THOUSANDS OF FREE BLOGGER TEMPLATES

الخميس، مارس 12، 2009

مساااج يخننننننق





السلاااام عليكم .....



ازيكم ياجماعه ...عاملين ايه ...؟؟؟؟؟



اوعوا تكونوا مخنوقييييين زى..........



انا باشكر كل الستااات اللى افادونى فى البوست اللى فاات واقترحوا على اقتراحاات كلها مفيده



والحمد لله باحاول انفذ شويه منها ...جايز خنقتى من القعده تروووح....



الاسبوع اللى فات اختكم راحت الجيم علشان تشترك فيه...



ومحدش يقولى يامخنوقه انتى وزنك كام ....؟؟؟؟؟ من اولها كده هاخنق امه....واقوله اخف من وزنك ..



الواحد طول عمره رشييييق.....لولاش الحمل والخلفه .....كان الواحد اشتغل مانيكاان...



المهم انا رحت الجيم واشتركت هناك ودفعت اشترااك شهر...



علشان اجبر نفسى اروح على طول...ولعبت معاهم ايروبك .....وااااااه من اول مرة .....



كانت عذاب بالنسبه لى ...لانى بقالى كتيير جدا مالعبتش رياضه....بس انبسطت قوى تانى مرة..



لان المدربه رأفت بحالى وبقت تخلينى اشتغل ااقل شويه من الباقين على أساس انى مستجده...



وبقت تشغل موسيقى مع التدريب ...فعجبتنى الحكايه قوى ....



وكلمت البت بيبه تيجى هى كمان تلعب معانا ......صحيح هى رفيعه ...بس اهى رشاقه وخلااااص..



والرياضه صحة اولا واخيرا ....



المهم جات البت بيبه وقعدت تلعب معانا واقترحت نعمل مساااج بعد اللعب....



انا قلت وماله ....اهى كلها فايده.....



رحت دفعت زى الشاطرة كده ...300 درهم مساج للرجلين ومساج كامل ....



والاخت الامورة سألتنى عن نوع المساج الكامل .....؟؟؟؟؟؟



واختكم مش فاهمه قصدها ايه ؟؟؟؟؟



فسألتها ....



قالتلى ...يعنى عايزاه RELAX .......OR.....FAT BURNER



اختكم بصتلها كده باسبهلاال شويه .....وقلت خلينى اجرب الريلاكس الاول ....والواحد لاعب رياضه وتعبان ومحتاج يرتاح...



وقعدت انا وبيبه على كرسيين مريحين قوى ... وجت بنتين امورين كده علشان مساج الرجلين....



وماقولكوش مساج الرجلين مرييييح قد ايه ....



بيحطوا رجليكم فى ميه دافيه ومعاه انواع مختلفه من الورد وزيووت عطريه...ده غير نوع معين من الملح...



والجهاز نفسه اللى انت حاطط رجليك فيه بيعمل مساج للرجلين...



بصرااحه ااخر روقااان ......الواحد مادلعش نفسه ليه كده من زماااان......



وأخدت اتخيل بقى المسااج الكامل هيبقى ازاااى......



اكيييد احلى من كده .......



اكيد يستاهل المبلغ ده .....



بس للأسف اللى حصلى ..........................غير كده تماما...............



بعد ماخلصنا مساج الرجلين ....بيبه قالت لى انها مش هتعمل مساج كامل ...وهتستنانى بره لما اخلص.....



دخلت اوضه جميله قوى كده ومددت على سرير المساج ومستنيه الاخت الاموره لما تيجى ....



وخير اللهم اجعله خير ....دخلت واحده عريضه قوى وعضلات وشكلها يخض....



انا قمت مخضوضه كده وبصتلها كويس ...احسن تكون رااجل ولا حاجه ...



بس المقدمه والمؤخره بتاعتها ...استحاااله تكون لرااجل....



بس شكلها الهم اجعله خير .....يخض...


انا فكرت جديا انى انسحب......وربنا يكفينا الشر.....بس لقيت صوتها نااعم قوى ....وقالتلى انى هاقوم ريلاكس خااالص...



المهم اقتنعت ....وياريتنى مااااااقتنعت.....



انا دلوقتى حسييت احساس هنيدى فى فيلم سور الصين العظيم وهو بيتفعص من لاعب السومو.......



تقريبا ده اللى حصلى بالضبط .....لقيتها بتفعص فى عضلات جسمى ..لدرجة انى مابقتش حاسه بظهرى ....



وبعدين دخلت على رقبتى وسمعت طرقعه..وصوت جامد ..



قالتلى ماتخافى مدام ..انتى استرس جدا ...



اختكم صوتها علي جامد من اللألم ....بس قلت استحملى يابت ...اكيد انتى هتحسى بالريلاكس بعد كده ....



وبعد كده قلبتنى وعملتلى مساج على بطنى ....حسيت انها بتعمل عمليه جراحيه من غير بنج......



او الظاهر بتشيلى الزايده.....بس الظاهر انها فقعتلى المرارة......



اختكم لغاية هنا وماقدرتش....بقيت أتألم بجد......وقمت واتخانقت معاها.....



قالتلى ان ده هو المساج وانى الظاهر مش بافهم فيه ........؟؟؟؟؟؟؟؟؟؟؟؟؟؟؟؟؟



وانى هاحس بانى ريلاكس جدا بعد كده .............



انا مش عارفه ده مساج ريلاكس ازااااى امال لو FAT BURNER ............



كانت عملت في ايه ؟؟؟؟؟؟؟؟؟؟؟؟؟ كانت ولعت في بقه ..............



خرجت من أوضة المساااج وأنا مش عارفه أمشى من الألم .....


ومنظرى بالظبط زى القط الامووووور ده..............


وطبعا انا مش قادرة امشى لغاية البيت.......مع ان بين البيت والجيم


شارع واحد بس......


فقلت للبت بيبه توصلنى ...


وبيبه ياجماعه لسه واخده الرخصه جديد....وماعرفش تحديدا


هى خادتها ازااااى ؟؟؟؟؟ بس امري لله ......اخدنا فى الشارع ده ربع ساعه ........علشان فيه يو تيرن..وهى مش


عارف تلف اليو تيرن....لما خنقتنى زياده ....ووقفت الشارع لغاية مالفت .......وماقولكوش على الكلام اللى سمعناه من الناس


اللى كانوا فى العربيات اللى ورانا .........


