
غير معرف يقول...: الف الف سلامه يا استاذه

اعذرينى على التأخير لانى كنت مشغول شويه و لسه فاتح النت اليوم فقط من اسبوع فات

ان شاء الله تشفى يا فنانه و تبدعى و ترجعلينا; 4 مارس 2009 في 3:49 ص
بنت الغربة يقول...: محاسن حبيبتى
ازيك انت ياقمر واخبارك ايه
انا الحمد لله بقيت احسن كتيير دلوقتى وشكرا ياقمر لسؤالك على ب3 تعليقات حته واحده ..
والله فعلا معرفة الناس كنووووز ....
ربنا يخليكى لى ياقمر ومايحرمنيش منك ابدا..
تحياتى ياعسل; 4 مارس 2009 في 11:29 ص
بنت الغربة يقول...: AHMED k
شكرا لتشريفك لى يافندم وانت جيت نورت الدنيا والله
وانا فعلا مصرحلى بساعتين بس على الكمبيوتر علشان عينى ..لما انا فعلا متضايقه جدا من الموضوع ده
اختك اصلها غاويه كمبيوتر ..
اما الباشا ..فانا مش زعلانه منه خلااااص هو فعلا مابيعرفش يعبر عن مشاعره نهائى..
لان ده طبعه ...وانا مادام بحب ..يبقى لازم ارضى..
تحياتى ليك وشكرا لزيارتك; 4 مارس 2009 في 11:33 ص
بنت الغربة يقول...: لماضه حبيبتى
انت زى القمر كده ياجميييل...بتهلى كل شهر مرة..؟؟؟
انت فين ياحبيبتى ...مختفيه ليه ؟؟؟
شكرا ياقمر على سؤالك على ياروح قلبى وربنا يخليك لى يارب
وانا بصراحه ماعدتش زعلانه خااالص من الباشا ...
وهاتعرفى ليه فى البوست الجاى
تحياتى ياقمر; 4 مارس 2009 في 11:36 ص
بنت الغربة يقول...: مصطفى ريان
انت اصغر منى باربع سنين ؟؟
سبحان الله بس بصراحه مخك يوزن بلد (اللهم لاحسد )..
بجد انا سعيده جدا بتعليقاتك الجميله عندى ..باحس انك فعلا بتقول الحقيقه عن الرجاله ..مش بتاخد صفهم بس..وماشى يامصطفى هاخد بالى ان الراجل فعلا نفسه مراته تبقى زى امه فى بعض الاحيان ...ويمكن ده عند الباشا زياده شويتين لان والدته متوفيه ...
وشكرا تانى مره يادرش
تحياتى; 4 مارس 2009 في 11:40 ص
بنت الغربة يقول...: عاشقه وغلبانه
حبيبتى تنورى كمان مرة ياجميييل
وشكرا ياقمر لسؤالك على تانى
والباشا ياااااااارب يكون لسه بيحبنى بعد السنييين دى كلها
تحياتى; 4 مارس 2009 في 11:44 ص
بنت الغربة يقول...: بنت عرب
ايه النور ده
انت فين من زمااان ...وبعدين انت لازم تعملى بوست تانى علشان نعرف احوالك ونطمن عليك وعلى اخبااارك
والتشويق حلو وكل حاجه ...بس مش معانا..
وانا عارفه ان الرجاله مابيحبوش المسؤوليه خصوصا فى البيت والاولاد ..ودايما بيهربوا منها ..
بس كان نفسى يومها انه يقعد جنبى لانى كنت ضعيفه جدا وقتها ومحتاجاله ..
تحياتى ياقمر ..ومستنيه بوست جديد..; 4 مارس 2009 في 11:47 ص
بنت الغربة يقول...: باربى حبيبتى
شكرا ياقمر لسؤالك على ...والله فيك الخير
انا بصراحه من كتر خنقتى من الباشا ماقدرتش اتعامل معاه بذكاء فى الحكايه دى ..
لما الواحد بيكون متضايق قوى ..مش بيعرف يفكر كويس..
بس انت كلامك صح ....انا ممكن اطبقه فى مواقف تانيه..
ربنا يخليك ياعسل
تحياتى; 4 مارس 2009 في 11:50 ص
بنت الغربة يقول...: زوجه عنيده
نورتنى المدونه تانى مرة ياقمر
اختك الحمد لله بقت احسن كتييير
بس لسه مصرحلى بساعتين على النت بس
وانا ان شاء الله هازوركم كلكم وهاكتب بكره بوست جديد
تحياتى ياقمر; 4 مارس 2009 في 11:52 ص
بنت الغربة يقول...: الشموع البيضاء
نورتينى ياجميل
واسفه انى مازرتكيش لغاية دلوقتى ..بس انا هازورك وهاشرب الكوفى معاكى كمان ..
وفعلا هو كاس وداير على الجميع .. وكل الرجاااله زى بعض..
بس الحب وسنينه ..نعمل فيه ايه ؟؟؟
تحياتى ياقمر; 4 مارس 2009 في 11:55 ص
بنت الغربة يقول...: لجين ابو الدهب
شكرا لتشريفك مدونتى ...وانا فعلا مبسوطه بزيارتك وسؤالك على ..
وربنا يهدى الباشا ويبطل الشيشه لانى تعبت من ادمانه عليها ..
وربنا يباركى فى ولادى يارب
ويخليك ياجميل ويخلى دعواتك الحلوة
وتدومى لى بالف خير يارب
شكرا ياقمر وتحياتى ليك; 4 مارس 2009 في 11:58 ص
بنت الغربة يقول...: بيبرس
انت فين من زمااااان ؟؟؟؟
انت عايز قعده طويله ...ليه لغيت المدونه ؟؟؟
اوعى يكون بسبب الطوب اللى كنت باحدفه عليك ..؟؟؟؟
انا لميته على جنب خلاااص ...
وبعدين انا بعت لك ايميل ...ليه ماردتش على ؟؟؟؟؟؟
عموما الله يسلمك يأستاذ بيبرس..
وسلامتك انت ...خير ليه الانقطاااع ده كله ؟؟؟
عموما شكرا لسؤالك علي ...ودايما زورنى ...
تحياتى; 4 مارس 2009 في 12:01 م
Unknown يقول...: مليون سلامه عليكي و علي عينك و ترجعي قريب مخنوقه بعنيها الاتنين مش واحده بس

