اولا وقبل اى كلام ..وحشتووونى قوى قوى ....وطبعا عرفتم ظرووفى اللى بعدتنى عنكم المدة دى كلها ....
والحمد لله احتلال التتار خلص ..واعلنا الاستقلال ....
النهارده عيد جوازى ال12 ....فعلا السنين بتمر بسرعه غريبه....ومن غير مانحس...
سنين قضيتها معاه...كان فيها الحلو و....اللى مش حلو برضه....
واحياانا كتيييير بتخنق منه .....لكن مانكرش انى لسه باحبه.......
مع اننا عكس بعض فى حاجات كتيرة قوى ..وتربيتنا مختلفه تماما ....وجايين من عالمين مختلفين....لكن سبحان الله ..
حبينا بعض واتجوزززززنا....وخلفنا 3 عيااال مطلعين عينى ....والحمد لله ...
النهارده هاخنقكم وهاحكيلكم حكاية معرفتى بالباشا....ودى من حوالى 15 سنه تقريبا...
والحكايه فيها رغى شويه ..فاللى عنده حاجه يعملها ومستعجل ...يقوم ومايخنقش امى ...
المهم ....نرغى ..
من حوالى 15 سنه كده كنت لسه مخلصه ثانويه عامه فى السعوديه....اللى اتولدت اصلا فيها ..واتربيت فيها
طووول عمرى....هى صحيح بلد منغلقه شويتين تلاته كده ....بس انا كنت فى مدينة الخبر..ودى بلد حلوة قوى
على الخليج العربى .....وكان لي اصحاااب كتيير قوى فيها وكنت مبسووطه...
المهم خلصت ورحت مصر وقعدت عند بيت تيتا (ام ماما )..وكانت اختى الكبيرة هناك ..سابقانى بسنتين...
وماما وبابا (الله يرحمه) فضلوا قاعدين فى السعوديه علشان شغلهم..وعلشان بقية اخواتى فى مدارس لسه..
المهم بيت تيتا انا باحبه قوى علشان اخواات ماما (كلهم ظباط )..كانوا بيفسحونى انا واختى كتيير قوى..
واكتر واحد كنت باحبه هواصغر واحد ( خالو مودى )...
لانه كان اكبر منى ب 9 سنين بس..وكان ظريييف قوى ودايما يهزر معايا انا واختى وكان دايما زى اخويا
الكبيير بالظبط....
واول يوم رحت فيه الكليه رااح معايا وفضل مستنينى لغاية ماخلصت...وبعد كده بقيت اروح فى اتوبيس الجامعه ..
لان اختكم ساعتها كانت خايبه ومابتعرفش تسوق....
وبعد حوالى 3 شهوور كده فى الكليه لقيت واحده معايا فى السكشن بتاخدنى على جنب وبتسألنى....
: مين يامخنوقه الواد المزة اللى بيجيلك الكليه ده..؟؟؟ الواد بتاعك ..؟؟؟؟
انا : ايه ..؟؟؟؟ ايه قلة الادب دى ....ده خالو موودى...
: هههههه انتى هتضحكى علينا ولا ايه ...؟؟؟ بقى الظابط الامووور ده ابو عيون خضراا يبقى خاالك..؟؟؟؟
انا : مين الامووور ده ..؟؟؟ خالو مودى امووور..؟؟؟؟..جايز ..انت عايزة ايه بالظبط..؟؟؟
: عايزة اتعرف عليه ...قوليله ..وشوفى هيقولك ايه .....
انا : حاضر هاقوله ....علشان تصدقى انه خااالى ..والله خاااالى ...
وزى الهبله رحت قلتله ...وده ماصدق...اصل الكليه عندنا تقريبا ..كل البنات اللى فيها حلوين ومدلعين على
الاخر....ده غير ان اللبس ...اخر روقااان ماقولكوووش....فى الزمالك بقه...
وتانى يوم لقيته عندى فى الكليه ...وعرفتهم على بعض....طبعا عارفه ان كده غلط..بس كنت صغيرة وهبله..
وقلت جايز يتجوزها ...ماهو فعلا كان ظبوووط صغنن وعنده 26 سنه....
وخالى بقى يجي الكليه عندى كتييير ...واحيانا من غير ماعرف علشان يقابل الاخت الامورة اياها ...
وفي يوم جه الكليه وجاب معاه الباشا....لانهم كانوا اصحاااب....
وكان خالو مودى راجع من الشغل وعدى علي بالعربيه ودخل هو والباشا علشان يكلم صاحبته...
ودخل الباشا معاه ...وعرفنى عليه ......
وانا بصراحه ....اول ماشفت الباشا تنحنا لبعض شويه ...ليه مش عارفه ..
بس قلت فى سري اكيد ده زى خالو مودى ..جاي يتفرج على بنات الكليه ..وجايز عايز يعلق واحده..
فسلمت عليه و سيبته ومشيت... وخالو مودى سابنى وراح يكلم صاحبته..
لقيت الباشا جه ورايا وكلمنى...
