انا اللى عملت ده كلللللللله
وحشتووونى قوى قوى
عارفه انى مقصرة جدا معاكم كلكم ....بس احوالى كلها كانت ملخبطه
ولأول مرة فى حياتى ..ابقى مش عارفه اعمل ايه...
بس انا اخدت قرار ونفذته وباتحمل توابعه..
على قد ماهو قرار صعب قوى ..بس حاسه انه القرار الصح على الأقل دلوقتى
وهو انى استقريت فى مصر حاليا وباسجل ولادى فى المدارس هنا
والباشا رفض العرض بتاع الرياض لانى مش عايزة ارجع السعوديه تانى..
صحيح انا عشت فيها نص عمرى تقريبا..واتولدت فيها..
بس كفايه غربه علي كده ..انا تعبت...
والباشا حاليا لسه فى دبى ومش عايز يرجع مصر ..
ومدينى السنه دى اجرب فيها العيشه فى مصر..
وهيقرر هو بعد السنه دى يرجع ولا لأ...
يعنى انا قاعده معاكم السنه دى ...وهاتحسوا بيها قوى لما تلاقوا مصر بقت خنقه اكتر ماهى مخنوووقه
وده طبعا واكيد علشان مخنوووقه الخنيييقه وصلت
وقاعده سنه بحااالها
وبعد كده
الله وحده اللى يعلم هاروح فين
عموما ده موجز لأخبارى الخنيقه والتفاصيل هتيجى فى البوستات اللى جايه
ان شاء الله
وكل سنه وانتم طيييبيين علشان العيد
ويارب يعود عليكم الايام بخير
مخنوقتكم ....رجعت تانى
38 التعليقات:
ايه الشطارة دى:) شكلهم تحفة بجد برافوا عليكِ
ربنا يعمللك اللى فيه الخير
وكل سنة وانتى بالف خير
ويلا جربى الاعياد فى مصر بقى:)
دي مصر تنور ياخنيقه ياختي
وتعالي جنبنا حطي خنقتك علي خنقتنا ونطق في وش بعض
كل سنه وانتي طيبه
هنعرف اكيد
لان المدونه ومصر
هينوروا من تانى
كل سنه وانتى طيبه
وحشتينا يامخنوقه
ربنا يجعلك تنسى خنقتك معانا يارب
kol sana we enty tayba ya gamela
we bgad shaklhom 7lwe awi teslam edek
we masr nawert we isa terta7y hena
كل عام وانتي بالف خير وهنا ويارب يعيد عليكي الايام بخير
وعيد سعيد
تحفة الحاجات اللي انتي عاملاها فتحت نفسي والله
عودا حميدا لمدونتك الجميلة
وكمان نورتي مصر
وان شاء الله حياتك تبقى اجمل وافضل وتستقري في المكان اللي تحبيه
تحياتي
السلام عليكم ورحمة الله وبركاته
صوما مقبولا وافطارا شهيا والف مبروك بحلول عيد الفطر المبارك اعاده الله عليكم بالخير واليمن والبركات وكل عام وانتم واولادكم والعائله بخير وسعاده وفى طاعة الله.
كل سنة وانتى
طيبة ومنورة مصر
انتى والاولاد بس كنا
نحب تكونوا كلكم مع بعض
ريلا ربنا يسهل ويتلم شملكوا
تانى يارب سواء فى بلدكم مصر
او فى أى مكان المهم تكونوا
مــــــــــــــــــــــــــــع بعـــــــــــــــــــــــــــــض
الحاجات
اللى عاملها
رووووووووووووعة
اخيرا اتطمنا عليكى ازيك يا جميله
عيد سعيد عليكى وعلى اسرتك الجميله وعلى كل احبابك
نورتى مصر طبعا بس كلام بجد مفيش حاجه تساوى حلاوة لمة العيله كلها مع بعض
ربنا يكتبلك الخير ويوفقلك امور حياتك
جمدلله على السلامه
و كل سنه و انتى طيبه و بجد احب اشوفك يمكن نسلى بعض فى الغربه
اصل انا كمان نقلت القاهره
و تخيلى حاسه بغربه
رغم ان كلها 80 كيلوا
يلا خير
كل عيد وانتى بالف خير وسلامه
ويارب يهديلك الحال ويريح بالك فى المكان اللى تحبيه
ازيك يا مخنوقه
اولا كل سنه وانت طيبه
والسنه الجايه احسن ان شاء الله
ويارب تبطلي تبقي مخنوقه يارب
ثانيا
نورت مصر بجد
وانا معاكي في اللي عملتيه
كفايه غربه بقي
انا عن نفسي من سته اولي غربه وبقول كفايه
هخلص عقدي واقعد في مصر وياكشي تولع
متغيبيش تاني عننا وحمدالله عالسلامه
تحياتي
حمدالله على السلامه يا مخنوقه
مصر نورت والخليج العربى كله ضلم
حمد الله على السلامة وأنا أقول التدوين كله منور ليه لا دى مصر كلها منوره أتارى سيادتك شرفتى وإن شاء الله الأمور تتصلح والحال يبقى أحلى من الأول كل سنة وانتى طيبة ولو انها جاية متأخر شويتين
دمتى بكل الخير والسعادة
حمدالله ع السلامة
وكل سنة وإنتي طيبة وتقبل الله منا ومنكم
وأسعد الله أيامكـ بفيض رضاه ونوره هداه وباركـ بعمركـ إلي يوم تلقاه