وأنا بانبه اى حد ساكن فى دبى لو شاف عربيه هوندا زيتى بتسوقها واحده مرتبكه شويه يبعد عنها تماما......


لأن المرور هنا مابيغلطش الستات بتاتا البته.........


المهم روحت وانا مش قادره افتح باب الشقه....وتعبانه جدااا....مش عارفه حتى انااام على الكنبه...


ظهرى بيوجعنى ورقبتى مموتانى وجسمى كله بدأ يزن..........


ده غير ان فى الوان بدأت تظهر على بطنى ...درجاات الازرق كلها....من الكدمات....


والباشا كلمنى فى التلفووون.........


الباشا : اخبارك ايه ياكابتن مخنوووقه.........عملتى ايه فى الجيم......


انا : (وصوتى مش طالع ) عملت مساج ياحبى النهارده .......


الباشا : يابختك ....انا نفسى قوى اعمل مساااج زيك كده ....انا حاسس انى استرس قوى...ومحتاج ابقى ريلااااكس...


انا : بس كده ....انا هاحجزلك فى الجيم علشان تعمل ريلاااااكس ياحبى ....


الباشا : معقوله ...؟؟؟ انت كنتى مش راضيه علشان اللى بتعمل المساج ست ....ايه اللى غير رأيك ؟؟؟؟


انا : انا قلت حرااام انا انبسط كده فى المساااج وابقى ريلاكس قوى كده .....وانت لأ....


انت لازم تجرب الريلاكس ده ....هتنبسط قوى....


الباشا : ربنا يهديك يارب....ايه الروقااان ده ....طب احجزيلى بقه جلسه...خلينا نجربها بكره...


انا : جلسه واحده بس...؟؟؟ ماينفعش ياحبى ...انا هاحجز لك 3 جلسات...علشان تاخد الكورس كله ...ويجي بفايده..


الباشا : غريبه ...؟؟؟ طب احجزى دلوقتى قبل ماترجعى فى كلامك ....هى اللى بتعمل المساج شكلها ايه ؟؟؟؟


انا : عادى ..فليبينيه عاديه ....صغيرة كده بس ايديها ناعمه قوى ...وبتخليك ريلااااكس على الاخر ..


ده انا نمت وهى بتعملى المساج ....


انا هاحجز لك معاد بكره ....هو انا عندى اغلى منك ياحبى .....

ههههههههههههههههههههههههههع وش ساحرة شريرة.....


مخنوقتك......مزرقه من الخنقه....


87 التعليقات:

عمرو يقول...

:))))))
حرام عليكى يا مخنوقه
حرام عليكى :))
يعنى ده جزاء الباشا أنه بيشجعك على الجيم و المساج تقومى توقعيه فى أمنا الغوله دى ؟؟!!
كده بقى بصراحه حأبتدى أتعاطف مع الباشا خاصة أنه متوقع البنوته الفلبينيه الصغنونه أم اٍيدين ناعمه هى اللى حتعمل له المساج :))
و لا مين عارف يمكن يوم ما حيروح حتكون هناك واحده تانيه غير أمنا الغوله و ساعتها بقى حيرجع من الجلسه يشكرك من كل قلبه :)

احساس طفلة محبة للرومانسية بس واقعية يقول...

هاهاهاهاهاهاهاها
انتى شريرة اوى يا مخنوقة
بس الباشا شكلوا يستاهل
هاهاهاهاهاهاهاها
بس قوليلى انتى متأكدة انك كنتى بتعملى مساج مش بتلعبى مصارعة
هاهاهاهاهاهاهاها
على فكرة شكل بيبة كانت عارفة الحكاية
و كانت عايزة تكون فايقة عشان تعرف تسوق وتوصلك
هاهاهاهاهاهاهاهاها
كفاية عليكى الجيم بقى
وانصحى كل حبايبك بالمساج اهى فرصة تطلعى خنقتكم فيهم


تقبلى مورورى

صبرني يارب يقول...

مخنوووووووووقه

ياااااااهبله افرضي راح لقى واحده تانيه الى هناك

بعدين الفكره مش واحده شكلهاا يه الفكره انه حرام

وهابقى احكيلكم على قصة رضا والمساج الصينى

بس تستهلي يا مخنوقه 300 ردهم يا اختي عشان المساج

طب كنتى هاتي ال 300 درهم وانا كنت عجنتك ضرب قصدي مساج يا مخنوقه ههههههههههههههههههه

وحشاني يابطه امال اجازه ايه بقى وقاعده زهقانه مش باشوفك ليه

حواء يقول...

ايه يامخنوقه
موتيني من الضحك
عايزه اعرف بقي لو خطتك الشريره ديه نجحت الباشا هيعمل فيكي ايه
ههههههههههههههههههههههههههه
هههههههههههههههههههههه

الشموع البيضاء يقول...

هههههه لا مقلب حلو فعلا بس يارب المقلب ميطلعش بالعكس عليكى هههههه
بس انتى لازم تدخلى بالجامد كده نصحناكى ايروبكس وماسكات وحركات لازم تطمعى يعنى لا والبت بيبه ناصحه قالتلك امشى واحده واحده تجرب الرجلين وبعدين تجرب فيكى الباقى لو حلو تكمل هههههههه
تعيشى وتاخدى غيرها

شمس النهار يقول...

امني علي حياتك قبل ماتحجزي لجوزك في المساج عشان لما يرجع يكسر البيت علي اللي فيه
ياشريره
شوفي احلا حاجه في الجم الايروبك والسونا او الاستيم روم غير كده ماتعمليش
ربنا معاكي

( آلاء)daughter of egypt يقول...

لا ده بس عشان انتو معجزيين

او يمكن الي طلعتلك ديه حاجه تانيه

المساج يجنن وبالذات لما يبقا لاول مرة عيديه مرة تانيه وانتي مش مخنوقه
وادعيلي بس غيري الجيم

عاشقه وغلبانه يقول...

ب300 درهم .....!!
يابلاش
وانا بشتغل شهر كامل ب250 جنيه والاسم دكتوره
يادي الهنا ياولاد
بصي يامخنوقه
ممكن اشتغل بدل امنا الغوله دي
وايديا صغننه وحنينه والله
هانريحوكي ياشبه
نيااااااااهاااااااااا

القدر و انا يقول...

زوجة ريلاكس خالص
دى اخرة المساج ياماما
ما كنا حلوين وقاعدين نرسم
لازم يعنى نجرب نلون جسمنا
والله صعبت عليا انت والقطة الجميلة
عايزين نشوف صورة للاسد وهو بقايا بعد جلسة المساج
تحباتى

Empress appy يقول...