الباشا : هو مافيش كوفى عندكم فى الكليه ولا ايه؟؟؟
انا : لا فيه فى الكافتيريا هناك ....
الباشا : انتى الكوفى بتاعك ايه ...؟؟؟؟بلاك ولا بحليب..؟؟؟
انا : ميرسي مش عايزة ( بمتهى الرخااامه )..
الباشا : طيب تحبى تشربى ايه ؟؟؟
انا : مش عايزة حاجه ..انا هاستنى خالو مودى لما يخلص كلام وهارووح...
الباشا : تعرفي انا اول مرة شفتك مع مودي افتكرتكم مرتبطين ....وماكنتش اعرف انك بنت اخته...
انا : يعنى ايه مرتبطين ...؟؟؟؟ وبعدين انا اول مرة اشوفك ..انا اول مرة اشوف حد من اصحاب خالو مودى
انت ظابط زيه ؟؟؟؟
الباشا : لا..احنا اصحاب من النادى ...انتى مابتروحيش النادى خاالص مش كده ...انا اعرف مودى من سنتين
وعمري ماشفتك معاه فى النادى...
انا : انا مش باحب ارووح هناك ..وبعدين ماكنتش فى مصر اصلا...
المهم قعدنا نتكلم كلام عادى خااالص...وحسيت انه بيكلمنى باحترام قوى ومش بيحاول يعاكس اساسا..والمواضيع
جابت بعضها ..لغاية لما جه خالو مودى وروحنا ...
وبعد كده قعدت اسأل خالو مودى عليه ..وخالو دايما بيبعد عن المووضوع...ودايما مسميه الباشا ...
وفي يوم كده وانا فى الكليه لقيت الباشا فى وشى...
اتخضيت جدا لما لقيته وكلامى بقى ملخبط....
انا : اهلا ..امال فين خالو مودى...؟؟؟؟
الباشا :انا جاي لوحدى ...ممكن اتكلم معاكى شويه...؟؟؟ لو فاضيه ..؟؟؟
انا : خير فيه حاجه ...؟؟؟
الباشا : انتى قلقانه كده ليه؟ انا عايز اتكلم معاكى بس...ممكن نشرب كوفى مع بعض..؟؟؟
وبرضه قعدنا فى الكافتيريا واتكلمنا كتيير قوى ....وعرفت عنه كل حاجه تقريبا....وعن عيلته ..
كان عالم تانى بالنسبه لي...تربيه مختلفه تماما عنى ..وتعليم مختلف ....
مانكرش انى ماكنتش عايزة ااقوم اروح ....وكنت فرحاانه جدا بالكلام معاه....
بس انا كنت متضايقه من الوضع نفسه....انا عمرى ماتكلمت مع حد ماعرفووش...
وماكنتش كلمة الارتباط دى فى قاموسى اصلا...
وكلمته بمنتهى الصراااحه .....
انا : انت عايز منى ايه بالظبط ...؟؟؟..........
وكفايه عليكم كده ....اكملكم المرة الجايه علشان انا زهقت من الرغى ....
وكل سنه وانا طيبه ....
سلاااااااااااااااااااااااااااامووووووووووووووووزززززززززززز
مخنوقتكم بتسلم عليكم واحد واحد ....وفضيت لكم خلااااص...
وهارد عليكم كلكم ...
96 التعليقات:
شكلك رايقة النهاردة ومش مخنوقة يا مخنوقة
يارب يديم عليك الذكريات السعيدة
اكيد عرفتى دلوقتة انتوا تنحتوا
لية اول ما شفتوا بعض مستنياكى تكملى
كل 12 سنة وانتى سعيدة
وحياتك كلها حب
ربنا يخليلك اولادك وزوجك ويباركلكم فى حياتكم
مش تنسى تجاوبى على التاج
تقبلى مرورى
ازيك يامخنوقه
عامله ايه
واحشاني
كل سنه وانتي بخير يارب وسعاده
ويهديه ليكي ويهديكي ليه
إلا قوليلي
انتي الباشا يعرف انك عامله مدونه؟؟؟
ولو اجابتك لا
معملتيش حسابك انه في يوم هيشوفها وممكن يكتشفها ومفكرتيش هيعمل معاكي ايه ؟؟
كل سنة وانتي وجوزك طيبين يارب
ربنا يديم عليكي السعادة وراحة البال
قولي اميــــــن
"امين"
ههههههههه
وسلامي للياشا الكبير والبهوات الغيرين طبعا
وبعدين كتير ايه انتو لسه في شهر العسل يا مخنوقة
ربنا يديكم طولة العمر
وكل عيد جواز وانتي طيبة
سلام
ربنا يخليهولك يا مخنوقة ويهديهولك يا عثل
وبعدين 12 سنة يعنى لسة صحيح فى شهر العسل على رأيهم
هههههههههههههههههههه
يللا مستنيين بقية حكاية التعارف
كل عيد جواز و انتى طيبه
بالفرنساوى
بون انيفارسار (تقريبا حكم انا سايبه الفرنساوى من زمان )
