THOUSANDS OF FREE BLOGGER TEMPLATES

الجمعة، نوفمبر 28، 2008

مخنوقه ليه؟؟؟


تفتكروا الواحد لما يقعد مع نفسه كده ويقول ياترى انا مخنوق





ليه ؟ ومين الى خانقنى ومخلينى شايفه الدنيا غامقه و سوده





بعد ماكانت الدنيا





بمبى بمبى بمبى








منه لله الى خلانى من واحده منفتحه على الدنيا وضاربه النكد





بعرض الحائط لواحده بتكلم نفسها كل يوم للأسف.





وهو للأسف





الحــــــــــــــــــــــــــــــــــــــــــب





اه واه منه بيخليك زى الاعمى مش شايف حاجه خالص فى الى





بتحبه غير انه ملاك نازل من السمااااااا (مع الأعتذار الشديد





للملايكه )





واول ماتتجوز وتعدى بيك الأيام والسنين تحس انك اخدت اكبر مقلب فى حياتك كلها





والمشكله ان المقلب ده انت الى شربته لنفسك مش حد تانى لأن الحب هنابيتحول الى حبل بيخنقك





يوم بعد يوم من غير ماتحس............وأول ماتحس انك مخنوق يبقى معاد فك الحبل فااااااااااااات





من زمان ومافيش فايده من فكه لأنك ادمنت خنقته.......





هاحكيلكم يوم بسيط من حياتى المخنوقه جداااااااااااااااااااااااا





انا متجوزه من واحد من عائله رفيعة المستوى حبتين تلاته





لأن جد جد جده كان باشا فى العهود الغابره - لذلك سيادته مصر دائما وابدا ان يسمى نفسه الباشا ويتعامل من الناس على الأساس





ده وأولهم طبعا أنا لأنى لازم اعظم وأفخم فى سيادته فى البيت وقدااام الناس لأنى المفروض أحمد ربنا وأشكره كل يوم وانا باصلى



لأن الباشا جوزى انطص فى نظره وأتجوزنى وساب بنات العائله الكريمه جداااااااااااااااا بتاعته واتجوز واحده من عامة الشعب



مابتعرفش تتكلم فرنساوى ومش مدارس لغات .

بيبدأ يومى الساعه 6 الا ربع صباحا بمخده فى وشى -هزااااار بريئ -اوعى حد يفتكر حاجه تانيه

الباشا: هو مافيش فطار النهارده؟؟

انا:حاضر ياحبى عايز تفطر ايه؟

الباشا:يعنى هاتعمليلى كرواسوا اعملى اى ساندوتش افطر بيه وصحصحى كده امال هاتروحى شغلك ازاى

انا:شغلى معاده الساعه 9 حبيبى يعنى لسه بدرى قوى

الباشا:طبعا انت بتسمى لعب العيال ده شغل - هو ده حاجه جنب الى انا باعمله كل يوم ومطحووون فيه علشانكم

انا:ربنا يخليك ياحبى عايز حاجه تانيه؟؟

الباشا:حاولى تعملى اكل عدل على الغدااا وحاولى تخلصى وجع الدماغ الى بتعمليه مع العيال (قصده مذاكرة العيال)قبل ماجى البيت

انا:انت تأمر ياحبى ربنا يسهل ونخلص بدرى

الباشا:تخلصى ماتخلصيش المهم اجى الاقى البيت هاااااااادى ماشى اوروفوار

انا:وعليكم السلام

حد يقولى انا قولتله ايه فى وسط الكلام ده كله يخليه يعاملنى بالأسلوب المتعجرف ده

ايه الى انا غلطت فيه؟؟؟؟؟؟؟؟

المهم ارجع من الشغل واحضر الغداااا واحاول اذاكر للعيال فى النص وانا فى المطبخ شويه وفى الصاله شويه

دول 3 عيال فى مدارس لغات فى دبى (يعنى المدرسين مابيتكلموش عربى)

وكل حاجه فوق دماغى وانا ماكنتش مدارس لغات اصلا

بس اعمل ايه؟عامله زى الى بتحارب كل يوم ولازم تخلص اوتعمل هدنه قبل الباشا ماييجى

الساعه 6 والباشا على وصول ولسه باذاكر للكبير بتاعهم وقفلت الصغيرين

الباشا:اففففففففففف انتم لسه بتذاكرواا

انا:خلاص حبى قربنا هاحط الاكل وبعدين نكمل

الباشا:عامله ايه على الغداااااااااا انا مش شامم حاجه عدله (الله يرحمك يامامى سيبتينى ليه اتبهدل كده)