هو ده المساج صح علشان فعلا انتى مش واخده كتير عليه شويه وهتفكي يا حبيبتى ان شاء الله
لو تابعتى هتتبسطي اسالينى انا

طوبه فضه وطوبه دهب يقول...

ههههههههههههههه بجد اسلوبك تحفه اول زياره وان شاء الله مش الاخيره

kalamfady يقول...

ان كيدهن عظيم...ربنا معاه

MǿиY El-Shreef يقول...

هههههههههههههههه

وربنا انتي مثل اعلى

انا هطلع عينو ان شاء الله

وحركه جااامده .. بس مصيبه لاتتغير البنت بجد ههههههههه

متابعاكي اوي ..

أم فريده يقول...

هههههههههههههههههههههه
هموت من الضحك بس خدى بالك لحسن يكونوا بيبعتوا للستات واحدة زى دى والرجالة واحدة حلوة

ولا اقولك خلية يجرب ماهو بيمنى نفسة على انها واحدة حلوة

simply me يقول...

لالالالالالالالالا
كده يا مخنوقه
كده تدبسيه التدبيسه الوحشه دى

حرام عليكى
خليكى طيبه دا اهو بيتصل عشان يطمن عليكى بعد يوم جيم شااااااااااق

يلا الف سلامه عليكى وطمنينا بقى على الكدمات والخبطات
ههههههههههههه

عاشقة حبيبتى يقول...

مخنوقة

بجد انا موت من الضحك والله كل الرجالة تستاهل يارب يكون راجل فتوة من بتوع البودى جارد هو الا يعملة ويشوية على الجمر وتشوفية وهو راجع البيت لو حصل ابعتيلى عنوان المركز علشان انصح بية كل صحباتى

وطمنينى عليكى هبعتلك تلج يخفف الا حصلك

تحياتى

قلب امراه يقول...

عزيزتي
بصراحه ما اقدرت الا اعلق على هالكلام لاني ضحكت قوي وحقك علي مقابل هالضحكات اردلك اياهم اقل شي بكلمتين
اسلوبك في سرد الاحداث حاجه تموت من الضحك جميله جدا ورائعه
طيب انا عاوزه خدمه منك اصلي وعدت صديقه عزيزه على قلبي اني احجزلها لتعمل مساج اصلها استرس في الفتره الاخيره وعاوزه افاجئها واقدملها هديه تعلم على جسمها .
يا ريت لو تديني العنوان وبشرط ان الست المصارعه هي الي تكون موجوده
علشان تبقى المفاجاه تستاهل وعمرها ما تنساها
تعرفي انك جدعه لانك ما هنش عليكي الباشا ما يستمتع بالمساج والعلامات الزرقا هو انتي تتلوني لوحدك ده مش عدل
كلامك رائع وجميل ومدونتك اروع وعاجبتني
اتمنالك الخير والحب

maioya يقول...

هههههههههههههههههه
يالهوي علي الشر
وواضح كده عشان الاعمال بالنيات
هايروح هيلاقي بت فلبنيه كده
هاتخليه ريلاكس
ههههههه

aMr saYed يقول...

ايييييييييييييييييييييه دنيا

بجد بوست يموت من الضحك انا لو شفت حد كده كنت وقعت من الضحك تخلللي مستنية بنت دلوعة كده عشان تروقك تلاقي الكابتن شديد عضل داخل عليكي صوته ناعم اه ايده بتوجع اه وراحت مرواقاكي بطريقة تانية

احيكي على فكرة الرياضة جدا
لان زي ما قال الحكيم المخ السليم في الكبدة السليم وطبعا هتطلعي كل طاقتك في الجيم ده

بس حركة شريرة جدا انك تحجز لزوجك عند الولية المفترية فتكات ديه حرام عليكي ولا اقولك هدعيله ان تجيله وزة فلبينة كده امورة كده عشان تروقه وتلاقيه لاجأ في الجيم كل يوم
وعلى فكرة في كرسي في السنترات كده مساج بدرهم على فكرة بقا مجرم مجرم مجرم جربي كده انا لما كنت هناك نمت على الكرسي ده ومفاصلي بعدت عن ركبي وبقيت حالتي بالبلا

سلامووووووووووووووووز

عاشقه الرومانسيه يقول...

والله انتى عسل
انا ضحكت فى وقت بجد محتاجه فيه للابتسامه
الف سلامه عليكى من الزرقان ياقلبى
اما بالنسبه للباشا
فمش خساره فى طيبة قلبه
ههههههههههههه
اصله يستاهل كل خير
وياريتك كنتى حاجزتى لكيمو معاكى
جوز بيبه مش اسمه كده برضه؟
ههههههههههههههه
ابقى عرفينى حصل ايه مع الباشا بالله عليكى

اقصوصه يقول...

هههههههههههههههههههه

والله انتي حالتج حاله

كنتي عالاقل اسالي حد من اللي في الجم

عن اللي تسوي مساج عندها خبره والا لا

بس انتي شكلج عجوووله ومتهوره

ودليل تهورج واضح للعيان

خخخخخخخخخخخخخخخخ

Lady E يقول...

تعيشي وتاخدي غيرها يا بنت الغربة
وكلنا بنخاف من اليوتيرن في اول السواقة
حلوة اوي فكرة الجيم وابقي احكيلنا ايه اللي حصل للباشا في الجيم يا شوريرة

عابرة السبيل يقول...

مش لاقية غير المساج طيب اسالى الاول حد جربه قبل كدا

يللا خيرها فى غيرها

elsha3er يقول...

ههههههههههههههههه
باين عليكى بتحبيه اوى بس انتى اللى غلطانة كان كفاية مساج رجلين بس وكنتى خلعتى مع صحبتك


تحياتى


احمد الشاعر

blue-wave يقول...

هههههههههههههههههه
حرام عليكى
ايه الشر دا؟:))

daktara يقول...

نيهاهاهاهاا
موتيني من الضحك
اسلوبك في الحكي والسرد رائع
حرام عليكي جوزك البهدلة دي فيه
وانا تضامنا معاه
بقولك احجزيلي انا كمان جلسة مساج


شكلها باظت
انظر حولك
د. خالد عزب

ronnata يقول...

مش عارفة اقولك اية يا مخنوقة
كل ما اقرا شئ جديد عندك تعجبنى مدونتك اكتر و اسلوب سردك
و فرحت جدا فى الباشا
بس هزعل لو طلعت فليبينه
هههههههه
يلا مستنية التدوينة الى جاية

حاجات جوايا يقول...