و عارفه انك بتحبى الفرنساوى اوى
هههههههههههههههههههه
المهم حلوه اوى الحكايه اللى حكيتيها رغم ان الفضول يقتلنى علشان اعرف الباقى
( وش شرير )
عارفه خالك ده فكرنى بأخويا بالظبط
اصله بنفس المواصفات تقريبا
مره و هو لسه فى الكليه رحت اجيبه انا و واحده صحبتى بالعربيه
و مش كنت لاقياه و لقيت لمه بنات كده على ولد
قلتلها اكيد ده اخويا و فعلا كان هو
لغايه دلوقت بزله بالحكايه دى و لما يلاقى بنت الحلال ان شاء الله هاقولها طبعا
( وش شرير اوى )
ههههههههههههه
انا كمان رغيت اهه
زوجة مخنوقة
كل عيد جواز وانتم طيبين
وعقبال اليوبيل الفضى مع الابناء والذهبى مع الابناء والاحفاد
والماسى كمان مع احفاد الاولاد
بتوحشينا جدا
وفى انتظار باقى حلقات مسلسل الحب الكبير
سيدي يا سيدي على الحب من اول نظره
كل سنه وانتي طيبه يا ست الكل
ويارب يسعد ويحلي ايامكم دايما
كل عام وانتى بخير
وان شالله يارب نشوفكم تيتا وجدهوحواليكم حبايبكم
بس بجد شوقتينى لسماع القصه الجميله دى
ماشاء الله لاقوة الا بالله
كل سنه وانتوا طيبين وبخير وبتحبوا بعض واسعد اتنين ف الدنيا
وحشتينا اوي يا مخنوقه والله
ومبروك عليكي الاستقلال ياستي
لولولولولولولولولولوىىى
الزغروطه دي 2×1
ههههههه
حكايه شكلها شيق
انا مستنيه ياقمره
اوعي تقطعي بينا وتتأخري
كل سنة وانت فى حب وسعادة وراحة بال ومش مخنوقة أبدا أبدا يارب تكون الامتحانات خلصت على خير بجد كنت منتظرة أسمع حكاية اتعرفتوا ازاى وكنت هطلب منك انك تحكيها بس أهى جات منك وانت حكيتيها متشوقه انى أعرف الباقى على أحر من الجمر....
تقبلى تحياتى
كل سنة وانتى طيبة يا مخنوقة وعقبال عيد الجواز ال 100
ربنا يهديكو لبعض يا رب
ومش تتأخرى علينا في باقي الحكاية اصلى فضولية مووووووووت ههههههههههه
ووحشتينا جدا في فترة غيابك
كل سنة وانتى طيبه انتى وجوزك بخير
ربنا يخليكم لبعض
_____________
احذفى رد الحيوان الغير معرف ده مش عارف هو كافر ولا ايه اعوذ با الله
كل سنه وانتم طيبين
عجبتني كلمة لسه بتحبيه دي اوي
اللي انا مش فهماه ليه مااستمرتوش في النقاش عندي
ماانتي تجربه حيه اهو ان الحب بيستمر بعد الزواج
ياجماعه النقاش ده مهم عشان نستفيد من تجارب بعض ونقف في وجه ان الزواج بيقتل الحب
وان انجح الزيجات اللي من غير حب وتعميم النظريات دي
مستنياكي واديكي فضيتي اهو عشان تعسكري عندي في المدونه وتفيدي الاخرين من تجربتك
ايه ده بقي.؟؟
انا مش بحب حد يقف في نص الطريق
كنت مندمجه مع الاحداث وفجأه وقفت
اتخنقت اكتر مانا
حرام عليكوا
بتعملوا فيا كده ليه
انا مخصماكوا كلكوا كلكوا
في تعليق فوق ياريت تدخلي تمسحيه
الزباله في الاماكن النضيفه كترت اوي
ربنا يجحمه
جاتك القرف بني ادم واطي
فعلا
كل يوم بنتأكد اكتر ان الموضوع نصيب مش اكتر
يارب كدا عقبال مانحتفل بعيد جوازكم ال25
سلام
ياستي امسحي تعليق الكلب الغير معرف الله يكرمك
كل سنه وانتم طيبين يارب وربنا يؤدم ذات بينكما على طول الزمان وتفرحوا بالولاد
كملي كملي انا كتب كتابي كان يوم 22 من نفس الشهر وناوية اعمله احتفالية
آآآآآآآآآآآمال
كان يوم حبك صدفة
واضح كدة أن ست مخنوقة مبسوطة النهاردة
يارب كـــــــــــــــــدة على طوووووووووووول
وعقبال عيد الجواز الــــــــــــــ 100 أنشاء الله
وربنا يخليكو لبعض وعقبالى أنا كماااااااااان
وسلامى لخالو مووووودى برضو مش هننساه
رجاء تمسحى تعليق الحيوان "غير معروف" مع الإعتذار لجميع الحيوانات طبعاً
