دى صورة من صور المظاهرات فى مصر .......... شايفين الظابط بيزق الناس ازاى ............ولا كأنه بيلعب رياضه
انا مش عارفه الناس ذنبها ايه تتهزأ وتتهان كده لمجرد انهم عاملين مظاهرة سلميه احتجاجيه على وضعنا الميؤوس منه؟
ايوة ميؤووووووس منه للأسف...كلنا عبد المأمور.....والمأمور بيقولك ...اخرس واسكت ماتتكلمش....كل ونام بس....
وارضى بالأمر الواقع ...يعنى صوتك هيعمل حاجه؟؟؟؟؟؟
الخنقه النهارده تخنق بجد ...لو حد ضغطه عالى او عنده القلب بلاش يقراها.....اللهم قد بلغت...........
الخنقه بدأت واحنا الأربعه (انا والباشا وكيمو وبيبه ) سهرانين يوم الخميس اللى فات فى فندق فى البحرين
والباشا وكيمو بيلعبوا طاوله .....وانا وبيبه بنتفرج على نشرة الاخبار...........
الباشا : ايه اللى انت جايباه ده يامخنوقه ؟؟؟الاخبار ؟؟ شوفيلنا حاجه تانيه نتفرج عليها
انا :لا طبعا انا عايزة اشوف ايه اللى بيحصل فى غزة - الوضع سيئ جدا هناك
بيبه: كله من ولاد ال......... الامريكان اللى سايبين اليهود يدبحوا فى اهل غزه
انا :وليه جايبه الغلط على الامريكان بس ؟؟؟امال احنا فين؟؟؟؟
بيبه : معاك حق شفتى ازاى الوزيرة بتاعتهم كانت عندنا وتانى يوم يضربوا غزة
منظرنا كان زى ال.........قدام العالم كله
انا : وليه ماتقوليش ان ده مخطط كله علشان يوقعوا مصر مع الدول العربيه..ويخلونا
احنا المسؤولين قدام اهل غزة على اساس ان الوزيرة بتاعتهم كانت عندنا واكيد
اداتنا فكرة انهم هايضربوا غزة تانى يوم.....نظام فرق تسد....
بيبه : جايز يكون اللى بتقوليه ده صح ....بس برضه احنا لازم نحارب معاهم ولازم مصر تعمل حاجه
انا : اشمعنى مصر بس هى اللى اهلها لازم يحاربوا ؟؟؟؟ليه مش كل الدول العربيه؟؟
كل دوله تبعت جيش من عندها ..ونسميها الجيوش العربيه...زى ماعملنا مع الكويت
ولا علشان الكويت كانت بتدفع فلوس كتيرة؟؟؟؟؟
طب هم العرب ناقصهم فلوس؟؟؟؟شوفى اللى بيدفع للمطربات علشان يغنوا فى حفله ..او
للراقصات علشان يرقصوا فى عيد ميلاد مثلا....او اى حاجه تانيه .....................
بيبه : لا بس مصر وضعها مختلف ....لانها هى اللى كانت دايما فى الصدارة فى الازمات اللى
بين الفلسطينين واليهود.... ومافيش دوله تانيه كانت بتتدخل زى مصر...
انا :ماشى ياستى مصر ام الدنيا ..بس مصر مش ناقصه حروب...اهلها مطحونين من جوه وبيحاربوا علشان
لقمة العيش كل يوم.....وفى ناس فى دول تانيه مش عارفه تصرف الفلوس فين؟؟؟؟؟
انا ماقولتش نسيب اهل غزة ومانعملش حاجه ...انا راى كلنا نعمل حاجه مش مصر بس
بيبه : طب الدنيا كلها مقلوبه على مصر ليه ؟؟؟؟؟؟ ليه مصر ماتفتحش المعابر مع غزة؟؟؟
انا : يعنى هو فتح المعابر هو اللى هايحل المشكله ؟؟؟ واليهود هايبطلوا ضرب فى غزة؟؟؟
الموضوع عايز وقفه جامده من كل العرب علشان الضرب يقف....
مش بس نشجب وندين ونتنيل........و......
وفجأة لقيت الباشا قام واخد منى الريموت كنترول وقلب القناه وجاب ميلودى عربى
الباشا : شايف ياكيمو الستات عامله ازاى ؟؟؟؟؟ مش زى الرجاله اللى عندنا؟؟؟
انا وبيبه (فى صوت واحد ) : رجاااااااااااااااااااااااااله؟؟؟؟؟؟؟؟؟؟؟؟؟؟؟
الباشا : اه طبعا امال ايه ؟؟ هى الست لما تتكلم زيكم كده فى السياسه تبقى ايه ؟؟؟
راااااااااااااجل طبعا وبشنبات كمان هههههههههههههههه
انا : هى الست ماتبقاش ست لو اتكلمت فى السياسه وقالت رأيها؟؟؟؟ ده ينقص من انوثتها فى ايه؟؟؟؟
الباشا : كتيييييييييييييييييييير قوى ..... عمرك شفتى ست حلوة بتتكلم فى السياسه؟؟؟؟
كلهم ستات ................. ولاواحده فيهم عدله...الستات دول لو كانوا حلوين مكانوش وجعوا دماغهم فى حوارات
السياسه دى علشان يلفتوا الانظار ليهم ..........