انا:حبى عاملالك فراخ مشويه ورز وكوسه فرن وسمبوسه وسلطه

الباشا:طيب (برخامه متناهيه)حطى الاكل لما نشوف

حطيت الاكل واكلنا والعيال خلصوا الكوسه وده بكل رخامه ابقى غيرى شويه فى عمايل الكوسه-كل مره هى هى

انا اتخنقت .....................اعمل لامه ايه؟؟؟هى الكوسه هيتعمل فى امها ايه غير كده او محشى-حاجه تخنق

الباشا:انجزى بقى وشيلى السفرة واعملى لى حاجه اشربها وخلصى مذاكره ونيمى العيال مش عايز دوشه

انا :حاضر ياحبى مش عايز حاجه تانى

برخامه اسخم من الاول : لأ لو عزت حاجه هاقولك يعنى انت هاتروحى فين

المهم اخلص العيال واعشيهم وانيمهم الساعه 9 وده كأنوا مش معانا قاعد على اللاب توب وفاتح النت وفى دنيا تانيه

ااقول فى عقلى يابت بلاش نكد سيبيه براحته يعنى لو كان معلق مع واحده تانيه هتاخد منه ايه ده معندوش اكتر من الرخامه

اهى هتتخنق بدالى شويه - ده لو استحملته اصلا ومانتحرتش او خرطته للوز...............

الباشا: خلاص ناموا اخيرا هارتاح من الدوشه - قومى اعملى حاجه حلوه بقى

انا: ايه انا لسه قاعده ارتاح طب ماقولتش ليه من الصبح

الباشا: طبعا مانا مش مهم الى تعبان وطلعان عينه من الصبح علشانك وعلشان ولادك - الى معيشكوا فى مستوى تحلم بيه اى واحده

ومش مخليكى عايزة حاجه - يعنى انتى بتعملى ايه من الصبح - شغلك الدلع ده الى مايأكلش عيش ومالوش لازمه - ولا طبيخك المالوش

طعم ولامذاكرة العيال الخايبه - ده انا مريحك ودخلهم مدرسه بقد كده وبادفع فيها مبلغ وقدره - هو انت حاسه بحاجه؟؟؟

انا: كتر الف خيرك ياحبى - ربنا يخليك لينا - حققققققققققققققققققققققققققققك عليا تحب حلو ايه؟؟؟

الباشا: بعد ايه - افففففففففففف - اعمل لى بروفيترول نفسى فيه

انا: مين انت قلت عايز مين؟؟؟ ده ايه بالضبط ياااااااااحبىىىىىىىىىىىىىىىىىىىىىى ( بخنقه جامده قوى)

الباشا : الله يرحمك يامامااه

انا : الله يرحمها ويرحمنى انا كمان

ودخلت نمت وسيبته وانا خلااااااااااااااااااااااااااااااااص حاسه ان رقبتى بقت قد الزرافه من

كتر الخنقه - لو سمحتم ياجماعه الى يعرف البريفترول ده ايه يقولى

مخنوقه جدا








35 التعليقات:

زوجه يقول...

لاحول ولا قوة إلا بالله
انت اللي حبته لنفسك ياجميل
ربنا يكون في العوووووووووون
علي فكره احمد جوزي كان فكرني انا اللي عامله المدونه ديه وخصوصا انك مكنتيش كتبتي فيها ولا بوست
اما بخصوص جوزك مش عارفه
بس انا عن نفسي اللي كنت مضايقه منه في جوزي وزعلانه او بسببه كل مكون في المطبخ وبشتغل او فاضيه او مش جيلي نوم او راكبه العربيه استغفر واقول استغفر الله الذي لا إله إلا هو الحي القيوم واتوب اليه
وادعي ان ربنا يهديه ليه ويهديني ليه
اعملي كده وشوفي
وربنا يهديه
وكل سنه وانتم بخير

غير معرف يقول...