تحيـــــــــــاتى و مــــاتقطعيش البوستات :)
كل سنه وانتى طيبه يامخنوقه ههههه بس قاعده وسايبه الباشا فى يوم زى ده قومى يابت ظبطى نفسك كده وربنا يحفظكوووووووووا
ايه ده بقى ؟
انتى مش قلتى اللى وراه حاجه يقوم
بعد مافضيت نفسى علشان اقرا الاقيكى بتوقفينى فى نص الطريق كده؟
وتقولى فاصل ونواصل
وانتى الفاصل بتاعك بيغيب قوى يامخنوقه
منتظره الباقى
كل لحظه وانتى بخير ياقمر
ارجوكي امسحي كلام الكافر اللغين الله يلعنه ويمسخه امين
انا مش عارفة ايه القذارة ديه
اعوذ بالله
يا مخنوقة امسحى تعليق الغير معروف دة واعملى فينا معروف علشان محدش كتير يقرا الهبل والجنان اللى هو كاتبة
ازيك ياجميل
بجد وحشتينا واظاهر ان الجماعه بتوع الفرنساوى مشيوا هههههه
كل سنه وانتى طيبه وعقبال الميه فى خير وسعاده وتفرحوا بولادكو بكل خير وتوفيق
مستنيين نعرف الباقى
اما الحقير الكافر الغير معرف ده امسحى ارجوكى الكلام بجد ربنا ينتقم منه ويشل ايديه على الى كاتبه حرق دمى استغفر الله العظيم
ربنا ينتقم منك شر انتقام
كل سنة وانتم طيبين
ومنتظرة الباقى
^_^
تحياتى
احساس طفله محبه للرومانسيه
اه ياحبيبتى انا رايقه الحمد لله المرة دى ..
ومعلش اذا كنت اتاخرتى على التاج ياقمر ..بس اكيد هارد عليه ...ان شاء الله ..
وربنا يخليكى ياحبيبتى
تحياتى ياقمر
حواااء حبيبتى
ازيك وازى البيبى دلوقتى
واخبار الامتحانات ايه ..؟؟؟؟
وانت طيبه ياقمر
اما بالنسبه لسؤالك ..
ايوة للأسف الباشا مايعرفش انى عامله مدونه ياحواء...
وماعرفش هايعمل ايه لما يعرف..
جايز هالغيها ..وجايز يعمل هو مدونه يرد علي بيها ..
بس على فكرة كل الكلام اللى باقوله على اهله ده ..باقولهوله فى وشه ..بصراااحه وبنفس الطريقه اللى باحكيها ..انهم خنيقيييين جدا ...
والتتار ..وكل حاجه ..
بس موضوع بطارية العربيه ده مايعرفوووش ..بس دى عربيتى اللى جايباها من فلوووسى ...
يعنى ماتخصهوووش فى حاجه ...
وربنا يهدينى ويهديه..
تحياتى ياجميييل
ورده حبيبتى
قد ايه انتى رقيقه قوى
شكرا ليك ياقمر وربنا يخليكى ليا ...
وشهر العسل ده خلص من زمااااان قوى ياورده..
تحياتى ياقمر
MaNoOoSh حبيبتى
ربنا يخليك ياجميييل ..والله بتحرجووونى ..شهر العسل خلص من زمااان قوى ياجماعه ..
هاكملك الحكايه قريب ياقمر
تحياتى ليك
الجواز وسنينه
يعنى اعمل فيكى ايه ...؟؟؟
انا مش عايزة حد يجيبلى سيرة الفرنساوى ده ابدا ..كفايه المعجم اللغوى الفرنسى اللى كنت عايشه فيه ال20 يوووم اللى فاتواا..
وشكرا برضه ياقمر وكل سنه وانت كمان طيبه..
وخلى بالك من اخوكى احسن النوع ده مابيبطلش شقاااوة حتى لما يتجوووز..
تحياتى ياقمر
القدر وانا ..
الله يكرمك ياحبيبتى..
وشكرا ياجمييل ..بس ربنا يدينا طولت العمر لليوبيل الفضى والدهبى دووول ...
دمتى ياقمر وتحياتى ليكى
لماضه ياحبيبتى
انتى فين ياقمر من زمااان ..؟؟؟
مختفيه عننا ليه ؟؟؟وحشتينى قوى قوى ..
وربنا يخليك ياقمر ..وعقبالك ياجمييل من غير خنقه..
تحياتى ياعسل
امممممووووااااا..بوسه كبيرة
الفرااغ
اهلا اهلا ..شرفتينى بزيارتك الجميله وان شاء الله هاردهالك بأذن الله..
وشكرا على التهنئه ..وربنا يبارك فيك
تحياتى ياست الكل
MonY EL_SHeef
الله يبارك فيكى ياجمييل
وشكرا على الزغروووطه ال2×1
واستنى بقية الحكايه وان شاء الله مش هاتاخر عليكم
تحياتى ياقمر
(JOUDY)
شكرا لتشريفك وزيارتك لي ياجودى..وان شاء الله هاردهالك بأذن الله..