كيمو : اه صحيح عمرك شفت نانسى ولا اليسا ولا هيفااء بيتكلموا فى السياسه؟؟؟؟؟
بيبه : والنبى تسكت انت ....طبعا مين هيشهدلهم غيرك ؟؟؟؟؟؟؟؟
انا : يعنى انت رأيك الست الحلوة هى اللى تبقى حلوة وتسكت وخلاص مش مهم مخها ايه ؟؟؟؟
الباشا : ايوة طبعا ...الست يعنى انوثه ....مش مخ ...ولا سياسه...
انا : معنى كده اننا بنرجع لورااا ...الست تقعد مالهاش دعوة بالدنيا واللى فيها ...كفايه انها حلوة وخلاصالبنات والسيدات دلوقتى بينزلو فى المظاهرات واحيانا هم اللى بيعملوها.....
الباشا : اتحداكى لو واحده فيهم كانت حلوة ...او شايفه نفسها حلوة.....طبعا هتخاف على نفسها
حد يضايقها او يتحرش بيها.....
انا : طب مالمظاهرات ماليه لبنان ......وكل بناتها تقريبا حلوين...ودايما بيخرجوا فى المظاهرات
كيمو : اه صحيح بس مظاهرات عن مظاهرات تقرق.....ابقى فكرنى ياباشا ابعتلك ايميل مهم
عن المظاهرات دى ...
بيبه : ايميل ايه ده ؟؟؟
كيمو : ده ايميل قديم عن مظاهرات علشان حزب الله ...جاجات توجع القلب ..ربنا يكون فى عونهم
بس والموضوع اتقفل على كده وانا طبعا طبعا مش مقتنعه بتاتا البته برأى الباشا...............
ورجعنا دبى فجر السبت ...ويومها بالليل الباشا كان قاعد على اللاب توب كالعاده .....
وفجأة رن الموبيل بتاعه ....
الباشا : ايوة ياكيمو نازلك حالا ..بس باحمل الايميل اللى انت بعتهولى.....
مخنوقه ...ان مضطر انزل ..لما الايميل يتحمل على الكمبيوتر اطفيه واشحنيه ..اوك
انا : حاضر ..
الباشا : وبلاش ارجع الاقيك لسه بتتفرجى على الاخبار....بلاش نكد...
انا : حاضر ياحبى ...هتلاقينى باتفرج على قناة هى او سيتيرس او ميلودى ..اى حاجه رايقه كده....
المهم نزل وانا هاطق من الخنقه ...حتى القنوات هينقيلى اتفرج على ايه؟؟؟؟؟؟؟؟؟؟؟؟
المهم الايميل اتحمل على اللاب ..وطبعا قلت لما افتحه واشوف ايه حكاية المظاهرات اللى توجع القلب دى
على راى كيمو ..............وياريتنى ماشفت .........
واستاذ كيمو الخنيييييييييييييييق كاتب فى اخر الايميل (جتنا نيله فى حظنا الهباب )
بالذمه لى حق اتخنق ولا لأ...............فعلا مظاهرات توجع القلب .....جالك وجع فى قلبك انت والباشا....
ياربى هو انا لو جرى لى حاجه من الخنقه ....ذنبى هيبقى فى رقبة الباشا وكيمو .............
مخنوقه جدا جدا
59 التعليقات:
والله صور تصعب على الكافر
الناس تعبانه اوى كده ليه فى لبنان
هوا مفيش رحمه ولا ايه؟؟ لالالالا بجد بجد وضعهم يحزن اوى
انا خلاص الدموع هتنزل من عنيا
لا وكله كوم والصوره الاخرانيه دى كوم
ياعينى البت شكلها عدمان خالص وهدومها منيله وشكلها من الطبقه المطحونه اوى وبرضه مصره تشيل علم حزب الله وتجاهد وتقاوم
بجد ربنا يكون فى عونهم وعونك انتى كمان
ـــــــــــــــــــــــــــــــــ
قلبى عندك
حبيبتى انا لو منك اتفرس فرسة فظيعة
احنا اللى بيتحرق دمنا يا ماما و هما فى الطراوة
بصي بقا اولا انتى و انا عارفين
ان بعض الناس بتندس فى المظاهرات ديه علشان تتحرش و تعمل مشاكل و تزق و كده
لازم يُقابل برضه بالزق من قبل الشرطة
و ده مش معناه انى موافقة عليه
لأ لانهم بيبقوا بانيك و بياخدو موقف هجومي على طول الخط خوفا من ان المتظاهرين يعملو شغب
بصي هي الدنيا كلها بايظة و العنف و الشغب و البلطجة و قلة الادب ذادت جدااااا جدااا جداااا
احنا فى ايام ربك يلطف بينا يا مخنوقة و الله
و يحميلك ولادك
سلام
انا عندي الضغط والقاولون وبسبب البوست ده جاتلي المراره
رحمتك بيا يارب
خلاص مش مستحمله
ماكنتش ناقصه كيمو والباشا كمان
يحرق اليسا علي هيفا علي بنات لبنان نفر نفر
هي دي مظاهره ولا فيلم جنسي يا اختي علشان ابقي مركزه معاكي بس
بنت الغربه يا مخنوقه .. تحياتى
تصدقى اول مره اقرأ لواحد او واحده حاسس فعلا بمشكلة المصريين .. العرب فاهمين ان المصريين دول خرفان بيسمنوهم عشان يدبحوهم .. بس الباشا برضه اتخنق من كتر الاخبار السيئه .. شوفى بقى المظاهرات فى لبنان حلوه قد ايه واللى بيعملوا المظاهرات كمان ... الله ... اخر طعامه .. جاتنا نيله فى حظنا الهباب.