ممكن الاستاذه صبرنى هيا اللى تشرح البروفتول ده يبقى ايه..
بيتهألى انه عباره عن جيلى و حجات تانيه فوق بعضيها ما علينا
مبرووك يا ستى على المدونه ....
بعدين كل الرجاله كده بعد الجواز فرفشي
يعنى لست وحدك ف عالم المخنوقات فيه كتير زيك
حتى الاخت زوجه جوزها افتكر ان الكلام عنه
ههههههه
ربنا يعينكوا علي ازواجكم
اخترعى له اى حاجه و قوليله ده بروفترول جديد

صبرني يارب يقول...

عيب عيب عيب

تطلبي وصفه كده وانا موجوده
عينى يا يا روح قلبي

بس ابوس ايدك خليها بعد العيد
او حتى فى العيد اصل انا مزنوقه اوي يا جميل

وواخده حقنة كتافلام عشان انضف الشقه والى فاض من اليوم قلت ابص عليكم على ما صوص الشيكولاته الى على البوتجازي يتعمل


طبعا انتى غلطتى فى حاجه مهم اوي اوي اوي

انك من اولها وانتى حاسه انه فعلا اتنازل واتجوزك

وده عظم عنده الاحساس ده

شوفي يا داليا لو ما كنتيش معتده بنفسك
ما حدش اصلا هايعتد بيكى ولا يقدرك

قدري نفسك اولا والناس يشوفوكي من خلال عنيكي انتى

انتى بتتعبي زيك زيه واكتر شويه

ولازم هو كان يسمع الكلام ده دااااااايما

هو يا فندم مكلف شرعا ورسميا انه يصرف عليكى وعلى ولاده نفر نفر

ولااااااااااده

ولاااااااااادكم
ولادك انتى لوحدك لا يا فندم


لما يبقى ابنه ده عنده 20 سنه هايقوله تعالى ساعدني فى الشغل

يبقى كان الاولى هو يساعده فى المذاكره برضه

مش يبقى وظيفته انه يكون بنك

اوعى تفصلي جوزك عن البيت والعيال

وتشيلى انتى كل حاجه

اولا مش هايحس باي حاجه بتعمليها خااااااالص


ثانيا بعد فتره هايكون له عالمه الخاص الى يشغله عنكم

ومش بعيد بجد يشوف واحده تانيه يحبها عشان انتى مش فاضياله

وتكون بتعرف تعمل بالفترول

بصي يا جميل نصيحه مني زي ماهو بيعدلك كل يوم متاعبه وشغله الى يا عينى قاطم وسطه ومخليه يرجع يقعد على اللاب توب
انتى كمان قولي زيه

ولو سفه من قدرك وعملك ازعلي

ولو ما ارتدعش حيث انكم فى غربه
وانه لو غبتي عنه يوم هايحتاس

يبقى اخر حاجه تلجأي لها لو ما ما بطلش يضايقك انك تضربي عن العمل

اها
تسبيله العيال فى رقبته يومين حبذا لو كانوا يومين اجازه عشان العيال ما ينضروش اوي

ولاااااااازم لاااااااااازم يعترف بتعبك وفضلك


والبلفترول عينى يا جميل ده سهل على فكره جداااااااااا

بعد العيد هانزله ليكى بالتفصيل والصور كمان على الاقل فى المرحله الاولى منه

وهاعلمك شوية حاجات مامي ما كانتش بتعرف تعمله

قال مامي قاااااااااال


وما كنتش اعرف انك عملتى مدونه يا جميل

الف مبروووووووك

بنت الغربة يقول...

حبيبتى يازوجه- وشكرا قوى على مرورك الجميل -وصدقينى انا تعبت مع جوزى قوى بقالنا 12 سنه متجوزين وعن حب للأسف - لكن انا باحاول مكونش مقصره بس برضه مفيش فايده دايما يحسسنى انى مقصره- لغايه مبقيت مصدقه فعلا انى مقصره وصدقينى عمر الراجل ماهيقولك انت مكفيانى وزياده دايما لازم يحسسك انك مقصره فى حقه علشان متفكريش انه مقصر فى حقك - وربنا يهديهم كلهم -وكل سنه وانت طيبه

بنت الغربة يقول...