وياستى ماتبقيش متشوقه ولا حاجه..ادينى باحكيلك حكايتى الخنيقه اهو..
تحياتى ليك ياجمييل
REEM
وانتى كمان وحشتينى ياجمييل..
وان شاء الله مش هاتاخر عليكم فى بقيه الحكايه ...وانتى طيبه كمان..
وانت مش فضوليه ولا حاجه ياقمر..انتى عسل
تحياتى ليك ياجميل
غير معرف
انا حذفت تعليقك الغير مهذب اللى انت تعبت نفسك علشان تكتبه وتاخد بيه ذنووووب كتيرة قوى..
وبيهيألى انك جيت هنا غلط ..المدونه هنا للمحترمييين فقط...
وانا مش من النووع اللى بيتضايق ويزعل وبيتعصب من واحد قليل الادب...
لانه اكيد يامريض نفسى او ببساطه مش متربي....
وانت اتهزأت بما فيه الكفايه من المونين المحترميين اللى علقوا عندى هنا ..وده كفايه عليك قوى..
ده بالاضافه الى الذنوووب اللى انت اخدتها من كل واحد قرى تعليقك ..
وتعيش وتشيييل ذنوووب....
بجد بجد الباشا شكلو كان ايه بتاع بنات
وبيعرف يعلق اهو
عموما مستنيا تكملى الباقى
يا لهوي على الرخامة زي المسلسلات العربي بتقفل في احسن حتة يووووووووووه
عموما بقا كل سنة وانتي طيبة ومش هستنى الباقي لاني عرفه
وش مطلع لسانه وعامل على ايده كوبة
السلام عليكم.......
ازيك يا مخنوقة .......كل عيد جواز وانتى طيبة والباشا طيب ......حرام عليكى والله لسه حستنى المرة الجاية علشان تكملى الحكاية انا كنت اندمجت معاكى فى القصة ههههههههه بس يلا حستنى وامرى لله ......دومتى بخير .
ايه ده ؟؟؟؟؟؟؟؟؟؟؟؟؟
عااااااااااا
فين الباقي
انا عاوزه الباقي
انتى بتعلقينا ولا ايه؟
ربنا يسعدكوا وكل سنه وانتوا بخير ومع بعض يارب وعقبال السنه المليون
ايه التعليق ده بقى
على العموم كل سنة وانتى طيبة وعقبال 100 سنة جواز يا رب
وتشوفى كل اولادك عرايس وعرسان وتفرحى بيهم يا رب
مستنين باقى الحكاية
سلام
طب ليه كدة !! ليه ما كملتيش بقية الحكاية ؟؟ عموما الراجل شكله ابن ناس والقصة بتاعتكوا عجبنى منها الفصل الاول وفى انتظار التانى بس بسرعة حبتين اصل مش هاكدب عليكى كنت متخيل القصص اللى زى بتاعتك دى خيال مؤلفين فكويس انى لقيت منها حاجة حقيقية .
ما شاء الله ..
12سنة بجد شئ جميل ..
ده انا قاعدة عمالة اعد الايام مستنية لما نكمل سنة ههههه..
بس قوليلى ما عملتيش تورتية وورد فى كل حتة وشموع وحبشتكانات كده ؟؟
مستنية باقية القصة بفارغ الصبر ..
بحب الجوزات اللى فيها قصة اكتر من جواز الصالونات زى قثتى كده ( وش مكزوف ) ..
بس سؤال صحيح هو خالك اجوز البنت ولا لأ ؟؟
يووووووووووووووووووووة
بعد اما عشت القصة وتخيليتك انتى والباش تقوولى احكلكم المرة الجاية
حرام عليكى
امبارح كان عمرى عشرين
الله يبارك فيك ياسيدى وشكرا على التهنئه..وانا مسحت تعليق الحيواان ده ..وشكرا مرة تانيه
تحياتى
شمس النهار
حبيبتى الله يكرمك يارب..وانت طيبه ياجمييل..وانا مانكرش انى رغم خنقتى منه ..برضه باحبه..
ومش كل جواااز بيقتل الحب....
ومش شرط الجواز عن حب يدوووم او من غيره يدوووم..المهم يكون الطرفين عايزين الجوااز يدوووم...
انا شفت فى حياتى واصحابى كتيير حالات مختلفه منها الجوااز بحب ومن غيره..ولقيت ان مافيش حاله ثابته فى الموضوع ده..فيه عن حب وانفصلوا بطريقه سيئه ...وفى برضه جواز تقليدى وانفصلوا ....وفيه اللى مصر يكمل حياته مع شريكه مهما حصل بينهم..اللى بيحكم العلاقه دى هما الطرفين نفسهم مش اى حاجه تانيه..
وهاجى اتكلم عندك ياجمييل ..انتى تأمرى ياعسل
عاشقه وغلبانه ياحبيبتى
اوعى تخاصمينى ياجمييل ...لالالا انا ازعل قوى...
