THOUSANDS OF FREE BLOGGER TEMPLATES

الاثنين، أغسطس 02، 2010

ضريبة اللامبالاااااااااااااااااااااااااااااااااه

حاجتين اساسيتين ممكن يدمروا اى حب ......واكيد اى ست مهما كانت قوتها


وهما بالترتيب.....الخيانــــــــــــــــــه..............واللامبالاه فى المشاعر..........وطبعا توابعهم من الاستهزاء والاحباط

لشكلها كأنثى..............


هتقولوا طبعا مخنوقه بتغييب وتغييب وبترجع تانى تخنقنا...طب اعمل ايه؟؟؟


موضوع شائك ....للأسف كنت طرف من اطرافه ومش عارفه اذا كانت نصحيتى اتسببت فى انه يتطور بالصورة

دى.......

ومش عارفه اذا كان لسه في حد بيقرا لى ولا لأ.....بس ياريت اللى يدخل عندى يقولى رأيه بصراحه....وبلاش يمشى

من غير تعليق...........

الحكاية بدأت من 10 شهور تقريبا كنت لسه راجعه مصر بقالى شهرين كده وظبطت ولادى

فى المدرسه....وعديت على ماما...قالت لى ان غاده صاحبتى من ايام الجامعه عرفت انى فى مصر وكلمتنى عند ماما

والحت انى ازورها...خصوصا انها نقلت جنب ماما...فرحت قوى بصراحه لأنى ماكانش لي اصحاب فى مصر غير

اخواتى...بحكم الغربه

المهم رحت زرتها فى بيتها لوحدى الاول من غير ولادى علشان دوشتهم............

وكانت دى اول مرة اشوفها من 10 سنين تقريبا.....من يوم فرحها......(طبعا هتقولوا مخنوقه دى سيئه مع اصحابها)

وده غصب عنى......

لأن اجازاتى كلها محصورة مع الباشا وعيلته...بس كنا دايما بنكلم بعض فى التلفون وكمان لأنها كانت ساكنه فى الاقاليم....

المهم انى فرحت قوى لما قابلتها....وشفت ولادها......صحيح شكلها اتغير شويه .....بس 5 اطفال فى 10 سنين يغيروا اى ست....

غادة : مخنووقه ازيك يابت وحشتينى قوى من زمان ماشفتكيش.....ادينى سكنت جنب طنط اهو ...مالكيش حجه...

انا : حبيبتى ماتزعليش منى بس انت اكتر واحده عارفه ظروفى وعارفه الباشا...ماينفعش اتحرك فى حته من غيره...


غاده : اه يااختى عارفه ......هو دايما كده...حتى ايام الخطوبه ماكناش بنروح حته من غيره....عامله ايه معاه؟؟؟


انا : الحمد لله ......شويه كده وشويتين خنقه...واهى ماشيه.....


غاده : انتى هتقوليلى...الرجاله دول اصلهم و لاد تيييييييييييييييييييييييييت........يفضلوا يجروا وراكى لغاية

مايتجوزوا...وبعد كده تبقى تسليتهم ازاى يذلوكى بتريقتهم ويخنقوكى بأهمالهم...


انا : ايه ياغاده مش عمرو ده اللى قعدتى تحبيه 5 سنين ايام الجامعه.....واتخانقتى مع باباكى علشان تتجوزيه....ولما

سافر بعد كتب الكتاب المانيا سافرتى وراه من غير فرح ومن غير موافقة باباكى كمان ......


غاده : كنت غبيه...مافيش احسن من اللى تتجوز بعقلها وتقفل على قلبها...انا استحاله هاخلى بناتى يعملوا زى

ماعملت..وبعد كده يكتشفوا انهم اخدوا اكبر مقلب فى حياتهم......



انا : طب ياغادة طولى بالك كل الرجاله كده بيخنقوا بس ماتوصلش لدرجة المقلب يعنى...هو عمرو مغلبك ولا ايه؟؟



غاده : مغلبنى دى شويه يامخنوقه....ده دايما بره البيت ودايما معاه اللاب توب ..وكل ماسأله لازمته ايه يقولى بيسلينى وانا قاعد
على القهوة...وبرضه لما يرجع البيت نفس القصه لغاية الفجر..ولما اتكلم يقولى انتى اصلك نكديه ..انا عندى شغل عليه..