هههههههههههههههههههههههه
يخرب بيت عقلك . دنتي باين عليكي مخنوقه فعلا ً لا .. دنتي خنقتيني انا كمان
مش من البلد ابدا ً . مصر دي ام الدنيا والنيل رواني والخير جواني
بس اللي خنقني الصور الفظييييييييييعة اللي انتي عرضتيها في الاخر .
انا مش قادر هما اززاي مستحملين العذاب ده كله دول يا حيني مقطعين هدومهم من التنديد والتشريد !! . بصراحة مظاهرات تفتح النفس . انا عايز اسرائيل تحتلنا لو هتكون نهايتي علي لوحه يحملها مثل هؤلاء الفتيات
انا خاين . انا عميل . هلموا يا لبنان احنا عايزين مظاهرات
ويا ريت تعملو لوحه مكتوبة عليها مخنوق كيك وتخلي واحده من دول تشيلها . يمكن روحي المعنوية ترتفع
استاذنك انا حطيت مدونتك عندي في اللسته عشان ابقي اتابع معاكي اخبار المظاهرات الوحشه دي
مخنوق كيك جدا موووووووز
قطعتى قلبى بالصور دى
طيب مهو الباشا طلع عنده حق هو و كيمو اهه
هاتى كده صور المظاهرات عندنا
هاتلاقى الرجاله فيهم انوثه عننا
هههههههههههههههههههه
حرقتى دمى يا شيخه
يعنى كانوا بيقولو المهم عقل المرأه و لما اهتمينا بيه و سبنا الانوثه برضوا ما عجبهمش
و فقدنا الانوثه و العقل معا
ههههههههههههههه
تحياتى يا سكر و تسلم اديكى بجد
ضحكت قوي لما شفت الصور دي على قولت الي قال هم يبكي وهبل يضحك
قال مقاومة قال على عيني وراسي حزب الله وحسن نصرالله بس البنات ال...دول موقعهم ايه من الإعراب
ربنا ينجي أهل غزة وينصرهم
كويس اننا لسة بخير وبنتناقش بينا في أحوال المسلمين مهما كان النقاش
المهم لسة بنحس
مودتي
ههههههههههههه
اولا دى اول زيارة ليا
تانى حاجة
شكرا على زيارتك الجميلة دى
تالتا انا هعلق على اول صورة
اوقول هو احنا حيوانات يعنى
اللى جواك مش جوانا يعنى
بدل بيحصل كدة الضرب بلشلاليط والجذم اعرفى انك اكد فى مصر
بلنسة للصوربتاعه لبنان ومقاومة لبنان وياسيدى مظاهارات لبنان
لو كدةفى مصر
هتلاقى الناس بتطلب الحرب
وهيقوم بمظاهارات ليل ونهار
ياصلاة النبى
تحياتي
طبعا لن اعلق علي الحوار الذي دار بشأن الانوثة و الحديث في السياسة...
لكنني اقول:
- الذي في الصورة الاولي يضرب المتظاهرين هو أمين شرطة....
- المعابر....اختزلوا قضية غزة و فلسطين في فتح معبر " رفح "...و كانت مناسبة للبعض ان يهاجم مصر...
يوجد معابر أخري لم ينادي أحد من قريب
او بعيد بفتحها....
معبر رفح خاضع لاتفاقية دولية عام 2005
لو فتحت مصر معبر رفح دون تنسيق مع الجانب الاخر...النتيجة هي قذف منطقة المعبر من جهة رفح الفلسطينية كما حدث مع الانفاق.
يوجد (2000 ) نفق بين رفح الفلسطينية
و المصرية...مما يهدد بسلامة و أمن مصر
و مع هذا مصر تتغاضي عنهم لظروف الحصار حول غزة.
االانفاق تم من خلالها تهريب اسلحة ايرانية خلال فترة الهدنة الي حماس بغزة.
يا سيدتي مصر دفعت و مازالت تدفع ثمن
غالي جدا لانتمائها للعالم العربي...و لانحيازها الكامل للقضية الفلسطينية.
الفلسطينيون بكافة فصائلهم و مسمياتهم
يدركوا تماما ان السند الاساسي و الرئيسي لهم هي " مصر " و ليس سواها.
تحياتي و تقديري
على فكرة الناس مش فى ايديها حاجة الحكومة هى المفروض انها تشوف حل بس نعمل اية الله يسامح الحكومة اصلها وخدة تجازة طول السنة
تحياتى
:)))))
دى مظاهرات لوز أوى :)
بس دول لو وقعوا فى أيدين الأمن المركزى بتاعنا تفتكرى حيحصل أيه ؟؟
راضيين بحكمك فينا يا مقسم النعم بمعرفتك يااااااا رب
أولا ... الستات الحلوة ممكن تتكلم في أي سياسة ... والوحشه كمان..