ان شاء الله هاكملك قريب ياحبيبتى ..
وبعدين مانتى عارفه نهاية الفيلم ياقمر..
ههههههههههه
وانا مسحت تعليق المعفن اياه ..ماتزعليش
اممممممووووووااااا بوسه كبيرة
blue-wave
فعلا يادكتور عمرو الجواز قسمه ونصيب من ربنا ..
شكرا لتهنئتك وعقبال مانفرح بيك يارب..
تحياتى
ستيته حبيبتى
كل سنه وانت طيبه انتى كمان ياقمر ...
وان شاء الله هاكمل الحكايه اول ماخلص رد على التعليقات ..
وفعلا كان يوم حبك اجمل صدفه..
بس ياريتهم فضلوا حلوين وحنينين كده بعد الجواااز ..لكن ياؤختى خلااااص بعد ماعرف انك بتاعته ...ماتلقيش حنيه غير فى المناسبات بس..
تحياتى ياجمييل
Kholios
وانت طيب ياسيدى وانا الحمد لله مش مخنووقه اليومين دوول ..وعقبالك يارب وتتخنق..قصدى تتجوووز زى ..
وهاسلملك على خالو مودى حاضر انت تأمر..
ومسحت تعليق الحيوان اياه ..مع الاعتذار برضه للحيوانات وشكرا كمان مرة..تحياتى
نونى
اهلا بيك ياجمييل وادخلى انضمى للزوجااات المخنوقات..انا بافكر اعمل نادى لكل الزوجااات المخنوقااات ...ونعمل مسلسل زى بتووع الDesperet Hous Wives
هههههههههههههههههه
وماتقلقيش باقمر انه يومها ماعملتش غدااا ووضبت نفسى ورحت الكوافير ..
ونيمت العيال بدرى واتعشينا وسهرنا بره..
اهلا بزيارتك ياقمر..ومستنياكى
عاشقه الرومانسيه
ماتزعليش ياقمر..انا مش هاطوول المرة دى ان شاء الله ..وان شاء الله الفاصل مش هيطووول ..
وانت طيبه ياقمر
منوووووش حبيبتى
انا مسحت التعليق والله
ماتزعليش ياقمر..
وربنا يخليكم لي..واخدين حقي دايما
تحياتى ياقمر
الله يعنى فى تورتة وكدا بقى وعصير وللا ايه؟؟؟
كل سنة وانتى طيبة يا مخنوقة وهاجبانى براءتك اوى وانت صغنونة ومستنية باقى الحكاية بتاعتكم
ربنا يفرحكم ويكتب لكم السعادة على طول
كل سنه وانتى طيبه يا جميل
وربنا يجعل ايامك كلها حلو يارب
وبعدين ايه ده بتعلقينا
طب يلا اتفضلي
بسرعه اكتبي الباقي
والله الزكريات الحلوة احسن من حكايات التوترات
ربنا يهدي ويصلح الاحوال ان شاء الله
تحياتي
بقى كده
يعنى بعد ما الحكاية تحلو تقطعى الكلام كده
فاصل اعلانى ده ولا ايه ؟؟
قولى عدنا بقى
هههههههههههههههه
مستنينك يا قمر
حمدا لله على سلامتك
نورتى مدونتك
سالى
شوفى الزعل عمل فيا ايه ؟؟؟؟
نسيت اقولك كل سنة وانتى طيبة
ويارب يارب يخليكوا لبعض ويبعد عنكم كل سوء ويباركلكوا فى اولادكوا يارب
عقبال 100 سنة بالهنا والخير والسعادة
كل سنه وانتى طيبه يا مخنوقه
وكملى الحكايه بأه
الشمووع البيضاء
وانت طيبه ياحبيبتى
اه الحمد لله المجمع اللغوى الفرنسى اللى كان عندى مشى والحمد لله..
وانا مسحت الحيوان اللى كتب التعليق
شكرا ياقمر
رؤيه
وانت طيبه ياقمر
وان شاء الله هاكمل الباقى بكره بأذن الله
وشكرا لمرورك
تحياتى
البت المشمشيه
ايوة ياستى الباشا طوول عمره عفريت ياختى وبيعرف ياخد اللى هو عايزة
وهاكمل الباقى بكره
تحياتى ياقمر
عمرو باشا تعلب
انا مش بحب المسلاسلات العربى بتاتا
وبكره هتكمل الحدوته ياعم تعلب
وبلاش تطليع لسان وبلاش كوبه..
وانت طيب ياسيدى
shemo
حبيبتى وانت طيبه ياقمر ..
ومعلش استنى الحلقه الجايه بكره بأذن الله
تحياتى ياقمر
غروووب
حبيبتى بلاش العاااااااااااااااا
دى..انا هاكمل بكره ان شاء الله
وانتى طيبه ياجميل
تحياتى ياعسل
ميوووشه ياحبيبتى
انا ماقدرش اعلقك ياقمر ..بكره الفصل التانى ان شاء الله
وعقبالك انتى ياقمر
وانتى بخير ياحبيبتى
امممموووواااااا كبيرة ليكى
هانى زينهم
هاكمل بقية الحكايه بكره ان شاء الله
وصدقنى حكايتى بسيطه قوى ومش خيال مؤلفين ولا حاجه..