انا : طب ماتحاولى تسليه انتى فى البيت وهو يسيب ام اللاب توب خالص....



غاده : قلبك ابيض ياختى المواضيع دى بقت نادرة جدا يمكن لو فى الشهر مرة يبقى كويس...



انا : ليه كده ياغادة انتم لسه صغيرين على الكلام ده؟؟



غاده : مش عارفه يامخنوقه باحس انه مالوش رغبه في..ودايما بيعايرنى انى تخنت ...وشكلى بقى عامل زى الخيمه فى



قمصان النوم...طب مكل ده بسبب الحمل والولاده....مش هو اللى كان عايز ولاد كتيير...



انا : ربنا يخليهمولك ياغاده..بس ممكن تعملى دايت وكمان تلعبى رياضه..



غاده : مش نافع معايا حاجه يامخنوقه...حاولت كتيير وكنت باخس بس بطنى بتفضل كبيرة زى ماهى وباتعقد اكتر...



ده حتى الاولاد بقم يتريقوا علي بسبب كلام ابوهم اللى بيسم بدنى بيه طول اليوم...



انا : طولى بالك ياغاده فى حلول تانيه بس ماتسبيش نفسك كده ابدا.....بس فهميه يبطل تريقه عليك وان ده بيضايقك...



وخصوصا قدام الاولاد...



غاده : انا خلاص كرهت شكلى يامخنوقه...عمرو وصلنى لمرحلة الاحباط...ده غير الغيرة المرة اللى حاسه بيها



كل لما اشوف عينه وهى بتزوغ على البنات فى الشارع...وبكل بجاحه يقولى بصى واتعقدى....



انا : ياسلااااااام ليه ان شاء الله يعنى هو اللى ماحصلش ....معلش ياغاده هو جوزك اه بس انا اتخنقت ...هو انت

ياحبيبتى شايله المرايات من البيت..ده شعره هينضفلك المواعين احسن من السلكه...وهو صحيح الراجل الاسمر جذاب

بس الاسمر مش البتنجانى....هو مش شايف نفسه ولا ايه ..؟؟؟

غاده : هو شايف نفسه ماحصلش ياستى وانا ماستهلهوش....وبيحدف كلاااام علشان عايز يتجوز تانى...



انا : جواز تانى فى عينه....امال الخمس عيال دول بتوع مين....ولا هتقعدى انتى تربيله العيال وهو يعيش حياته...



غاده : انا قرفت وقلتله عايز تجوز اتجوز بس سيبلى ولادى وانت مع السلامه...



انا : ايه الجمال ده طب ده انتى ريحتيه على الاخر اهو.....انا لو مكانه اتجوز امبارح مش بكرة...



غاده : طب اعمل ايه يامخنووقه بجد انا نفسيتى وحشه جدا ...



انا : اعملى عملية تجميل وشيلى بطنك واشفطى وظبطى جسمك....وغيرى لون شعرك وجربى اللنسز.....اعملى نيو لوك..



غاده : ايه ؟؟؟؟ بس دى مش خطر يامخنوقه ؟؟؟ تفتكرى عمرو يوافق؟؟؟



انا : من ناحية خطر هى مغامرة خطر ... بس صاحبتى جربتها من سنتين كده...بس حالتها غير حالتك تماما وكنت

معارضاها بس لما لقيت قد اي نفسيتها اتحسنت وثقتها فى نفسها زادت بعدها....عرفت ان المغامرة احيانا بتبقى

ضرورية ...وبتغير حياة البنى ادم 180 درجه...وهى حياتها الخاصه مع جوزها اتغيرت كتييير للأحسن بعدها....



غاده : انتى هتخلينى افكر جديا فى الموضوع ده... وهاحاول اقنع عمرو بيه...بس الاول ندور على دكتوور كويس...



انا : فكرى الاول ياغاده وقولى لعمرو....وانا مستعده ندور على الدكتور سواا واسألك على مستشفى محترمه...