ههههههههههههههههههههههههه
لا واضح انك مخنوقة منه بجد
ههههههههههههههههههههه
طب خليه بقى يكتب وصيته قبل المساج الريلاكس ده
هههههههههههههه


دمتى فى حفظ الله
سالى

غير معرف يقول...

السلام عليكم
اصل اول مرة ادخل هنا
انا جاي أهدي النفوس
اديلة
بئول اية
ما توصي الولية بتاعة الساح دي تتوصى بية شوية زيادة
وبعدين عندي فكرة
امعانا في تهدئة النفوس
اول اجازة ان شاء اللة تبلغي عنة انة معاة متفجرات
هيعمل شوية مساج يا سلااااااااام
مزاج
صحيح ان كيدهن عظيم
والنبي احنا الرجالة اخر غلب

جارة القمر يقول...

يابختك يامخنوقة انك رجعتي الجيم
انا بقي مش عارفة خالص لان ابني صغير ومش باعرف اسيبه لوحده
بس حرام عليكي تعملي في جوزك كدة دة جزاءه علشان وافق انك تروحي وكمان بيتصل يطمن عليكي لا لا لا

حاسوباتيه يقول...

هههههههههههههههههههههههههههههههههههههههههههههههههههههه حرام عليكي بجد انتي عايزه تخلصي على الراجل 3 مرات حرام بجد عموما ربنا معاك يا باشا وابقي طمنينا عليه بقى

من غير عنـــوان يقول...

ضللتي الطريق يا بنيه...

طبعا إنت مكانك بجوار يوسف معاطي...

يعني تألفي أفلام...

بطوله أحمد حلمي وهنيدي وغيره من أباطره الضحك إن صح التعبير...

بجد مش بأهزر...

دمك خفيف
كتابتك حلوه
قصصك محبوكه
نهاياتك...... قويه

نبعت ورد للباشا على فين
(:

أمنياتي

محمد عتلم يقول...

هههههه شكلك حلو اوى وانتى طالعه من المساج ... وبعدين حد يعمل فى نفسه كده ؟ خدى الكورس وحده وحده مش مره واحده كده عشان متتعبيش يا مخنوقه
بس والله الباشا مايستحقش كل ده
انتى بتعذبيه ولا ايه ؟؟ انا لو اعرف تليفونه كنت بعتله رسالة تحذير من الدبابه اللى عملتلك المساج

Remas يقول...

ههههههههههههههههه
بجد موتينى من الضحك
اسلوبك جميل جدا
بس حرام عليكى الباشا .. ولا اقولك احسن خلى الرجالة يتعلمو ويحرمو يفكرو في المساج والبنات الحلوة اللى بيعملوه
تفتكرى احجز لحماتى هى كمان اصلى شايفاها ستريس اوى ومحتاجة تكون ريلاكس اكتر
ياريت تطمنينا على الباشا بعد المساج
تحياتى لك ياقمر

موناليزا يقول...

انتى شريرة على فكرة:)
يعنى يبقى انتى وزوجك كده طب مين اللى هياخد باله من الولاد

غير معرف يقول...

ههههههههههههههههههه
ههههههههههههههههههه

تستاهلي يا شريرة بقى تروحي الجيم وتعملي مساج ومتاخدينيش معاك ههههههههههههه

يالهووووي لو انا مكانك كنت متت منها لاني كل وزني كام كيلو يعني مفيش لحم ولا عضم تكسره اساسا هههههههههههه

فكرتيني بموقف مرة حصلي يومها بجد كنت هموت رسمي بس ربنا ستر

وابقي قوليلنا حصل ايه مع الباشا خلينا نشمت فيه شوية هههههههههههههههههههه

وربي انك عثولة مووت

لجين أبو الدهب يقول...

حرام عليكى يابنت الغربة ..

الراجل هياخد العلقة اللى اخدتيها مش كفاية انتى D:

وبعدين اظن هو غيرك علشان الرجالة عندهم عضلات تسد غير الستات الغلابة ..

انا جربت مساج الرجل وعجبنى جدا الصراحة زى ما قلتى ..

انما اظن بعد اللى قلتيه عمرى ما هاعمل مساج كامل D:

الحمد لله انها عدت على كده علشان ما تعملهوش تانى ..

دمتِ بخير ..

barbie girl يقول...

ههههههههههه تعيشى وتاخدى غيرها يا جميل.. بس أكيد انتى بتهزرى ومش هتخلى جوزك يروك يعمل مساج عند واحدة ست لانه حرام.. اقولك على فكرة اتعلمى منها المساج واعمليه انتى بقى ومعلش خليكى فى الجيم احسن وبلاش مساج :)

MaNoOoSh يقول...

متصدقيش اللى يقولك انك شريرة
انا لو كنت مكانك كنت هعمل نفس المقلب
نياهاهاهاهاهاهاهاها
امال اشربها واتدغدغ لوحدى يعنى.. مش هو رفيق الكفاح وللا ايييييييييييه
ههههههههههههههههه
ربنا يشفى اثار المساج المزرقة ومخضرة ومصفرة دى
نحياتى يا عثل

سمكه واحده يقول...

اذيك انتي يا مخنوقه يا قمر
هههههههه
معلش بقي خدتي بالمشوره بس الست طلعت قويه ومفتريه جبتين بس يمكن عشان في الاول متهيقلي هتتعودي يعد كده والله اعلم بس بجد الجيم مفيد جدا بس لو بطلتي امممم ربنا يستر بس كده تغير وبتحسي بأنتعاشه وخدينا كلنا الله يكرمك معاكي
بس انا لو كنت مكانك كنت عضتها من دماغها زي اللمبي
بالنسبه لجوزك اهو ده غلط ممكن زي ما ناس كتير قالت يا نصحه تيجي واحده مختلفه خالص وكمان منصحكيش لانه اولا حرام مينفعش
ثانيا احنا بنعمل في نفسنا حجاااات ونرجع نندم
طب وليه من الاول ياستي لو راجل اللي هيعمل الماساج كا نبها مش راجل
الله الغني ياستي اتعلمي انتي واعمليله
بس انا حاسه بيكي
ربنا يوعده بواحد كده يكون امه غضبانه عليه ويظبطه كده ويحصل القلب اللي نفسك فيه
مش خانق مخنوقتنا حببتنا يستاهل بقي هو اللي جابو لنفسه
ياستي ربنا يصلح حالوا يارب
وبجد حاولي تستفيدي كتير بوقت الفراغ مش هتلاقي وقت اصلا ولا هتملي ان شاء الله
تحياتي يا قمر

غير معرف يقول...