بعد ما بيروح الزمان ... بيفضل العقل.. والراجل بيبقى عايز جنبه رفيقة تحدثه في مواضيع كتير من السياسه إلى الفن...
ثانيا
إيميل لبنان ..... هما طريقتهم كده...
بس طريقة جميلـــة
أمنياتي
ادي المظاهرات و لا بلاش
يا ريت تكون كل المظاهرات تكون بالحماس ده و انتى تلاقى الشعب كله ف مصر مشارك فيها
ممكن لو فيها غلاسه اللينك بتاع المظاهره للمشاركه و لو وجدانيا
ولا يمكن يكرروها تانى اوح اساعدهم
حاجه تخنق
بجد قلبى معاكى
ههههههههههههههههههه دي المظاهرات ولا بلاش بلاش حقد على الناس بقى ياحقودين يا ستات ههههههههه
عارفه المشكله ايه اننا نقدر نعمل زيهم بس حتى لو عملنا هيقولولنا لا وعيب ومش عارفه ايه لكن الي بيحصل بره ياسلام حلو قوي في عينهم يعني مش عاجبهم حاجه حتى راينا ساعات عايزين يلغوه ربنا يصبرنا وفعلا حاجه تخنق
اه صح ده احنا لو فكرنا حتى مجرد تفكير نعمل زي الصور الي مهوسين بيهم دول ممكن يقتلونا ويطلع بقى العرق الصعيدي هما كده الي بره جميل
لاء يامخنوقة معلش دي مش مظاهرات تقطع القلب
دي مظاهرات تفتح النفس
ياريتهم يعملو كدة عندنا في مصر وانا اول حد هنزل واتظاهر
ههههههههههههههه
طبعا دة تعليق ذكوري تام
بس بجد البوست دمه خفيف قوي وانا مت على نفسي من الضجك
بس بجد اللي جوزك بيقولو دة هو الطبيعي لأنه عايش في وضع مختلف وحياه مختلفة فبيحكم على الأشياء من وجهة نظر مختلفة
هو لوكان عايش في مصر ولا سوريا ولا اي دولة من اللي ايديها في النار ماكان شقال كدة
بس بجدبجد بجد انتي مسمياه الباشا وهو باشا فعلا ودماغه عالية قوي وكيمو انتيمه هو كمان تحفة
واخيرا ماقدر شاقول غير كلمة واحدة يا مظاهراتك يا لبنان
تحياتي ليكي
و
للباشا
و
لكيمو
بصي موضوع المظاهرات اللبناني ده شفناه كلنا على الجزيرة من سنتين
خلينا في اللى احنا فيه
مخنوقة
اولا الناس بتتلم مصر لان غزة ملهاش حدود مع حد تاني غير مصر
كل معابرها الباقية مع اسرائيل و مش معقولة هتبقى اسرائيل بتضربها و اقولها افتحلها المعبر تاكل و تشرب
ثانيا
مصر بقالها اكتر من ستين سنة ما ضربتش رصاصة حتى علشان خاطر فلسطين
و كل اللى احنا فالحين فيه فنجرة بق و خلاص
يعني كلام على الفاضي
فالحين بنقول مصر العروبة
مصر ام الدنيا
و كل اللى بيحصل مصر مش فالحة غير نشجب و نحتج و نند بقوة
كلام يفقع بصراحة
هو ليه لما العراق ضربت الكويت مصر اتحمقت قوي و مفيش و لا عسكري عربي غير المصريين هو اللى اتحرك
مع ان الكويت نفسها ليها جيشو السعودية برضه
ليه مقلناش البلاد العربية كلها تجيب جيوشها؟؟
ثم اساسا غزة كانت تبع حكم مصر لغاية 67 و بعد كده احنا اللي ضيعناها
و دلوقتي محدش قال نحارب لاننا اجبن من ده بكتييييييييييير
بس على الاقل الناس اللى محطوطين في علبة خرسانة و بيتضرب عليهم صواريخ دول الابرياء اللى ملهمش ذنب اخبيهم عندي
مخنوقة
الفلسطينيين ليهم حق اللجوء السياسي في اي دولة في العالم
و يتهيألي لو بصيتي في اي دولة في العالم مش هتلاقي اكتر من الجالية الفلسطينية
دول الناس اللى وافقوا يسلموا و يمشوا
الموجودين دلوقتي دول متمسكين بارضهم
لو المعبر اتفتح هيبقى فرصة ليهم يجيبوا اكل شرب وقود يستخبوا من الضرب اللى ملهمش ذنب فيه ده و كده كده هيرجعوا تاني
لانهم هما اللى مش عايزين يسيبوا ارضهم
طب وربنا انتى وبيبه الى هبل
يا بنتى هما بيغظيكوا بس
مخهم مقضيهم على كده
شوفي اهم حاجه احساسك بنفسك ا نتى
بلا مغنيات بلا بتاع الى طايلينه يروحوا ياخدوه يا اختي
نفسهم هفاهم على شويه سيلكون وبويا ما تسبوووووهم طيب ايه مانعهم
ده مخها ترللي ان كان الستات ولا الرجاله
هههههههههههههههههههههه
وبعدين عمرنا ما شوفنا واحده حلوه لها راي وبتتكلم فى السياسه
لا قولوا عمركم ما شوفتوا واحده من الملزقين اللزجين ا لى معريين لحمهم بيتكلموا فى السياسه
هى الحلاوه يبقوا عريانين كده يعنى ؟؟