بس والكلام ده عدى عليه حوالى اسبوعين كده ولقيتها متصله بي وهى بتعيط


انا : ايه ياغاده مالك ؟؟؟ بتعيطى ليه؟؟؟


غاده : خلاااااص يامخنوقه جبت اخرى....البيه مش مقتنع بالعمليه وهارينى تريقه
وبيقولى هو الدكتور هيصلح ايه ولا
ايه انت عايزة تتنسفى مش تتصلحى...احمدى ربنا انك متجوزة وخليك قاعده
ساكته....وربى عيالك...هى خسارة فلوس
على الفاضى انا مش هارمى فلوسى فى الارض ....عايزة تعملى حاجه زى دى ادفعى
انتى.....وابقى قابلينى لو نفعت..
انا : طب ياغاده اهدى وفهمينى هو معترض علشان الفلوس ولا علشان خايف
عليك...؟؟؟
غاده : خايف علي؟؟؟؟ هو انا اهمه من اصله ولا حتى بيفكر في ...ده خايف على
فلوسه ....وعلى عياله من هيربيهم
مش اكتر ....بس انا هاخد فلوس من بابا وهاعمل العمليه.. مش عايزة منه حاجه...
انا : لا ياغاده كده غلط ...لازم يوافق حتى لو مش فلوسه... انتى مراته...حاولى معاه
بالراحه وفهميه انك هاتخدى
فلوس من باباكى...وانك كمان هتعملى دايت قبل وبعد العمليه...وهتلعبى رياضه
كمان ...علشان يقتنع انك مش هترجعى كده تانى...
غاده : انا زهقت يامخنوقه وحاسه انى ماعدتش قادرة ابص فى وشه تانى...انا بالنسبه
له امر مفروووغ منه...بالنسبه له ام العيال اللى بتخلف وتربى وتذاكر وتطبخ
وتنظف.....لكن ست لا والف لا.....ده مش بيغير نهائى عليا....
انا : بيتهيألك مش معقوله مافيش راجل مابيغيرش على مراته....هو بس بيثق فيك
وعارف انك ست محترمه....
غاده : انتى بتدافعى عنه كده ليه.... انتى ماتعرفيش حاجه ...انتى مش عايشه
معايا....دى الشقه اللى احنا فيها بابا اللى جايبها لى علشان عايزة ااقعد فى مصر وعمرو
حط فلوسه كلها فى مكتب الدعاية بتاعه.....ومديه كل اهتمامه...وماعرفش عنه حاجه.
انا : غاده حبيبتى كل راجل وليه طبعه....مانا الباشا مروقنى خنقه وعصبيه...بس
باتحمله وربنا بيمشيها بالتفاهم...
حاولى تتفاهمى معاه بهدووووء .... وانا ممكن اجى معاكم عند الدكتور واتكلم مع عمرو
كمان لو عايزة...
غاده : بجد يامخنوقه ؟؟ ربنا يخليكى انا هاحدد معاد مع الدكتوور وهاقولك.......
وفعلا حددت معاد مع الدكتوور ورحت معاها هى وجوزها....والله وقتها حمدت ربنا
قوى على الباشا...فعلا اللى يشوف بلوة غيره تهون عليه بلوته....عمرو مش عصبى
نهائى بس تخصص حرق دم على الهادى..............
واعتقد ان عم دهب _اللى فى مجلة ميكى _ اتعلم البخل من عمرو...يعنى بيناقش
الدكتوور فى تفاصيل الفلووس بالجنيه ........
وبيفاصل معاه كأنه فى سوق الخضار....مع ان الفلوووس كلها دافعها ابو غادة....كل ده
وانا مستنيه يسأله على الاثار الجانبيه للعمليه...او على خطورة العمليه او هاتقعد قد ايه
تعبانه.....مافيش...نهائى...لما انا اتفرست بجد منه....
ولما خلاص وصل مع الدكتور للسعر من الاخر بعد ماعصروا بعض....حددوا معاد
العمليه...ويوم العمليه رحت مع غاده انا وباباها ومامتها...وعمرو وصلنا
ومشى...علشان عنده شغل...تخيلوا...انا اخدت ولادها وروحت وكنت باطمن عليها
بالموبيل ..ومش عايزة ااقول لكم 8 اطفال فى البيت يعنى ايه...
المهم عملت العمليه...وقعدت يومين فى المستشفى...وولادها طبعا عندى...وعمرو
بيطمن عليهم بالموبيل...
ولما خرجت كانت صحيح لسه مليانه ....بس نهائى مش زى الاول خاااالص....والدكتور
كتبلها على نظام غذائى وتمارين تمشى عليها....وبصراحه غادة التزمت جامد وعملت كل
اللى قاله الدكتوور....وفعلا تعبت قوى فى العمليه وبعدها...