حلو المساج دة
بس خلي بالك للباشا يطلعه عليكي بعد ما يجرب الفلبينية ام ايد ناعمةدي
ههههههههه
تحياتي ليكي

غير معرف يقول...

بصي بالنسة للبوست اللي فات واضح ان في شيئ غلط في علاقة صاحبتك دي مع جوزها
لأن الراجل اللي يقبل ان مراته هي اللي تصرف حاجةمن الاتنين يا اما هو بيستهبل يا اما مش حاسس معاها باي نوع من الامان وحاسس ان علاقتهم دي مهزوزة وممكن تتهد في اي لحظة فبيقولك خلاص خليها تصرف على البيت وعلى عيالها والقرش اللي بشتغل بيه في الغربة احوشه لنفسي علشان اقدر اصرف بعدين .. واضح انهم عايشين مع بعض كدة علشان خاطر المظهر الاجتماعي وخلاص
هو بيقولك لورجعت مصر مش هلاقي شغلانةزي دي وهي بتقولك راجل والسلام واحسن مااطلق .. واضح ان مافيش بينهم المشاعر والدفء اللي لازم يبقي بين اي اتنين متجوزين بدليل انه مع اول زله له طلبت الطلاق ومافتكرتش اي شئ حلو بينهم اواي حاجة حلوة عملهلها في يوم
الحل مش في الطلاق ولا الخلع ولاثورة الحريم اللي صاحباتك عملوها في التعليقات
لأن دة بصراحة كلام فارغ مايصحش يتقال لأن هنا في اسرة ممكن تتهدوعيال ممكن تتشرد
الحل في الصراحة والمواجهة هما الاتنين يقعدو مع بعض ويتكلمو وكل واحد يخرج اللي في قلبه من التاني لو هوحاسس انه مش مرتاح او مش واخد وضعه كزوج ورب اسرة يبقي لازم صاحبتك دي تريحه وتسمع كلامه وتديله كامل الصلاحيات في البيت
وتعرف ان هو جوزها وراجلها وله عليها كامل الطاعة
واضح كمان انها بتتعامل معها بنوع من التعالى على اساس انها هي اللي بتصرف ودة شيئ اكيد مأثر فيه علشان كدة لازم صاحبتك دي تفوق لنفسها وتعرف ان دة مش مريض عندها هيسمع كلامها ويمشي على الدواء اللي هي كتباه له في الروشتة لاء دة جوزها وراجلها وابو عيالها وبينهم عيشرة وسنين طويلة
وان طاعته من طاعة الله سبحانه وتعالى ولو ماكنش السجود لله وحده كان الواجب عليها تسجدله من عظم حقه عليها زي الحديث الشريف ما قال
يا مخنوقه قولي لصاحبتك تعقل وتلم الدور وتقعد تتكلم مع جوزها وتتفاهم معاه لوكانت عايزة تحافظ على بيتها خصوصا ان عيالها في سن حرجة ومحتاجين لأبوهم قوي اكتر من امهم بكتير
ارجو انك تتقبلي رأيي وتوصليه لصاحبتك وتخليها تفكر فيه
ربنا يهدي النفوس ويبعد الشيطان عن الجميع
تحياتي ومودتي ليكي

Hanan Elshafey يقول...

هههههههههه
وماله
اهو احسن من الشيشه والخروج برده
كمان انتي عايزاه يكون ريلااااااااكس خالص ايه المشكله
يستحق برده
معلش اتاخرت عليكي
بس الكمبيوتر بتاعي اتهبل
ربنا يهديه
بس وحشتني خنقتك اوي

حاجــ عيال ــات يقول...

السلام عليكم
..........
مخنوقة انت شريرة بجد ..بقى كده تضحكي على الباشا ..نفسي اعرف بقى بعد كده بقى ريلاكس ..وانت فضلتي استريس برده بعد كل ده؟

بيبه نفدت بجلدها
يالا عقبال المرة الجاية

فشكووول يقول...

طب زعلانه مننا ليه .. احنا مش نقول انك تخينه ولا حاجه.. انت رشيقه جدا ولا يهمك

وبعدين انت جبتى بيبه ليه ... هي زنبها ايه فى الموضوع ده

الله يخلى لك الباشا

المهم حتروحى تانى ولا لأ

تحياتى

تامر علي يقول...

مساج الخير ... :)

بلاش الرياضات العنيفة دي ... ماله البلياردو والشطرنج وتطيير الطيارات حاجات جميلة ومسلية وفي نفس الوقت بتحرق الدهون برضه ...:)

شمس النهار يقول...

كل سنه وانت طيبه
وكل سنه وكل ام بخير وسعاده
انت فين معقول الجم عمل فيكي ده كله

محمد عتلم يقول...

كل سنه وانتى طيبه
مش انتى ام برضه ؟؟

محمد عتلم يقول...
أزال المؤلف هذا التعليق.
سمكه واحده يقول...

كل سنه وانتي طيبه يا جميله

shaimaa rady يقول...

هههههههههههههههههههههههههههههه

الله يكون في عونة

بس علي فكرة انا رفيعة وبروح الجيم وعادي جدااا
اصلا هو مفيد قوي وبينشط الدورة الدموية.

shaimaa rady يقول...

تصدقي يا مخنوقة رد مصطفي ريان جامد جدااااااااااااا
علي مشكلة صحبتك الدكتورة

وبعدين من كتر ما هو متحيز للراجل شكيت انة هو ده جوزها
بس عموما كلامة مهما كان شديد في نسبة كبيرة من الصح
لكن برضةالله اعلم بخباية الامور
واعلم بحال كل واحد فيهم

شفـقــة و إحســــان يقول...

طب والنيعمة والنيعمة إحنا غلبنا معاكم
نعمل إيه تاني علشان ترضوا عننا
يعني الراجل بيسألك عملتي إيه في الجيم
وبيتطمن إذا كان المساج عجبك
تقومي تدبريله المقلب ده ؟؟
وكمان مش جلسة واحدة
ولا إثنتان
بل ثلاث جلسات فعالة

ده حرام عليكوا اللي بتعملوه فينا ده
حرااااااااااااااااام


إحســــان

مجبورة يقول...