طب ما تحلي الموضوع ده داليا مره البسي كده قصدي اقلعي كده وقوليلى عمرك شوفت واحده حلوه لابسه محترم ودافنه جمالها يااخويا ههههههههههههههه
وبعدين انا عايزه اعرف واحد اقرع والتاني بكرش بيتكلموا على اي اساس ؟؟؟
هههههههههههههههههههههههه
انا مااعرفش جوزك بكرش ولا لا بس اهو بقى اي حاجه بنلزقها فيهم
ميرسي على سؤالك يا جميل
اسمحيلى يا داليا اقول بؤين واقفين فى زوري وانا زوري واجعني
احمد مخنوق
الجيش بتاعنا راح الكويت عشان الكويت دفعت يا سيدى
اه بقى احنا ناس ماديين ونفعيين
زي السعوديه والكويت راحوا دفعوا للامريكان عشان يجوا يعملوا قواعد فى بلادهم
يدفعوا ياعم واحنا نروح نحارب ماشي بقى ؟؟؟
ولا انت فاكر الحرب دي مش عايزه فلوس ولا ايه ؟؟
ولا عايز اخوانا البعده يجيبوا من حسابتهم الى بره ولا يبعولك كام ضيعه من الى منتورين فى العالم عشان حضرتك تروح تحارب ؟؟؟
فلوس يوك يا حبيبى . الى عايز يحارب يدفع
مش كل مصيبه فى الدنيا تلف تلف وتضرب فى دماغنا احنا
فاكر ايام ما كنا شادين الحزام ؟؟
كانوا بيدفعوا ايه العرب ولا عبرونا بايه
تخازل تخازل تخازل
وقول بقى 60 ما ضربناش ولا رصاصه ومين ضرب منهم عشان يلوموا علينا ؟؟؟
وبالمناسبه انا نفسي ا لحرب تقوم عشان نخلص من الفيلم السخيف ده رغم كرهي للحرب اساسا
انما كمان نفسي العرب يحترموا نفسهم ويبقى لهم جيش عربي
مش يفضلوا ماشيين فى ديل ا مريكا حاجه تقرف يعنى
لما يبقوا كلاب فى ديل امريكا كلهم وبعدين يهبهبوا علينا ويقلوا ادبهم بقى
شعب اهبل صحيح وبيمشي زي ما يسوقه العالم كله مش بس ساسته
أي خدمه يا دولي
اي خدمه يا احمد
ههههههههههههههههههه
السلام عليكم ورحمة الله وبركاتة
اولا انا هضحك على الصور اللى بتوجع القلب دى
ثانيا محدش قال ان مصر تروح تحارب لوحدها ولا تحارب اصلا
انا بس نفسى حكام العرب كلهم وبالشعوب يتحركوا كرجل واحد
وبالنسبة للمعبر
فدا لان مصر معبرها مش علية اى سلطة اسرائيلية يعنى بتفتحة وقتما احنا عاوزين ونقفلة وقت ما احنا عاوزين
اة وعلى فكرة الفلسطنيين الاصحاء مش هيدخلوا لانهم بيحبوا بلادهم فلسطين
والدليل ان لما حد بيخف من الجرحى بيروح على فلسطين على طوووووووووول
فالمطلوب من مصر فتح المعبر علشان الناس والمساعدات والاكل يدخلوا فلسطين ومش مهم انها تاخد حد
تسبهم يدخلوا بس ويبقى كتر الف خيرها
بس المشكلة ان مصر زى باقى الدول العربية بتخاف من اسرائيل وامريكا البوعبع
دمتى بالف ود
والله يكون فى عونك يا اختى من الباشا وكيمو
هههههههههههه قبل ما اكمل قرائة البوست كنت هحكيلك على مظاهرات لبنان اللي تقطع القلب بس كويس انك عرفتي لوحدك
وعلى فكرة بيقولو ان المعبر مفتوح للمساعدات ولنقل الجرحى
وامرك لله يا مخنوقة انتي وبيبيه حاولو تتكلمو في احوال الدنيا لما الباشا وكيمو ميكونوش موجودين
اول زيارة
ايه البوست الجميل ده
متتخنقيش يا حبيبتي ا شا الله بتوع الأمن المركزي
اللي بيضرب صول مش ضابط
الضباط ما بتضربش هي مش محتاجة ... هي تسلط العساكر اللي بيختاروهم حسب صغر حجم المخ وزيادة نسبة الغباء علشان لما يقول له اضرب يضرب من غير ما يفكر
يعني اغنام بتسوق اغنام بتضرب معيز
البلد كلها سوق قطيع كبير
بالنوسبة للمزز اللبنانية هو لو رجالة مصر نفسهم ستاتهم تبقى كده؟ اه غصب عن عين التخين والرفيع اول ما نكشف شعرنا واللحم الأبيض المتوسط ها نبقى كده وابو كده
بس بالعند في الباشا وكيمو وكل اللي بيهزو رأسهم دلوقتي ويقول بلغنا نعاين يارب مش ها نقلع اللي عاجبه عاجبه واللي مش عاجبه ها يعمل ايه يعني؟ جاي تحت ضرسنا جي
هم يا جمل
هههههههههههه
بس ده ايميل قديم اويييييي
و الظاهرة ان الولاد و الرجالة بس اللي بيتبادلوه
و البنات و الستات تقفشه زيك كده
خلاص يا ستي
عرفنا الحل
ابقي اعملي في نفسك كده و روحي اتفرجي علي الاخبار براحتك
مايقدرش ساعتها يقولك حاجة
بالعكس
ده لما هيلاقي شكلك اتغير للاحلي ساعة الفرجة علي الاخبار
هيقولك