هتقولولى ايه المشكله ....وايه الوضع الصعب اللى اتحطيت فيه..؟؟؟

المشكله بد ات بعد العمليه ب 3 شهووور......كانت غادة بقت واحده تانيه

خاااااااالص......

هااحكيلكم عليها بقى البوست الجاى ....وصدقونى مش هاتاخر خلااااص تانى

عليكم...... لأنى قررت انى ابطل اعزل نفسى

وابطل اعيش وحيدة تانى..... ولو اتخنقت جامد هاكتب خنقتى فى البوست

وخلااااص....بدل ماتخنق لوحدى....

مخنوقتكم رجعت تانى .....يارب ماتكونوش نسيتونى...

40 التعليقات:

غير معرف يقول...

فاكرينك يا ستى و بجد كنتى وحشانا
اما بالنسبه للبوست فببساطه شديده ده راجل عارف انه ليس له قيمه و ان مفيش واحده من اللى بيريل عليهم دول هتبص له بقرف حتى فبيحاول يحسس المسكينه دى بالدونيه عشان يحس انه سوبر و بكره تشوفى لما تظبط نفسها ايه اللى هيحصل
متغبيش تانى :)

حسام يقول...

مستنيين البوست التانى
بس الله يكون فى عون صاحبتك دى

ازاى ترضى انها تخلف 5 برده هيا عليها جزء من الغلط

وجوزها ده راجل معندوش دم برده صراحه
رغم انى مش عايز احكم يمكن هيا كرهته فيها بعمايلها برده والواحد ميعرفش

غير معرف يقول...

ناطرين البوست الثاني
واسم الدكتور بعد
P:

Admin يقول...

الرجل الشرقى اغبى رجل ف العالم هذا ما تغلمته عندما تزوجت فتاه ليس مصريه فعلمتنى معنى الحب ومعنى احترام من احب

عبدالله يقول...

:) مرحب بعودتك و مستني البوست

تحياتي

الجواز و سنينه يقول...

حمدلله على السلامه يا قمر و كل سنه و انتى طيبه
وحشتنى بوستاتك و كلماتك و مقدرين المشاغل اللى انتى فيها
بس و الله وحشتينا جداااا
بالنسبه للبوست فلازم تكمل الحكايه علشان نعرف نعلق
رغم انى متخيله ايه المشكله
مستنين البوست التانى ان شاء الله

كيــــــــــــارا يقول...

تصدقي وحشتينا اووي
كل سنة وانتي طيبه

ومستنيه الباقي مش تتاخري

من غير عنـــوان يقول...

واحشاني حكاياتك
كل سنه وإنت طيبه وفي إنتظار الجزء الثاني

الزهرة البرية يقول...

وحشااااااااااانى كتيييييييييير خااااااااااالص كنت منظرة أى خبر جديد عنك بفارغ الصبر حمد الله على سلامتك يا حبيبتى وكل سنة وانتى طيبة وعيد سعيد عليكى

أما بقى بالنسبة للموضوع أنا عايزة أعرف الباقى علشان أقدر أقول حاجة بس من الجزئية دى أقدر أقولك إنها بتعمل اللى عليها فعلا وأتمنى إنها تنجح فى حياتها وتقدر إنها تتخطى الصعاب بإذن الله

بلاش تغيبى بليييز تانى

دمتى بكل الخير والحب والسعادة

Joudy

واحدة مفروسة يقول...

حبيبة قلبي
و انتى طيبة و بخير
انا الحمد لله
بس طبعا اكيد اتفرست عادى
:))))
جاتلى حرارة ليلة العيد
و :(( قعدت فى السرير اول و تاني يوم اجباري لغاية لما تنزل الحرارة
شوفتي بقا
الحاجات اللى تفرس بتجري ورايا بالاميال
تحيايتى ليكي و لعائلتك الكريمة و كل سنة و كل فرد فيها بخير يارب

بنت الغربة يقول...