مبروك عليكي مساجك الخفة
ترلم لم
يا مخنوقة يا مزينة الزفة
مبروك عليكي
شفتي بقى آدي آخرة اللي يقعد في البيت
أنا حاسة بإحساسك ده لأني ساعات كنت بجرب حاجات غريبة من الزهق أو عندا في نفسي وخلاص
بس تفتكري حتى لو نفس الشخصية دي هي اللي عملت مساج لجوزك هتأثر فيه
ما افتكرش لأن مهما كان عضلات الرجالة غير الستات
بس يلا خليه يشرب مش عايز يروح لواحدة ست تدلكه
يلا بلا هم
تحياتي ليكي

غير معرف يقول...

واضح ان المساج اثر على ايديكى لدرجه انك ماردتيش على اى حد
لالا الف سلامه عليكى و بعدين ربنا يرزق الباشا بواحده كده تكون ملاك و رقيقه و حنينه
علشان تحرمى تعملى مقالب
يا مفتريه

رولا يقول...

مخنوقه..
لا بجد بجد تحفه..وزي العسل كمان..انا اول مره ادخل المدونه التحفه دي
وضحكت لما قلت يا حالي..اسلوبك يخنق من الضحك

تحياتي

غير معرف يقول...

معلش هما الرجاله كده ما بيعجبهمش العجب وله الصيام فى راجب
منه لله اللى كل ايد ماما تافيده

♥نبع الغرام♥♪≈ يقول...

السلام عليكم ورحمة الله وبركاته
بجد انتى جميله قوووى وضحكتنى يا مخنوقه
ربنا يسعد اوقاتك يارب
وده اول مرور ليا
تقبلى تحياتى

المـــفـــــــقــــــــوعـــــة مــرارتـهــا يقول...

يابنتي خبي احسن جوزك يتحسد علي حبك ليه دا انتي واضح انك بتموتي فيه وعاوزة تعمليله نيو لوك باللون الأزرق .. بس تعرفي انا فرحانة فيه بقي عاوز فلبينية تعمله مساج اهي جاتله واحدة مكتوبة في البطاقة أنثي والفعل واحد بودي جارد يالا بالشفا
سحر غريب

بنت مصر يقول...

ههههههههههههههههههه

انا مت على نفسي من الضحك

عموما اهو علشان متكونيش حرمتي نفسك من حاجه وعملتي المساج واتعرفتي عليه

بس ربنا يستر لما الباشا يروح حتكون رد فعله ايه معاكي

تحياتي

صمت المشاعر يقول...

هههههههههههههه

هههههههههه كل دا لا وهتحجزي له 3 جلسات شكلك بتحبيه اووووي

الجواز و سنينه يقول...

مخنوقه يا حبيبتى
انتى فين يا جميل
مش متعودين غيابك ده كله
و لو مزعلاكى الكوبايه خلاص كسرتها
هههههههههههههههههههههههههه
و لا انتى لسه مكمله مساج
طمنينى عليكى

بنت الغربة يقول...

استاذ عمرو
اسفه للرد المتاخر بس عندنا امتحانات
وانا بصراحه باحب ردوردك قوى
وانا عملت كده فى الباشا لانى متغاظه منه والحمد لله شربها
هههههههههههههههههههبس نفد بجلسه واحده وبعد كده قال يافكيك..
كان فاكرنى هاجبله مزة تمسجه
هههههههههههههههههه
تحياتى ليك

بنت الغربة يقول...

احساس طفله محبه للرومانسيه
انا مش شريره ولا حاجه ياجميل ...انا بس مخنوووقه منه
وانا بطلت مساااج خلااااص..
بس نصحت بيه كل اللى باحيهم الحقيقه
اوعى تجربيه
تحياتى ياقمر

بنت الغربة يقول...

صبرنى ياحبيبتى
المساج الرجالى مابيبقاش زى الحريمى
يعنى مش بتلمس جسمه لالالالالالالالالالالالا
بيبقى لابس رووب وبتعمله مسااج فوق الرووب..والرووب ده اصلا زى خامة الفوطه بالضبط..
وغير كده انا كنت موووجوده ياجميييل وشفته وهو بيضرب علقه حلوووة قوى
واختك مش قادره تمسك نفسها من الضحك..هههههههههههه
معلش انا كنت منقطعه بسبب ان الاولاد عندهم امتحانات الترم التانى وانا كنت باعمل كذا انترفيو وماكنتش فاضيه..وكمان الباشا سافر مصر ورجع جاب اخوه ومراته معاه..
يعنى البيت بقى زحمه قوى وهيقعدوا معانا 5 ايام..تخيلى فى وقت الامتحانات..طب اعمل فيه ايه ؟؟؟؟
جايين يتفسحوا على قفايا..
ادعيلى ربنا يصبرنى
تحياتى ياقمر

بنت الغربة يقول...

حواااء حبيبتى
خطتى الشريرة نجحت والحمد لله
هههههههههههههههههههههه
وكنت قاعده باتفرج عليه وهو عمااال يتأوه من الالم.....ههههههههههههههه
بصرااحه انبسطت قوى...
ولما رجعنا صحيح اتخانق معايا ..بس مش مشكله المهم انبسطت
ههههههههههههههههههههه
تحياتى ليك ياقمر

بنت الغربة يقول...

الشمووع البيضاء
فعلا مقلب حلو بس طلع بعلقه واحده بس..قصدى جلسة واحده مساااج بس
ههههههههههههههههه بس كانت فرجه حلوووووووة قوى
وانا بطلت مساااج خلااااص ومقضياها ايروبكس بس
تحياتى ياجميييل

بنت الغربة يقول...

شمس النهااار ياحبيبتى
أأمن على حياتى ليه ..؟؟؟هو يقدر يعمل حاجه ..؟؟ ده انا انسجمت جدا وانا شايفاه بيتعذب قدامى من الالم..وهو تحت ايد جودزيلا بتاعة المساااج....ههههههههههههههههه
صحيح اتخانق معايا لما روحنا...بس مش مشكله ..المهم انبسطت
هههههههههههه
تحياتى ياقمر

بنت الغربة يقول...

مصريه وبس
معجزين ايه ياماما.؟؟؟
الدهن فى العتاقى ياحبيبتى
انا استحاااله اجربه تانى..انت روحى خدى علقه زى مانتى عايزة..
الايروبكس هو اللى يجنن..بجد حلو قوى
تحياتى ياقمر

بنت الغربة يقول...