اولا
كل سنه وانت طيبه وبخير وسعاده
ثانيا
مصر نورت
ثالثا
وحشتينا جدا
رابعا
قرارك سليم ولو اني مش بحب الاسره تتفكك كده
واهو تجربي علشان قرارك يبقي صح
لما تاخديه
بس لو حسيتي انك مش قادره تكملي ماتتكسفيش انك ترجعي في كلامك
مش عيب
والمصلحه العامه اهم من كلامك يطلع صح او غلط
يعني هو ايه الفايده من التجربه يعني
كل سنة وانت طيبة بجد كنت قلقانة عليك لاني كنت بمر بظروف مشابهه لظروفك قبل كده قرارك صعب ربنا يعينك عليه
اولا
وحشتيني جداااااااااااا
وكل سنه وانتي بخير ياستي
وربنا يعملك اللي فيه الخير ان شاء الله
ومنوره مصر والله
وشكلك شطوره ماشاء الله
جوعتيني
ياشيخه
ابقي بس طمينينا عليكي احنا مش بنزعل منك
احنا بنقلق عليكي بس
كل سنه وانتي بخير
ازيك يا مخنوقة
وحشانى اوى اوى اوى
والحمد لله اطمنت عليكى
يارب تكون سنة مريحة بالنسبة لك
وهاتنورينا في مصر ياقمر
وربنا يجمع بينك وبين الباشا على خير يارب
تعيشى وتخنقينا
الله اكبر ما شاء الله كل الحاجات ديه كلها طب مفيش طبق كده بس
ربنا يلم شملكم تاني على خير ويكتبلكم اللى فيه الخير يااااااااارب
بجد البلوج بتاعك جميل جدا وانا قريت كل الى انتى كتبتية وكل يومين بدخل اشوف نزلتى حاجة جديدة والاقى ان مفيش جديد بقالك فترة يارب تكونى بخير واحوالك كويسة وترجعى تكتبيلنا تانى
اش خلانى مخنوق على طول وحاسس ان الدنيا كلها خنقه ..
اهلا بيك فى مصر بلدك اللى مش بلدك وبلدنا اللى مش بلدنا وكأننا قاعدين فيها بالايجار المفروش
فى الحقيقة لو الخناق طال يبقى الانسان لا يستطيع الحياة
وكلما اقتربت اليد من العنق ضاق الخناق
نورتى مصر ويا رب مصر تضيع الخنقة بتاعتك
اخلقى بابتسامتك الامل فى المستقبل فلا داعى للخنقة
السلام عليكم.........بجد وحشانى مووووت...وكويس اننا اطمنا عليكى....وانتى منورة مصر ويارب تفضالى معانا ع طوال الغربة وحشة اوى فعلا ولمة العيالة مفيش حاجة احسن منها .....يارب امورك تستقر وتكونى دايما بخير.......دومتى بخير...فى رعاية الله.
shemo
كل عام وانتي بخير :)
هييه هييييييييييييييييه
عصابة المخنوقين هتزيد واحد .. قصدي هتزيد واحده
عشرة علي عشرة
اهو كده الواحد يتخنق وهو مبسوط
احييكي علي قرارك الجامد كيك ويلا بينا نخنق علي بعض
هي الحياه ايه غير شويه خنقة وشويه حاجات فوق بعضيها !!!!!
اهلا بيكي في مصر ام الدنيا وعايزين نشوف مواضيع ناريه . خلي بالك انا وراكي وراقبك
ههههههههههههههه
و اضح انك اتخنقتي من قاعدتك فى القاهرة
من العيد الصغير و انتى مش موجوده
لعل المانع خير
وحشتينى يامخنوقه
ياترى لسه مخنوقه ولا رجوعك مصر خفف الخنقه شويه؟
طيب لو مخنوقه ادخلى فضفضى معانا
وحشتنا بوستاتك
ولو الخنقه راحت ادخلى طمنينا عليكى
(:
يعنى فى كل الاحوال انا باطالب ببوست جديد
((:
كل سنه وانتى بالف خير
والحاجات شكلها يجنن بصراحه
اولا حمد الله ع السلامة مصر نورت وثانيا الحاجات تحفة الصراحة وتفتح النفس شغل دبى بقى !!
ثالثا وده الاهم مصر حلوة والله واحسن على الاقل عشان مستقبل الاولاد خصوصا فى ظروف دبى دلوقتى والعالم كله تقريبا وان شاء الله مصر تبيض وشها معاكى . حمد الله ع السلامة تانى .
حمد لله على السلامة حبيبتى..
مصر نورت اكيد
ومستانية التفاصيل بس ما تغيبيش تانى
كل سنة وانتى طيبة
دمتِ بخير ..
يااااااا نهار ابيض انتي غايبه ده كله
وحشتيني
ان شاء الله ترجعي المدونه بالسلامه
هي مصر شغلاكي اوي كده
سلام
thank you
سعودي اوتو
انا مخنوق اوي من كتر غدر الناس وحقدهم انا تعابت اوي من حته اقرب الناس ليا نفسي اعيط بس مش عارف اعيط من كتر مش عوز ابين لحد دموعي خلاص من كتر الوجع وحنقه بقيت ميت من جوايه نفسي اعيش بعيد عن الناس بس مش عارف البعد عن الناس راحه ولا هتعب زياده من كتر الوجع وخنقه نفسي في حد يس بي احكيلو عن إللي جوايه بس مش لقي حد يستاهل اني احكيلو
إرسال تعليق