غير معرف
الحمدلله انكم لسه فاكرنى...وشكرا لانى وحشاكم...مع انك مش موضح غير معرف ولا غير معرفه...
ومعاك حق هو راجل ليس له قيمه..
وصدقينى شاف اللى ماكانش متوقعه نهائى من غاده..
مستنيه متابعتكم وشكرا ليك
تحياتى

بنت الغربة يقول...

حسام
شكرا انك متابعنى ومنورنى فى المدونه
وصدقنى الست دايما بتحاول ترضى جوزها
على امل كلمه حلوة منه..
لكن كل انسان وليه طاقه ...والطاقه دى هيجى يوم وتخلص..وساعتها مش هتفكر فيه اساسا.. وهتفكر فى نفسها بس..
استنى بقية الاحداث وانت تشوف
تحياتى

بنت الغربة يقول...

غير معرف
اوكى وانا كمان ناطره تعليقك
ام بالنسبه لأسم الدكتور ..انا تحت امرك فى اسمه وعنوان المستشفى كمان
بس اتعرف..
تحياتى

بنت الغربة يقول...

Admin
شكرا لمتابتك لى وشرفتنى فى المدونه
وشكرا لصراحتك فى رأيك فى الرجل المصرى..وياريت تحكيلى زوجتك الجميله غيرتك ازاى ..وازاى علمتك احترام من تحب..
تحياتى ليها وليك

بنت الغربة يقول...

عبد الله
شكرا لمتابعتك ونورتنى
وان شاء الله مش هاتأخر تانى
تحياتى

بنت الغربة يقول...

الجواز وسنينه
الله يسلمك ياقمر..وربنا يخليك..والله انا دايما متابعاك..بس ظروفى كانت ملخبطه
وشكرا ياجميل على كلامك الحنون ده..
وان شاء الله هاكملكم البوست التانى على طول ومش هتاخر..
تحياتى ياقمر

بنت الغربة يقول...

كيارا حبيبتى
شكرا ياجميل لمشاعرك..وانت كمان وحشتينى والله..
وان شاء الله مش هاتأخر..
تحياتى

بنت الغربة يقول...

من غير عنوان
حضرتك نورتنى..انا بافرح قوىما بالاقى تعليق حضرتك عندى...
كل سنه وحضرتك طيب..
تحياتى

بنت الغربة يقول...

الزهرة البريه
جودى
شكرا ياجميله بجد انك متابعانى ولو انى شكيت فعلا ان يكون فى حد لسه بيتابعنى..
وان شاء الله هانزل الجزء التانى قريب
وان شاء الله مش هاغيب تانى ماادام لي اصدقاء رائعيين زيكم كده بيسألوا علي..
ربنا يخليك ياجميل
تحياتى

بنت الغربة يقول...

مفرووسه حبيبتى
الف مليووون سلامه عليك ياقمر
ايه الفرسه الجامده دى؟؟ سخونيه يومين فى العيد؟؟
دى عين وحشه قوى .اتحسدت ياجميل
ولايهمك عين الحسود فيها عود..
وحشنى كلامك اللى زى العسل..
ودايما منورانى..
تحياتى

سمكه واحده يقول...

تصدقي بالله دخلت كذا مره ومكنتش بدخل اصلا مدونات اول ما شوفتك منزله بوست جديد فرحت جداااااااااا فينك يابنتي وكل ما اجي اعلق يحصل حاجه واسيب الجهاز واقوم
بجد بجد والله وحشاني الف حمدالله علي سلمتك افتقدتك جداااااااا
وافتقدت كلامك اوي اوي
انا مبسوطه برجوعك
وقريت ومستنيه اللي حصل في بوست جديد ياقمر
ربنا يروق بالك ويسعدك ويصلح حال صحبتك وكل اصحابك يارب
كل سنه وانتي بالف خير وصحه وسعاده في حضن زوجك واولادك وربنا يصلح لك الحال يارب

E73 يقول...