متتخنقيش اوي من الباشا الراله احيانا بيكونوا رخمين و فعلا مش عارفين يتصرفوا

خلي قلبك كبييييييير; 5 مارس 2009 في 1:19 ص
الجواز و سنينه يقول...: و الله يا مخنوقه كتير وحشانى اوى اوى اوى
و والله عارفه انى مصره بس الظروف بقى
حتى و الله لسه ما غيرتك الكوبايه اللى مضايقاكى دى
الف سلامه عليكى
و خفى عن الباشا
و كفايه انه حس بغلتطه و عمل عشا و وداكى للدكتور
مش بعيد نلاقيه عامل مدونه مخنوق
هههههههههههههههههه; 5 مارس 2009 في 4:50 ص
بعبعه يقول...: الف سلامه عليكى يا قمر

انشاله الى يكرهم ويحسدك يا اختي; 5 مارس 2009 في 5:44 ص
غير معرف يقول...: الف الحمد لله على سلامتك

والباشا احسن من غيره بكتير اقل شي مكنش بيتعبك بتحضير الاكل و غيره

وحاول يبقى جدع معاكي على قد ماقدر

ربنا يوفقك ياقلبي; 5 مارس 2009 في 8:15 م
غير معرف يقول...: الللللف سلااااامه يا مخنوقه و ما تشوفين شر ,,

صراحه اشوف تصرفه معاك افضل من غيره !!
بعدين ادعي له ربك يترك الشيشه ,,
انا بابا ما كان يقعد معانا من الشيشه و امي صبرت سنين طويله اكثر من 22 سنه !!
بس الحمد لله اخيراً رجع لبيته و بطل يطلع للشيشه ,,

فلا تتركي الدعاء و الصبر ,,

اما طريقه الاعتذار فانا معاك هي غير مناسبه للموقف و لا لوضعك بس بصفه عامه العرب لا يجيدون فن الاعتذار فلا تزعلي ,,

ربي يهديه لك و يحنن قلبه و ينزل الالفه بينكم و يرضيه عنك و يرضيك عليه ^^
قولي آآمين; 26 مارس 2009 في 5:56 م

إرسال تعليق

الخميس، فبراير 26، 2009

مخنوقتكم ...بعين واحده

94 التعليقات:

حبايبى اللى اتخنقوا

Blog Archive

مين انا