عاشقه وغلبانه
معقوله انتى بتاخدى 250 جنيه بس.؟؟؟
فى الشهر يعنى .؟؟؟؟
دكتوورة محترمه وبتاخدى المبلغ ده ..؟؟؟؟
ازاااااااى ؟؟؟؟؟
لالالالالالالالالالا ده انا لازم اجيبك عندى هنا ...انتى عارفه الدكاترة هنا مرتباتها ايه..؟؟
ومن غير ماياخدوا الدكتوراه كمان..؟؟؟؟
ولا حتى الماجستيير..؟؟؟
خلصى يابتى الامتياز بتاعك وابعتيلى ورقك..
تحياتى ياقمر

بنت الغربة يقول...

القدر وانا
اه شوفتى الريلاكس اللى كنت فيه ..؟؟؟
مش مخنوووقه بس ..لالالالالالالالا
ومتلونه كمااان..
الباشا مارضيش اصورة وهو بينضرب...قصدى وهو بيتمسج...بس كانت علقه حلوووة قوى
واستمتعت بالفرجه جداااا
نياهاهاهاهاهاهاهاها
تحياتى ياقمر

بنت الغربة يقول...

ابى حبيبتى
لو هو ده المساااج ...انا مش عايزاه..وجسمى لغاية النهارده مزرق...يمكن فى مصر ايديهم حنينه شويه..لما اجى مصر هابقى اجرب
تحياتى ياقمر
.........................
طوبه دهب وطوبه فضه
شكرا ياجميل على الزيارة ويارب تكرريها دايما وتحياتى ليك
.............................
كلام فاضى
انت زعلان ليه ده ربنا سبحانه وتعالى هو اللى قال كده..
فعلا ان كيدهن عظييم ...وافتخر..
تحياتى ليك

بنت الغربة يقول...

مونى الشريف
نورتينى ياقمر فى اول زيارة
وياريت اكون فعلا مثل اعلى ..ربنا يخليكى
وياريت كلنا نطلع عينيهم ومناخيرهم وبقهم وفلوسهم كمااان
ههههههههههههههههههههه
والله كان يوم يتسجل فى التاريخ
فعلا استمتعت بمساج الباشا...اخد علقه حلوة قوى
هههههههههههههه
تحياتى ياقمر

بنت الغربة يقول...

زوجه عنيده
لا ماتخافيش رحت معاه وأتأكدت انها جودزيلاا بتاعتى...
ويومها اخد علقه حلوة قوى...انا استمتعت وأنا باسمه كل اه قالها...
واستمتعت اكتر لما تانى يوم ماراحش الشغل من التعب
هههههههههههههههههههه
بجد خنقته المرة دى
ههههههههههههههههههههههههه
تحياتى ياقمر
.........................
Bondoka
حبيبتى هو يستاهل يدبس كده واكتر من كده كمان علشان يبطل يقول عايز مساااج تانى
هو كان فاكرنى هاجيبله مزة تمسجه ولا ايه...؟؟؟؟
والحمد لله انضرب علقه محترمه من غير مايتكلم..
وانا استمتعت جدا جدا بالفرجه
ههههههههههههههههه
تحياتى ياقمر
.........................
عاشقه حبيبتى
والله انا فرحانه بزيارتك دى جدا ودايما كرريها
والحمد لله اللى عمل المسااج للباشا هى جودزيلاا اللى عملتلى ....لا وزودت المساج ليه اكتر علشان هو رااجل ويستحمل
ههههههههههههههههههه
كانت علقه حلوة قوى
وانا قاعده اتفرج عليه...واستمتعت جدا بكل مرة بيتألم فيها وبتعابير وشه..المخنوووقه..هههههههههه
تحياتى ليك ياقمر

بنت الغربة يقول...

ريم
حبيبتى شكرا لزيارتك لى وياريت دايما تكرريها
طبعا انتى تأمرى وتحت امرك اديك عنوان الجيم واديك رقم موبيل المصارعه اللى عملتلى المسااج كمان..
انا نفسى كل الناس الحلوة ترووح تعمل مساج جمييل كده زى اللى انا عملته...خصوصا لو صاحبتك عزيزية عليكى كده زى الباشا ماهو عزيز على ..
وان شاء الله هتعلم على جسمها علامه حلوة قوى
تحياتى ليك
..........................
maioya
انا مش شر ياميويا ياختى ولاحاجه
انا عايزاه يبقى ريلاكس زى بالضبط
والحمد لله اللى خلتنى ريلاكس هى اللى عملتله المساااج وبقى ريلاكس اكتر منى
هههههههههههههههههههه
تحياتى ياعسل
............................
aMr tA3LaB
وانا والله وقعت على روحى من الضحك وانا شايفه الباشا وهو وشه بيجيب الوان لما شاف البنت اللى جايه تعمله المساااج
وبصرااحه كنت ماسكه نفسى بالعافيه وهو عمااال يتأوه من الالم والوجع ووشه بقى احمر من النرفزة ومش قادر يتكلم..كان فاكرنى جايباله مزة تعمله مساااج
هههههههههههههههههههههه لقى جودزيلااا.......
والكرسى اللى بتقول عليه انا جربته وحلو قوى قوى قوى...
تحياتى ليك

بنت الغربة يقول...

عاشقة الرومانسيه
الله يخليكى ياجميل ده انتى اللى عسل
وفعلا الباشا يستاهل كل خير
هههههههههههههههه
والحقيقه كانت فرجه حلوة قوى وهو عمااال يتعذب من الاخت جودزيلاا بتاعت المساااج (هو اللى سماها كده)
ووشه عمااال يحمر ويخضر من الالم ومش راضى يتكلم علشان كرامته ناقحه عليه
وفى الاخر بقى كل جسمه ينقح عليه وماراحش الشغل تانى يوم
واتخانق معايا بس اختك كانت مقضياها ضحك طول الخناقه...
هههههههههههههههههههههههههه
بجد يوم يتكتب فى التاريخ...
تحياتى ليك ياعسل
..............................
اقصوصه
والله سألتى قالولى ممتازة وهتريحك على الاخر...والظاهر انها فاهمه الراحه غلط...وعايزة تريحنى الراحه الابديه
تحياتى ليك ياجميل ونورتينى
................................
Lady E
انا مش شريرة والله ياليدى..انا بس حبيت اخليه ريلاكس شويه زى..
والحمد لله بقى ريلااكس على الاخر من الالم الجامد اللى شافه لان جودزيلا اتكت عليه شويه زياده علشان ده رااجل قوى مش ضعيف زى حلاتى..
وكان يووووم..بصراحه يتسجل فى تاريخ حياتى من كتر الضحك على الباشا..
هههههههههههه ويعيش وياخد غيرها
تحياتى ياقمر

بنت الغربة يقول...