اووووووعي تقومي من علي الاخبار
طول اليوم
هيقولك
يا مخنوقة..اوعي تقومي تقفلي الاخبار طول مانا موجود
مش كده ولا ايه;)
ايه دا؟
هوا بجد فيه لسه كدا؟
ناس بتموت وناس بتفكر بالطريقه دى؟
لأ بجد الله يكون فى عونك
محمد عتلم
صور تقطع القلب مش كده
بجد اعمل للباشا ايه ؟؟؟
تحياتى ليك ولمراتك
حبيبتى مفروسه
انا معاك ان الوضع العام فى مصر يفرس جدا جدا
وان فى ناس بتندس فى المظاهرات علشان حاجات تانيه
بس فى ناس بتعمل المظاهرات دى علشان هتطق من وضعنا المتخاذل فى كل حاجه
وده حقها امال فين الديمقراطيه؟؟؟
ربنا يلطف بولادنا
تحياتى ليك ياقمر
حبيبتى عاشقه وغلبانه
انا قلت من اول البوست ان الخنقه جامده ماسمعتيش كلامى ليه؟؟؟
معلش ياقمر هاشتكى لمين غيركم ؟؟
والصور دى مظاهرات والله
تحياتى ليك ياقمر
استاذ فشكوول
؟؟؟؟؟؟؟؟؟؟؟؟؟؟؟؟؟ حتى حضرتك بتقول كده؟؟؟؟؟؟؟
ليه حظكم هباب ؟؟؟علشان متجوزين ستات محترمه مابتلبسش كده فى الشارع؟؟؟؟؟؟
طيب انا اول مانزل مصر هاعدى على حرمكم واخدها نجيب لبس اانقح من ده ونخرج نعمل مظاهرة لينا لوحدنا
واراهنك ان القاهرة كلها هتتلم علينا - وكله هيقول (جتنا نيله فى حظنا الهباب )- انا باهزر طبعا - بلاش زعل
انا كان نفسى انك تقولى حاجه ااقولها للباشا علشان يبطل تصرفاته الخنييييييييييقه دى..
تحياتى ليك
مخنوق كيك
خنقتك مش كده ؟؟؟
علشان تعرف الخنقه ليها ناسها
بسيطه قوى يامخنوق ممكن تروح فلسطين وتفجر نفسك هتلاقى بنات لبنان شايلين صورك على لوح زى دى
ومش بعيد يعملوا صورتك واسمك تاتوه على جسمهم
ولو نفسك قوى اسمك يتكتب على لوحه شايلينا البنات دى
بسيطه اعملهالك بالفوتوشوب
واهو كله لوجه الله
الجواز وسنينه
ياحبيبتى احنا كلنا انوثه بس مخبينها
ليه كل الناس تشوفها ؟؟؟؟
هو الاحترام بقى عيب دلوقتى؟؟؟
كل واحده فينا بتلبس اللى هى عايزاه فى البيت ليه فى الشارع وكله يتفرج؟؟
جوزى وكيمو يخنقوووووا
ملهمش حل غير الساطوووور
وشكرا لزيارتك ياقمر
ودايما كرريها
كاتب مصرى
شرفتنى ونورتنى
انا فرحانه ان لسه شاب فى سنك بيفكر بالطريقه دى
على الله تفكيرك مايتغيرش كمان 10- 15 سنه ويتحول خنيييييق زى الباشا
تحياتى
البنت المشمشيه حلوة لكن شقيه
شرفتينى ياجميل
انا معاكى ان كل صور المظاهرات تخنق
اللى فى مصر او اللى فى لبان
انا مش متضايقه من الصور قد مانا متضايقه من طريقة التفكيير
فى دبى باشوف المناظر دى كل يوم
صيف وشتاا
الخانقنى تفكير الباشا
تحياتى ليك ياطعمه
الربان
شكرا لتشريفك مدونتى
وشكرا للمعلومات القيمه دى
انا ماكنتش اعرف بعضها الحقيقه
بس كان نفسى اعرف رايك ايه اهم
الانوثه ولا المخ فى المرأه؟؟؟؟؟
شكرا لزيارتك
تحياتى
ايمى حبيبتى
انا معاك ان الحكومه واخده اجازة طول السنه
ولما بيصحصحوا شويه يضربوا فينا
اهى رياضه برضه
تحياتى ليك ياقمر
استاذ عمرو
المظاهرات لوز قوى ؟؟؟؟
بذمتك لو المظاهرات دى فى مصر هايبعتوا اصلا الامن المركزى علشان يفضها؟؟؟؟؟؟؟؟
اكيييييد لا
لان الشعب هو اللى هينسى اصلا هم بيتظاهروا ليه؟؟
ربنا يسترها علينا كلنا
تحياتى
استاذ محمد البنا
الله يكرمك
انت الوحيد اللى بليت ريقى بتعليقك
الراجل فعلا محتاج واحد تتناقش معاه فى امور كتيرة فى الحياة
مش واحده صورة يعلقها على الحيطه
من غير مخ ولااحاسيس ولاحاجه خالص
ربنا يهدى
تحياتى
استاذ بيبرس
اااخ منك
لينك ايه اللى انت عايزه؟؟؟؟؟
احجز تذكرة للبنان وروح هناك اسرع
هتبقى الحكايه صوت وصورة
وشارك فى المظاهرات هناك وساعدهم الحمل عندهم تقييل
شيل شويه
وبلاش خنقه يابيبرس اللى عندى كفايه
حاسوباتيه حبيبتى
انا حاسه انى عقدتك فى الجواز
وحاسه انى شايله ذنبك
حقك عليا
انا معاك اننا لو عملنا كده هيوؤدونا
بس العين الزايغه نعمل فيها ايه؟؟
ربنا معايا
وتحياتى ليك ياقمر
استاذ مصطفى ريان
انا معاك انها مظاهرات تفتح النفس
بس تفتكر لو مراتك او اختك لبست كده ونزلت تتظاهر وواحد شالها كده ..