الى الاستاذ بيبرس شكرا على مرورك-الله يبارك فيك -انا نفسى تقولى اعمل ايه للباشا ده بصفة سيادتك زوج وعندك اولاد ومحتاجين لوجهة نظر رجالى- اما بالنسبه للبريفترول فصبرنى وعدتنى انها هتقولى عليه - كل سنه وانت طيب

بنت الغربة يقول...

حبيبتى ياصبرنى ياقمر - على فكره انا بحبك قوى مع انى ماشوفتكيش خالص -بس كلامك بيوصل للقلب - انا اتجوزته علشان بحبه وماما نصحتنى كتير ووالدى الله يرحمه كمان - لكن الحب تعملى فيه ايه - وهو مش كله عيوب لأنه مبياخدش حاجه من فلوس شغلى مع انى قلتله اساهم معاك رفض - انا الى الشغل بيغير روتين يومى وبيخلينى ارتاح شويه من دوشة العيال
-واحيانا باحس انه بيحبنى - بس مش عارفه اغير العنتظه والعنجهيه الى فيه دى-هاحاول اخد بنصيحتك ياجميل وكل سنه وانت طيبه-

لماضة يقول...

ايه البلوفر ده
لا مش اديكي اماره ليه ولو الجوازه وقفت عليه مش عاوزه اتجوز
:)

ربنا يهديه يارب ويصلحلك حاله
انا متاكده انه بيحبك زي ما انتي بتحبيه وبتحاولي ترضيه
ممكن فعلا يكون ضغط شغل عليه مخليه مقصر معاكم كده
الحاجه الوحيده الي تزعل بس
هو احساسك انك اقل منه
ربنا يارب يصلحلكم الحال
ومش مخنوقة ولا حاجه انتي زي العسل
كل سنه وانتي طيبه واهل بيتك بخير

لماضة يقول...

وعشان عيونك يا قمرايه انا جيت تاني
ودي طريقة عمل البروفيترول جبتها من النت والله اعلم
لسه قايمه من قدام الفرن اخد نفسي واقولهالك


بسم الله



البروفيترول


المقادير:-

كوب ماء

3/1 كوب زيت ذرة

2/1 1 كوب دقيق منخول

4/1 ملعقة شاي ملح ناعم

4-5 بيضات ( حسب الحجم يقل عدد البضات بكبر حجمها )

فانيليا ذرة


الطريقة :-

1) توضع المادة الدهنيه والماء في القدر المنحدر الجوانب ويرفع على النار حتى تبدأ بالغليان .

2) يبعد الاناء عن النار ويضاف الدقيق المنخول مع الملح دفعة واحده مع النقليب بقوة بملعقة خشب في اتجاه واحد ( حتى لا يخرج الهواء اللازم لرفع العجين)

3) يعاد الاناء على نار هادئه مع التقليب المستمر بقوة حتى تترك العجينة قاع الاناء على هيئة كره ( لمدة دقيقة فقط فاذا زاد الوقت ادى ذلك فشل العجينه)

4) يبعد الاناء عن النار وتترك العجينة حتى تهدء ( تكون دافئه)

5) يضاف البيض واحد واحده الى العجينة الدافئة مع التقليب بقوة بعد كل اضافة ( اما بملعقة خشب – او بالعجان )

6) يستمر اضافة البيض باحتراس حتى تكون العجينة ناعمة ملساء لامعة وعند رفع الملعقة الخشب لاعلى ينسحب جزء من العجينة معها على هيئة منقار الدجاجة ..

7) يضاف الفانيليا ..

8) تشكل بعد ذلك عن طريق استخدام كيس القماش المتين .. على هيئة كرات ..

9) يكون الفرن جاهز على درجة حرارة عاليه 200 مئوية .. في الرف العلوي للفرن .. وبعد مضي 10 دقائق على الصنف في الفرن تخفض درجة الحرارة الى 140 مئوية وتترك حتى تنضج لمدة 20 دقيقة .. مع تكون قشرة صلبة ذهبية اللون ..

ملاحظه ..