شكرا لمرورك
تحياتى
لجين ابو الدهب
ياحبيبتى بتقعدى تعدى الايام ليه؟؟
الايام هتمر لوحدها من غير ماتحسى..
ربنا يخليكوا لبعض ياجميل..
وصدقينى حكايتى بسيطه قوى بس استنى لما اكملها...
وعلى فكرة خالى ماتجوزش البنت دى ولاحاجه....ربنا يسامحه بقى كان بيتسلى وخلاص..
تحياتى ياقمر
بنوووته مصريه
ماتزعليش ياعسوووووله بكره هاكملها واندمجى تانى ياقمر ولا تزعلى
امممممووووووااااا كبيرة قوى ليك ياجميل
باربى ياحبيبتى
لا ياجميل التورته كلناها وانا مش بحب العصير خااالص
بس ليكى على فى عيد ميلادى اجيب تورتايه كبيرة قوى
وبرائتى دى ماستمرتش كتيير بعد كده من اللى شفته من الناس.. الواحد ياما بيشوف فى حياته خصوصا فى الغربه
تحياتى ياقمر
صبرنى ياحبيبتى
وانت طيبه ياقمر
وانا لاممكن اعلقك ياجميل
بكره الحكايه تكون كامله عندك ياقمووورة
بوسى العيال وخصوصا خااااالد
تحياتى ياقمر
كوشيا حبيبتى
ايوة طبعا الذكريات احلى كتيير من حكاوى الخنقااات انا معاكى
وربنا يصلح احوالنا كلنا يارب
تحياتى ياجميل
حاجات جوايا
انتى اللى نورتينى ياجميل
والف شكر على التهنئه ياقمر انت ..
وبكره بأذن الله هاكمل بقية الحكايه..
وهاقول ..فاااصل ..ونواصل..
اى خدمه ..ولا تزعل ياجمييل..
ودايما منورانى ياعسل
تحياتى
محمد عتلم
وانت طيب ياعم ..كتر خيرك على التهنئه..
وبكره نكمل بأذن الله
تحياتى
ازيك بنت الغربه دى اول مره ادخل هنا انا مغترب زيك بس زوجتى مش لاقيه وقت فى اليوم عشان تخلص اللى وراها مع اننا عندنا طفلين بس سنتين ونصف وااحد سنه اصلك بتقولى عندك وقت كتير طيب هاتى شويه احنا جمبك هنا فى الرياض ويجعله عامر وسلامى للباشا بجد اسم دلع حلوو ولا تكونىش مخنوقه منه هههههه
عيد جواز سعيد
و عقبال الأربعة و عشرين
يعنى دوبل
هههههههههههههههه
كل عيد زواج وأنتم بخير ومع بعضكم
يااااااااااااه
ده البت سمكه دي عايزه الضرب جت متأخره اوي اخص اخص
كل سنه وانتي طيبه وفي منتهي السعاده
ورياب يهديلك زوجك واولادك ويصلح حالك
يا احلي مخنوقه في الدنيا
سيبك انتي انتي بتحبيه ومهما كان هو بيحبك بس الحياه كده لازم شويه شطه
بس واضح الحياه اليومين مستهبله فيها ومزوده الطه حبتين نستحمل احنا بقي
ربنا يباركلك يارب
وكل سنه وانت احلي من اللي قبلها
واحكي بسرعه ده طلع نمس
ال كوفي ال تمحيك سيبك انتي
دمتي بكل ود
ايه ده هو فيه كده
انا عايز حد يفك لسانى انا بحب واحدة فى صمت بقالى 3 سنين ونفسى اقولها مش عارف
عيد سعيد عليكم وادعيلى انى اتكلم
انتى لسه مش رديتى على التعليق الاول وانا بكتب االتعليق الثانى وعرفت بالصدفه ان اسمك مدام داليا تقريباوبتقولى على نفسك مخنوقه اسم حركى يعنى مش هو ده موضوعنا المهم هو الباشا بيعرف انك بتدوينى وانك مخنوقه والحاجات دى ولا كل ده من غير ما يعرف مجرد سوال جه فى بالى يمكن تعاطف معاهىعشان راجل زيي ويجعله عامر
هعمل احتجاججججججججججج
كملي يلا الحكايه
كول سنة وانتي وهو طيبين ومع بعض دايما
سيدى يا سيدى
عينى يا عينى
كل سنه و انتى طيبه يا ستى و عقبال 100 سنه
يلا كملى
ماشي يا عم الناظر...
ذكريات حب الطفوله..البريئه..
عايشه فيها من يوميها..