بسم الله الرحمن الرحيم
السلام عليكم ورحمة الله وبركاته

حمد لله على السلامة يا مخنوقة
كل سنة وانتي طيبة
وربنا يخليلك الباشا والأولاد ويهديلكم العاصي

وربنا يصلح حال غادة ويهديلها عمرو
حقيقي بجد أنا مش عارفة أتكلم ومش لاقية كلام مناسب أقوله لأني مش عارفة هي ممكن تقرأ الكلام دا ولا لأ

بس بجد انتي عداكي العيب معاه _عمرو_ لحد كدة قمتي بالواجب معاه على أكمل وجه وربنا يوقفلك ولاد الحلال

لكن فيه ناس مبتقدرش النعمة غير لما تروح من إيديهاوربنا يمهل ولا يهمل كله سلف ودين فعلا مش مجرد كلمة بيقولوها في الأفلام

E73 يقول...

نسيت أقولك مننتظرة البوست الجديد

فشكووول يقول...

السلام عليكم
عيد سعيد وكل عام وانتم بخير
بصراحه كنا قربنا ننساك ولو ان فشكول كمان بطل يكتب كتير فالناس كمان قربت تنسى فشكول يعنى الحال من بعضه
احنا قرينا الموضوع بينك وبين صاحبتك .. وطول عمرك وانت بتساعدى الستات فى عمايل عمليات التجميل من ايام بيبا
وبعدين انا عمال اقرأ عشان اشوف ايه المشكله وانت اديتينا مقلب واجلتيه للبوست الجاى ..
امرى لله حاستنى عشان اعرف ايه الحكايه
وبعدين حنقول كلام فى فكرة السيدات عن الرجاله وفكرة الرجاله عن السيدات من وجهة نظر رجل وايه المشكله اللى بينهم
سلام عليكم

شمس النهار يقول...

ازيك يارب تكوني بخير وصحه وسعاده

وازاي ماعندكيش اصحاب في مصر اومال احنا بنعمل ايه

شاوري انتي بس

كل سنه وانتي طيبه

وبالنسبه للبوست
هرجع له تااااني علشان انتي بتتكلمي في حته جاااااااااامده

ليه عوده بعد اذنك


تحياتي

حنعيش يعنى حنعيش يقول...

السلاموا عليكوا .. انا بصراحة كنت جاى ارد الزيارة وامشى ... بس شكلى كدة حبات عندكوا...انا رأى ان صاحبتك كانت عايزة عمليه تجميل فى افكارها مش فى جسمها ... عموما ادعوكى لكى تقرأى موضوعين كاتبهم واحد اسمه معنى الحب ايه والتانى اسمه الفرق بين الرجل والمرأة والبانر بتاعهم على الجنب فى المدونه ...
على فكرة تصميم مدونتك حلو قوى
علىفكرة تانى بسرعة الجزء التانى وبلاش اسلوب التشويق وشغل الاعلانات دة

كيــــــــــــارا يقول...

شفتى انك اتاخرتى

noora يقول...

والله الخنقه هذي في كل بيت بس انتي عديها
وهي الدنيا كذا يوم ابيض ويوم كحلي و10 سودا ^_^
انا مخنووووووووووووووووووووووقه
وهطفش من البيت قريبا

شمس النهار يقول...

بعيب جدا علي الست المصريه انها اول ماتتجوز تسيب نفسها من كل حاجه

مش بس من ناحية اهتمامها بمظهرها

لا حتي بعقلها
تفضل شويه شويه تتحول الي شجرة جميز غير مثمرة في وسط الصحراء

وبعد كده تبتدي تعيط وتصوت وتقول لرجاله وحشه

ايوه في رجاله وحشه مش هقول لا ولو متزوج ملكة جمال

لكن في رجاله مظلومه مع ستات وهبت نفسها للغباء الزوجي

ياريت كل ست تحاول ماتنساش نفسها
ولاانها ست مش شغالع
وانها زهرة

اما موضوع خيانته ده نتكلم فيه لما تكملي باقي القصه

تحياتي

بنت الغربة يقول...

سمكه واحده
حبيبتى نورتينى والله
الله يسلمك ياقمر وان شاء الله مش هتأخر تانى بأذن الله...
ويقالك مدة مختفيه انتى كمان ليه ياقمر..
بلاش كسل واعملى زى وابدأى ارجعى اكتبى تانى واوعى تنسى تزورينى
تحياتى ياجميله

بنت الغربة يقول...