هتبقى برضه مظاهرات تفتح النفس؟؟؟؟
وياريت نعملها فى مصر؟؟؟؟؟
صدقنى الوضع هيبقى مختلف تماما
هو الاحترام بقى وحش اليومين دول؟؟؟
اما الباشا ...فده رأيه وماينفعش بعد العمر ده أغيره
وربنا يهديه هو وكيمو
تحياتى ليك ودايما شرفنى بزيارتك
استاذ احمد
الصور دى قديمه بالنسبه لكم لكن انا اول مرة اشوفها
وكانت هتبقى عادى لو الموقف ده ماحصلش
اما بالنسبه لرأى فى موضوع الحرب...
فبرضه ماتغيرش (مع احترامى لرأيك )
مصر مش قد الدخول (لوحدها) فى حرب مع اليهود لانهم مش لوحدهم معاهم امريكا واحنا لو دخلنا الحرب مافيش ولادوله عربيه واحده هتعبرنا وتحارب معانا...كلهم بق كبييير وبس
وانا مع راى صبرنى فى ردها
تحياتى ليك ولزوجه
حبيبتى ياصبرنى
انا باحب تعليقاتك قوى
وباحس ان البوست ناقصه كتيير لو ماعلقتيش عندى
انا والله باقلعله قصدى بالبسله كده واكتر من كده فى البيت
لان اللبس ده رخيص ومتوفر قوى فى دبى
اللبس المحترم هو الى غالى ومش متوفر فى دبى
ومابلبسش بيجاما ابدا الا وقت النوم لكن طول الوقت تلاقينى بالباديهات الرايقه دى والبرتكور فى البيت طبعا
واكيد عمرى ماهخرج بالحاجات (لان غير ان ربنا هايحرقنى فى النار - الباشا هايولع فى قبل ماخرج من البيت)
انا اللى مضايقنى طريقة تفكيره ليه الست لازم تلغى تفكيرها وتقعد بس تتزوق لجوزها فى البيت علشان تبقى انثى من وجهة نظره؟؟؟؟
ماينفعش الاتنين؟؟؟
وبعدين ياستى هو مش بكرش لا ده رياضى وواخد باله من نفسه زياده عن اللزوم
بس نظره ضعيف ودايما بنظاره
انا مش عارفه ازاى عينه زايغه مع انه نظره ضعييييف؟؟؟؟
الظاهر ان كيمو هو اللى بيشوف وبيحكيله
ربنا يهدى الاتنين
اما بالنسبه لردك على استاذ احمد
انا بصراحه معاكى فى كل اللى قلتيه
وماتخليش ابدا اى حاجه واقفه فى زورك خصوصا وانت عندى
اللى نفسك فيه قوليه من غير اذن ياقمر
والف سلامه على ولادك وعليك ياجميل
ربنا يخليك ليا
تحياتى
حتى تشرق الشمس
شرفتينى ونورتينى
والله ده رأى مصر ماتحاربش لوحدها ابد
وليه اصلا تحارب لوحدها؟؟؟؟
مع احترامى لاهل غزة وقلبى ودعائى معاهم
لازم كل الشعوب العربه تحارب لان ايد لوحدها ماتسقفش
تحياتى ليك ياجميل
حبيبتى ليدى وحشتينى
المظاهرات دى قديمه انا عارفه بس تخنق برضه
ايوه المعبر انفتح على الله يرتاحوا العرب ويبطلوا شتيمه
وانا وبيبه بطلنا تكلم فى اى حاجه قدامهم لان مخهم على قدهم
تحياتى ياقمر
ستيته حسب الله الحمش
حبيبتى نورتينى ياعسل
انا معاك احنا لو عملنا كده هنوقف مصر كلها على رجل واحده
بس احنا اللى بنراعى ربنا -لان مالناش غيره - وماحدش منهم هينفعنا يوم القيامه
وياختى ياريت اعرف احط الباشا تحت ضرسى
بس من الخنقه طرقعت كل ضروسى
دايما زورينى ياقمر
تحياتى ليك
حبيبتى مونى
والله يامونى بالبسله كده واكتر من كده فى البيت
سواء باتفرج على الاخبار او على قناة الفاشون
بس دايما اللى ممنوع مرغوب
واللى موجود مزهوود
ربنا يهدى
تحياتى ليك ياقمر
BLUE -WAVE
الحمد لله اول واحد مايقولش (كتنا نيله فى حظنا الهباب)
ربنا يكون فى عونى ..يارب
شكرا لزيارتك
تحياتى
ههههههههههههه
اول زيارة ليا يامخنوقة بس استمتعت بجد
انا رأيى معاكى فى كل اللى أنتى بتقوليه بالنسبة للموقف السياسى المصرى