ربنا يارب يسعدك وعقبال كده ما تحتفلي باليوبيل الفضي والذهبي والمعدني والزمردي والياقوتي والأبصر إيه
في سعاده وتشوفي عيالك عرسان وعرايس وتحتفلي معاهم كمان بأعياد جوازهم
لو كان بإيدي كنت بعت بوكيه ورد لأختي وبنتي المخنوقه.. اللي النهارده فضحتها كلماتها.. وعرفنا إن الحب مستمر وربنا يديمه...
بجد يا مخنوقه.. سعيد لسعادتك...
عايز بأه تكملي لنا الحكايه الأسطوريه...
وكمان عايز أعرف حفله عيد الجواز أخبارها إبه
ده مش دس مناخير.. بس عايز أسمعك سعيده
أمنياتي
ربنا يزيد حبايبك كمان وكمان.. شايف التعليقات بترف
استاذ ابو زيد
شرفنى زيارتك مدونتى ..ويارب تكون عجبتك انت والمدام..بالنسبه للرياض .انا رحتها وقعدت فيها 9 شهوور فى منطقه اسمها العليا..بس بصراحه خنقتنى قوى وكان لازم اغطى وشى وانا خارجه ده غير انى ماكنتش باعرف انزل السوق من غير الباشا...غير الخبر تماما ..الخبر منطقه حلوة قوى وكلها اجانب وعادى ان الست تنزل السوق لوحدها ..بلد خفيفه مش خنيييييقه..
اما مراتك فربنا يكون فى عونها علشان ولادك جايين ورا بعض والاتنين محتاجينها فى كل حاجه ..انا لما كانوا ولادى صغيرين كده كنت باتمنى اليوم يبقى 48 ساعه..علشان الاقى وقت للشغل والبيت والاولاد والاقى وقت ارتاااااح فيه..بس طمنها انها هترتاح ان شاء الله لما يدخلوا المدرسه..هيخرجوا بدرى ويقعدوا بعيد عنها 9 ساعات حلوييين وهيناموا لها من الساعه 9 بالليل..وان شاء الله هتلاقى وقت كتيييير قوى ليها ..بلغها سلامى..
اما بالنسبه لسؤالك ..فاانا هارد عليكم كلكم بعدين لان السؤال ده انطرح علي كتييير ومش عارفه هتفرق ايه ان الباشا يعرف او لا؟؟؟
تحياتى ليك ولمراتك وياريت تكون بتساعدها لانها فعلا محتاجه مساعده خصوصا لو كانت بتشتغل..
خالد
وانت طيب ياسيدى وربنا يدينى طولت العمر وندبلهم ان شاء الله
تحياتى
الدرعمى
شكرا لزيارتك لي ومعلش انى مازرتكش بس توقع زيارة سريعه كده من اختك مخنوقه..
وانت طيب ياسيدى وتحياتى ليك
سموووكه حبيبتى
نورتينى ياقمر ولا متأخره حاجه ولا حاجه ..ده انت تنورى فى اى وقت ياجمييل..
ومعاكي حق ياحبيبتى الحياه مليانه شطه ..بس الواحد لازم يتحملها..
وانتى طيبه ياقمر وربنا يبارك فيك ياحبيبتى
تحياتى ياسموووكه ياعسل
7azem
شكرا لمرورك ياكابتن ..بس انا عايزة اعرف ازاى بقالك 3 سنين بتحب ومش عارف تنطق؟؟؟؟؟
هو الشباب جرى له ايه ...زمان ايام الجامعه كان اى حد بيحب ...بيقووول على طووول ..عادى يعنى
ده فى نص التسعينات...ليه بقى بتوع الالفيه الجديده بيتكسفوااا قوى كده ...
لالالالالالالالالا روح ياعم وقلها البنات بيحبوا الراجل الجريئ حتى لو قالو العكس
تحياتى ليك
كيارا
حبيبتى وانتى كيبه وربنا يخليك لي..وان شاء الله هاكملك بقيه الحكايه ياقمر
تحياتى
بيبرس
منورنى والله...
وانت طيب ياسيدى وعقبال عندكم لما تكمل كده دسته انت كمان...
وانا عايز اعرف برضه عرفت بسبسه ازاااى..
تحياتى ليها ...وليك برضه..
من غير عنوان
انا بافرح جدا لما الاقى تعليق حضرتك عندى..
ربنا يخليك يارب...وانت طيب ياسيدى ..وربنا يكرمك فى بناتك ويخليك ليهم..
وان شاء الله هاكمل بقيه الحكايه وهاقولك برضه على يوم الاحتفال ...
وحضرتك تأمر ومش دس مناخير ولا حاجه ..انا بصراحه باعتبر حضرتك زى اخويا الكبيير بالظبط ..ودايما منورنى ..
تحياتى ليك ..
ههههههههههههههههههههههههههههه
حروح اكمل الجزء التاني
في اول مرور الي مدونتك الرائعة..وبوستك الذي حمل انين واااااهات..اتمني ان تكون هذة الكلمات الوداع الاخير وبلاش خنق فش حد مستاهل حتي تنخنقي عشانة..اقبلي للحياة والفرح تقبل ..تحياتي..حلم..
إرسال تعليق