E73
الله يسلمك ياحبيبتى وشكرا لأنك لسه متابعانى ومنورانى...
وانا معاك ان غادة عامله اللى عليها بس هى للأسف نسيت تعمل لنفسها...
وربنا يهدى العاصى..
ربنا يخليك على كلامك الحلو ده ...
واستنى زيارتى بأذن الله
تحياتى

بنت الغربة يقول...

عزيزى الاستاذ فشكوول
انا ماقدرش انسى حضرتك ابدا ولا اى مدونه من المدونات اللى باتابعها
واللى بعدنى عنكم الشديد القوى والله
لكن كنت دايما بافتح مدوناتكم واقرا فيها..بس للأسف ماكنتش باعلق
عموما الاسبوع الجاى باذن الله هاكتب البوست التانى ومستنيه تعليق حضرتك..
منورنى دايما
تحياتى

بنت الغربة يقول...

شمس النهار
حبيبتى تعليقين اجمل من بعض..
شكرا ياقمر لمتابعتك لي وانا فعلا كنت غلطانه فى بعدى عنكم ... الدنيا بتبقى خنيقه اكتر من غير اصحاب..
بالنسبه لكلامك عن غادة ..انتى معاك حق...الست لو ماحبتش نفسها واهتمت بيها...ماتتوقعش ان حد تانى هيحبها
لازم تدى نفسها ولو ساعة فى اليوم اهتمام وتبقى الساعة دى ملكها...
هتفرق معاها كتيير قوى..والحياة ابدا مش تربية اولاد ومطبخ وتنظيف بيت
واكل وبس....
لازم تحس انها ست..كمان مع كل ده..
بس احيانا الواحد بيفوق متأخر..
عموما تابعى البوست الجاى وانتى تعرفى...
تحياتى ياقمر يامنورانى

بنت الغربة يقول...

حنعيش يعنى حنعيش
شكرا ياعم على الزيارة الجميله دى
وشكلى انا اللى هاجيب المخدة واللحاف وهابات عندك فى مدونتك الجميله دى..دى عايزة ايام علشان ااقعد ااقراا كل البوستات الرائعة دى...انا قريت كذا موضوع لبعبعة بس مواضيع حديثه...
وقريت كمان الفرق بين الرجل والمراه عندك بس جزء واحد...
وهاتسلى بقى فى بقية الاجزاء كل يوم
كلامك جميل جدا..ياريت كل الرجاله يقرووه ويقتنعوا بيه..
وان شاء الله هاكملك بقية الحكاية قريب
وشكرا قوى للمتابعه وللأستفاده من كتاباتك...
تحياتى

بنت الغربة يقول...

كيارا
حبيبتى معلش تاخيرى علشان توضيب الاولاد للمدارس كل سنه ووانت طيبه
بس ان شاء الله الاسبوع ده هينزل البوست بأذن الله...
ربنا يخليك ياقمورة..
تحياتى

بنت الغربة يقول...

noora
شكرا حبيبتى بتشريفك لي فى اول زيارة
ومعلش علشانك انتى كمااان..
ايه يابنتى مخنوووووووووووووووووقه
قوى كده ليه احكى وفضفضى...
وبلاش تطفشى من البيت ..كلنا فى الهم سواااا....
وزى ماقلتى هى الدنيا ماشيه كده...
يوم حلو ...وايااااام مرررررررة كتييير..
والحمد لله على كل حااال
تحياتى

غير معرف يقول...

اجمل حاجة انك رجعتى تكتبى وبعدين نعرف حل المشكلة.

Zo0oZ يقول...

بقى بعد ما اقرا كل الكلام اللي حصل يطلع الباقي في البوست الجاي و البوست الجاي ده فات عليه اكتر من شهر و لسه ما اجاااااااااااش !!
:( :(

أول مره اشوف مدونتك .. افكارك ظرريفه .. ربنا يخفف عنك خنقتك
;)

عمرو يسرى يقول...

ربنا يكون فى عون صاحبتك

Uouo Uo يقول...



thx

شركه تنظيف