لكن مظاهرات لبنان الحمرا لا تعليق عليها الا ان الناس دى لا مؤاخذة ده انا بشوف مظاهرات فى كل دول العالم مشفتش كده
صورة الغروب اللى انتى طالباها موجوده على المدونه من كام يوم
الحقى الشمس قبل ماتروح
حبيبتي والله انا قريت البوست بسرعه من الريدر
وكنت ميته من التعب
متبعاكي على طول
وموت من الضحك على الصور كمان
ناس رايقه والله
مقدرش اتاخر عنك انتي عارفه
على فكرة الرجالة لا بيعجبهم العجب ولا الصيام فى رجب لو متجوزين واحدة مثقفة يبصوا لاليسا وشاكلة بنات مظاهرات لبنان... ولو اتجوزوا واحدة حلوة مالهاش اى اهتمامات تبهرهم المثقفة ويفضلوا طول الوقت يتمنوا لو كانوا اتجوزوا واحدة زيها
حراااام عليكم زهقتونا نعمل ايه عشان نعجبكم
ان الله فى عونك .. بجد بجد الباشا ده هو وكيمو حاجة تخنق ..... ومان مفاهيمهم حاجة غريبة جدا
لكى الله
ايه الناس دى ياساتر اتخنقت
التظاهرات فى مجتمعتنا العربيه
عباره عن تجمعات للتحرش والاحتكاك
ثقافة الاعتصام والتظاهر مقتوله عندنا بسبب حكامنا الدكتاتوريين
فى انتظار قائد نجتمع خلف
تحياتي
معسكر القسام
واجبات عملية
لقد قمت بترجمت كلمات الأخ الكريم أبو خيري " كلمة حق " إلي واجبات عملية نعمل بها إلي أن نكون في معسكر القسام كمدونين خصوصا ومن أراد أن يعرف واجباته العملية كفرد عادي دون تخصص المدونين عليه أن يرجع إلي"
1: علي كل مدون أن يدعوا إلي فتح باب الجهاد فورا ويضع له ما يعبر عن هذا في مدونته.
2: علي كل مدون يريد أن يكون في معسكر القسام أن يضع علي الشريط الجانبي دعوة إلي المقاطعة ويصمم بنر أو شعار لهذه المقاطعة ويضعها علي مدونته.
3: علي كل مدون أن يدعوا الجميع إلي الجهاد بالمال وذلك أيضا عبر مدونته.
4: علي كل مدون أن يدعوا إلي فتح معبر رفح وذلك عبر مدونته.
5: علي كل مدون أن يدعوا الجميع إلي قولة الحق والغضب علي هذه الأنظمة الفاسدة.
6: علي كل مدون أن يدعوا الجميع إلي العودة إلي الإسلام مرة أخري.
7: علي كل مدون أن يدعوا إلي معرفة القضية معرفة جيدة ومعرفة تامة.
هذا وبالله التوفيق
مفيش احلى من مظاهرات لبنانن
مخنوقة انا عايز اسالك سؤال وتجوبينى علية بصراحة.طبعا من واقع قعدتك فى الامارات الفترة الطويلة دى انتى والباشا والاولاد وفى الغربة عموما 1-اية رايك فى التعليم بالامارات هل هو احسن ولا مصر احسن
2-ولو الواحد مقتدر ومرتبة كويس يضغط نفسة شوية وينزل يعيش فى مصر هو وعائلتة ولا يفضل عايش طول عمرة فى الامارات او فى الغربة عموماويعيش هو و عائلتة اكنة فى بلدة
3-ولو الواحد عايش هو وعائلتة يادوبك اللى جاى على اد اللى رايح هل يفضل قاعد فى الامارات ولا ينزل مصر احسن
4-ولو الواحد نزل عائلتة وقعد هو هنا سنتين او ثلاثةوكل كام شهر ينزل اجازة كام يوم لحد ما يضبط شوية فلوس ويرجع
مخنوقة يا ريت متخنقنيش وتردى على اسئلتى مشكورة هههههه
لالا بجد ياريت تجوبى حكون شاكر جدا وشكرا
انا اللى بعتلك الاسئلة من شوية عن العيشة فى مصر ولا الامارات او الغربة ممكن تبعتيلى الرد selltem@yahoo.com
buy tramadol in florida buy tramadol online overnight - tramadol quitting cold turkey
phentermine buy order phentermine from a doctor - phentermine order online
الله يجعل لك في كل خطوة سلامة يا ابن بطوطة
إرسال تعليق