يراعى وضع الصنف في الرف العلوي للفرن فهذا من احد عوامل نجاح المنتج ويساعد على انتفاخه .. وكذلك لا يخرج الصنف من الفرن بعد استوائه .. بل يغلق الغاز ويبقى بالصنف داخل الفرن حتى يبرد من تلقاء نفسه (( اذا اخرج وهو ساخن ادى ذلك الا انخفاض المنتج وخروج الهواء منه ))

10) تخرق الكرات من الاسفل وتحشى بكريمة مناسبة للحشو من اختيارك

11) تعمل صلصة الشوكلاته ( شوكلاته خام مذابه مع 3 ملاعق قشطه او حليب سائل بالمقدار المطلوب ) تغط الكرات في الصلصه من الاعلى .. وترص في صحن التقديم

وبالهنـــــــــــــــاء



وبصي كمان على اللينك ده
فيه طريقة عمله بالصور تحفه بجد
اغرتني اني اجربه

لماضة يقول...

http://www.al-afdal.com/vb/t4646.html

معلش نسيت اللينك
:)
الجوع كافر

نعكشة يقول...

ربنا يعينك يا رب

هذة هي الحياة

هوه مفروض انك تعاملية حلو طبعا مهما عمل و تحتسبي الاجر و الثواب

بس متحسيش زي ما قالوا انك اقل منه

وبعدين اقل منه في اية
انتي ليكي دورك و هوه لية دورة

ربن يخليكوا لبعض يا رب دايماً



و يجعل اولادك الذرية الصالحة

كل سنة وانتي طيبة

عيد سعيد

سلام عليكِ

بنت الغربة يقول...

حبيبتى يالماضه انا متشكره قوى انك تعبت نفسك ودورتيلى على طريقه البريفترول- وانا ان شاء الله هاعملهاله بعد العيد ( مع انه خانقنى )بس اعمل الخير وارميه البحر
وادى الحب وسنينه -ويارب يكون بيحبنى زى مابتقولى -وكل سنه وانت طيبه ياجميل -وشكرا لمرورك ياقمر - داليا-

بنت الغربة يقول...

حبيبتى يانعكشه شكرا لمرورك وزيارتك الحلوه - والله انا عارفه انى مش ااقل منه بس اسلوبه المتعجرف هو الى بيحسسنى بكده- لكن هو فعلا مش مقصر معايا فى اى حاجه - ومش بخيل ابدا -بس خنيييييييييق قوى-لكن بحبه والحب بهدله

maiosha يقول...

سلام عليكم
أولا كل سنة وإنتى طيبة .. ومبروك على المدونة اللى ان شاء الله هتكون منفذك من عالم الخنقة زى ما عملت معانا كلنا

ثانيا .. فيه مثل بيقول جوزك على ما تعوديه .. واضح إنك عودتيه على الدلع

يعنى لما يضربك بالمخدة الصبح تصحى تقوليله صباح الخير يا حبى؟؟

عيب عليكى .. أنا عايزاكى تصحى ناكشة شعرك ومبرقة وتقوليله إيه .. بتضربنى ليييييييييييه؟؟ بصوت ولا صوت شمشون الجبار

يقولك ذاكرى للعيال بسرعة قوليلى قوم إنت ذاكرلهم أنا راجعة من الشغل تعبانة ولسه ورايا أكل

أصل مهما كان لازم الزوج يشارك زوجته فى البيت إنشاله حتى مشاركة وجدانية .. إنما مش يتقمر وخلاص

بس بجد ربنا يعينك ومستنيين باقى يومياتك المخنوقة

kochia يقول...

(`'·.¸ (`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)

bastokka طهقانة يقول...

طيب الساطور لزمته اية امال؟؟


كل سنة و انتم طيبين
و اوروفوار

بس خلاص ... يقول...

كل سنه وانتى طيبه وفرحت جدا بمدونتك لانى كان نفسى اتواصل معاكى من خلال تعليقاتك فى المدونات الاخرى ... بدون مجامله انتى انسانه فنانه يعنى مشاعرك رقيقه .. لكن الحياه الزوجيه تحتاج احيانا الى وقفه وان نضع بعض الخطوط الحمراء ... وعلى فكرة فعلا البروفيتول ده زى ما وصفته لماضه وممكن من نفس العجينه نعمل بلح الشام ...
بصى اعمليه وماتحطيش عليه بيض نهائيا هيبطل يطلب منك اى حاجة بعد كده ده حتى هينسى اسم الصنف ده نوهائيا ...اقولك اضحكى اضحكى ووووووووولايهمك يافنانه

غير معرف يقول...