3abratelsabeel
نورتينى فى اول زيارة
وانا والله سألت قالولى حلو قوى وريلاكس على الاخر
بس الواحد حظه وحش
تحياتى ياجمييل
..................................
elsha3er
اه والله انا باحبه قوى ...ومن هنا ورايح فعلا كفايه عليا مساج الرجلين وهاوصى بالمساج الريلاكس لكل اللى خانقنى..
وهاخلع انا
تحياتى ليك
...................................
blue-wave
حرام عليك انا مش شريره خااااالص
انا بس حبيت الباشا يبقى ريلاكس زى بالظبط ..ولاايه ؟؟؟
تحياتى ليك
.................................
daktara
د.خالد عزب
نورتنى خااالص والله
وانت تأمر هاحجز لك جلسه مساج على حسابى ..وانت تنور دبى كلها..
واكييد هتتروووق زى الباشا ماتروووق بالظبط...هههههههههههههه
تحياتى ليك
................................
Roonata
حبيبتى نورتينى بس دى اول مرة تعلقى عندى مش كده..طب حد يقرا ويمشى كده من غير تعلييق..؟؟؟
نورتينى ياجميييل ...والباشا اتمسج ريلاكس زى واكتر شويتين كمااان
يعنى الاخت الفليبينيه جودزيلاااا اتوصت بيه على الاخر..هههههههه
تحياتى ياقمر

بنت الغربة يقول...

حاجات جوايا
شكرا ياقمر لزيارتك مع انى مقصرة معاكى..انا فعلا مخنوووقه منه بجد ..لكن برضه باحبه..وهو مسحنى من الوصيه بتاعته لما رجع من جلسة العذاااب...قصدى المساااج
هههههههههههههه
تحياتى ياسكر
...................................
مصرى جدا
سيادتك منورنى فى اول زيارة والله
وفكرتك حلوة بس عايزة شوية تعديل وترتيبات كده..
وربنا يخليك دايما وتهدى النفوووس
وانتم الرجاله مش غلابه بتاتا البته
تحياتى ليك
..................................
جارة القمر
شكرا ياجميل على زيارتك
وانت ممكن لو مامتك جنبك تسيبى ابنك معاها وتروحى الجيم....ولو لسه بيرضع يعنى انت ممكن تعملى رياضه فى البيت وهو نايم ..فى برامج حلوة على الدش ممكن تساعدك بس انتى مش تكسلى
ومعلش الباشا يستاهل اكتر من كده
انت ماتعرفيش خانقنى قد ايه
تحياتى ياجميل
.................................
حاسوباتيه حبيبتى
حراام على ليه ياجميييل
مش هو اللى عايز مساااااج ..؟؟؟
طيب يشرب بقه..هو فاكرنى هاجيبله مزة تقعد تمسج فيه..؟؟؟
تحياتى ياعسل
..................................
استاذ محمد البنا
بجد دايما منورنى وشكرا ليك جدا انا بصراحه باحب تعليقاتك عندى مع ان حضرتك دايما بتجاملنى والله شكرا ليك قوى وكويس ان دمى خفيف مش تقيل لان الدنيا صعب قوى الواحد ياخدها جد دايما على طووول كده..
وابعتلى انا ورد مش الباشا
تحياتى ليك جدا

بنت الغربة يقول...

محمد عتلم
وانت طيب يامحمد ..اه انا أم وبالتلاته كمان..
والباشا يستاهل يتعمل فيه كده واكتر مش هو اللى عايز واحده تعمله مسااج.؟؟؟؟؟
هو فاكرنى هاجيبله مزة تمسجه ولا ايه ..؟؟؟؟
انا مخنوووقه صحيح بس مش هبله..
وانا خلاص بقيت العب ايروبكس بس
تحياتى ليك ولمراتك الامورة
وكل سنه وهى طيبه

V.Hayat يقول...

مدونة جميلة

تحياتى

غير معرف يقول...

هههههههههههههههه
لا لا مستحيل انا بامووت من الضحك ,,

ربي يسعدك يا مخنوقه و يفك خنقتك ,,

77
او الظاهر بتشيلى الزايده.....بس الظاهر انها فقعتلى المرارة......
88
ااااااهههههههههههههههههههههههههههااااا

انا جربت الريلاكس عند وحده شرق اسيويه و و الله طلعت نفس حالتك ,,
بس الحمد لله هي جات عملته لي فالبيت فما قمت من محلي اصلا من الآلم :(


اتمنى نتواصل و نصير اصدقاء ,,
دمتي بخير ^^

ملاحظه : انتي في دبي و خنقه !! يااااااليت اكون هناك لو لساعه راضيه ^^
لو تعرفي اماراتي و يبي يتزوج سعودية انا بالخدمه هههههههههه

simply me يقول...

فينك ؟؟؟؟؟؟؟؟؟؟؟؟؟

mahasen saber يقول...

انا ضحكت لما الدموع نزلت من عينى

بس ختامها مسك لازم يجرب عشانن يعرف انتى اتبسطتى ازاى

بس هيا اكيد اليى ايديها تقيله والا كانت بييه اشتكت من المساج هيا كمان

تعيشى وتاخدى جلسه غيرها

my dream يقول...

انا بجد هموت من الضحك
بس ربك يستر والباشا يروح يلاقي البلدوزر ايه ما يلقيش حاجه ننوسه كده ويتعود على المساج
وتبقي انتي الي اكلت المقلب
ربنا معاكي
مع حبي
مروه

غير معرف يقول...

حقيقي يا مخنوقة لك اسلوب رائع فى السرد فهو شيق ورشيق .
متهيألى انه عمل مساج معاك .
بس انت شريرة لانك هتوقعى الباشا فى مطب جامد قوى .
على فكره نفسى اعرف حيحصل ايه لما يعمل مساج .
ارجو الرد سريعا.

كلمة صدق يقول...

السلامى عليكم قلبى معك بس شئ من الصبر والصدق تبقى الحياة جميلة فى اى مكان ولكن نصيحية ان كنت عيشتى فى دبى ماتكرهى ايامك لو روحتى الرياض واسألى مجرب وشكرا

غير معرف يقول...

لوجلست معي دقايق لخليهاأحلابنت طيبه