ااخبار البروفتروول ايه اكيد الباشا اتغير بعد ما اكله
بس ايه ده انت اى حاجه بيطلبها بتنفذيها ايه الدلع ده!!!!!
امال احنا اطلقنا اسم الحكومه على الزوجه ليه؟؟؟؟ تفتكرى ليه
احنا بنقدم الطلب على ورق كلينكس مشفوع بتمن التمغه اللى هى مصاريف البيت
ارجع الاقى الطلب يتم فحصه لمده يومين تلاته و بعدين ممكن الاقى الورقه هى هيا ف التواليت او الاقى حاجه شبه اللى انا طلبته
بديل يعنى مش بيحوق
المم اقدم استفسار عن سبب رفض الطلب الاقى حته لويه بوز
انت مش شايفنى مشغوله بالاولاد يا رخم ده طلب تطلبه ف و قت زى ده
اسف اسف ماكنش قصدى اعكنن مزاج امك اصدى حضرتك
و كده
شفتى الاخوات كلهم اجمعوا على ان العكننه على الزوج هى علاجه وواحده بس قالت اين الساطوووورر
حلال المشاكل
بلاش منه حاليا حتى لا تزداد غربتك وو حدتك
و انا موافقهم تماما وبلا نقاش لان اى راجل بيبقى نافش ريشه الصراحه قبل الزواج و بعدين كل خنفسه اقصد كل زوجه ليها اسلوبها ف ترويضه و هو عموما زى اى طفل الموضوع مش معضل اى حاجه تفرحه و اى حاجه تزعله و عقابه هو الاسلوب الامثل لاى طفل شقى شويه
معلش طولت عليكى بس بقولك السر اللى عرفته ان مراتى تعاملنى زى ولادى علشان كده انا بدور على جضانه تانيه اكمل فيها دراساتى

بنت الغربة يقول...

حبيبتى ياميوشا كل سنه وانت طيبه الاول -كلامك صح بس ماينفعش اغير حاجه دلوقتى لان النكد فى البيت اول حد بيتاثر بيه الولاد ودول كبروا وبقوا بيفهموا - انا لقيت احسن حل اخده على قد عقله - واربيه مع العيال لانه ناقص ربايه -وربنا معايا

بنت الغربة يقول...

حبيبتى كوشيكا كل سنه وانت طيبه وشكرا لمرورك

بنت الغربة يقول...

حبيبتى ياطهقانه انا معنديش ساطور لو عتدك واحد اكسترا ابعته هولى - وكل سنه وانت طيبه وبلاش الفرنساوى لانى كرهته بسبب الباشا

بنت الغربة يقول...

حبيبتى بس خلاص انا متشكره على مرورك وربنا يخليك على ذوقك -انا حطيت خطوط حمراء من زمان لكن كلها بتدوب مع الايام والعيال والغربه - لكن الى بيفضل هو حسبى الله ونعم الوكيل

بنت الغربة يقول...

استاذ بيبرس اولا كل سنه وانت طيب انت والمدام والاولاد -بالنسبه للبريفترول فالحقيقه لسه معملتوش لانى كنت مشغوله جدا فى العيد - يمكن بكره او بعده -اما بالنسبه لمعاملة الباشا زى الاطفال فدى حكايه انا اكتشفتها من زمان - انت لو خدت بالك هتلاقينى باخده على قد عقله كتير ومبقتش اناقشه لان المناقشه معاه غير مجديه بالمره - وقلتها احسن لانى مش بحب النكد فى البيت - وربنا يكون فى عون كل الزوجات ومنهم اكيد مراتك -وبلاش تدور على حضانه بره البيت لان المس الى عندك هى الى فاهماك كويس
قوى وصعب تلاقى مس تانيه تفهمك زيها- وربنا يهدى

غير معرف يقول...

خلى بالك حضرتك لان الحضانات كتيره ف دبى على ما اعتقد

صبرني يارب يقول...

ليكى تاج عندي يا جميل تعالي خوديه

بنت الغربة يقول...

استاذ بيبرس اكيد دبى فيها حضانات كتيره وانترناشونال كمان - بس مفيش انظف ولا أأمن من حضانة البيت -لانها شرعى وأكلها نظيف مش بيعف عليه الدبان

واحدة مفروسة يقول...

تستاهلى
هههههههههههههه
وش مطلع لسانة
بقى كل ده يا حبي
و يا حبيبي
و يا حبي
اييييييييييييييييييييه
مش كدة
كفاكي دلع يا بهانة

جوزك على ما تعودية
سامعة؟؟؟
ايه ده ستات آخر زمن مش عارفه تمشي اجوازها
و بعدين هوه انتو مش عندكوا دليفري فى دبي
هوه تليفون ان شالله منتصف الليل
و اطلبي لبن العصفور
مش بروفيترول
تؤتؤتؤتؤتؤ
انتى زعلتيني منك كدة
لازم يكون عندك شخصية
لازم يكون ليكي كلمة
اذا كان هوه باشا
فأنتى ملكة



ثواني جوزي بيندهلى
ايوه يا حبيبي حالا الشاي جي
اوروفوار حقوم اعمله الشاي
ههههههههههههههههههههه

عاشقه وغلبانه يقول...

كلنا شايفين المر ياختي والله
هههههههههههههههههه
ماتزعلش نفسك ياجميل كله بيعدي
وشكله بيحبك والله بس هو حته العيله المالكه دي تعباه شويه
اعمليلك شخصيه
بلا خيبه انا بقول ايه مش اما اعمل لروحي الاول
ههههههههههههههههههههه
قولي حاضر وطيب
انا مره من ذات المرات بيقولي اعملي كذا قولتله ربنا يسهل
تصبحي علي خير
وانت من اهله
غلطش انا يابشر
لاقيتلك ده بيقولك ربنا يسهل وانت من اهله
ماشاء الله ع الردود
هههههههههههههههههههه
قولي يارب
تحياتي

من غير عنـــوان يقول...

ألذ حاجة في كل البنات اللي هنا: إن دمهم عسل وشربات

وطبعا كلهم ملايكه وبجناحات كمان

واضح إن الموضوع هزار في هزار

وكل واحده منكم متهننه ومبسوطه

وإلا ماكانش يبقى عندها وقت ولا حرية للبلوجات والكلام الفارغ ده

(:

بصي يا ستي

الراجل عيل صغير ده صحيح
الست مهمتها أصعب من الراجل بكتييييييير جدددددددا

ليه:
عشان الراجل كل مهمته الأساسيه إنفاق وأمان
والست ما تعديش وكلها حاجات معنويه غير ملموسه
صحيح وبجد مانقدرش نستغنى عنكم

لكن حتعملوا إيه
مهمتكم صععععععبه

يعني لو عملتي بروفيترول بكره حيبقى نفسه في سوفليه

(حلوه سوفليه دي)

القصد كويس إنه بيقول وأحسن من اكويس إنك بتحاولي تعملي

إنما هي كده الحياة من غير خنقه ماتنفعش
عشان يبقالها طعم

نقطه هامه جدا
عايزك تفكري:
الست المخنوقه ... نصيبها كده
وغالبا ما تقدرش تغيره

طيب والراجل المخنوق... يعمل إيه مع إنه يقدر يغيره بطريقه أو بطرق كتيره منها الحلال ومنها... النص نص

ومع ذلك هو مغلوب على أمره أكتر ،لأنه في سبيل أولاده بيسكت ويتخنق ويموت بدري عن الست( الحكاية دي معروفه)

ربنا يهدينا ويهديكم

أمنياتي

أصلي مش عايز أطول عليكي
بس أنا كمان..............مخنوق

جسر الى الحياة يقول...

هههههههههه..بسيطة قوليله اللى نفسك فيه اشتريه من بره.. هو انتى لازم تكونى قاموس طبخ وحلويات لاء بجد خنقة تخنق حقيقي

sticker يقول...

womens handbag
womens handbag
fashion handbags
fashion handbag
handbags uk

غير معرف يقول...

福~
「朵
語‧,最一件事,就。好,你西.............................................................................................................
..................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘

ويكا يقول...

بصى يا بنت الغربه
مبدأيا انا اسف انى بعلقلك على اقدم بوست عندك ، بس اتمنى انك تعتبرى ده اهتمام .فالبوست جميله بجد وانا حابب اجيبها من البدايه.
بص يا جميل
بما انى من عالم الرجال ، وحاسس انك ممكن تكونى مراتى فى الاخر فعايز اقولك شوية حاجات اغلب الستات ما يخدوش بالهم منهاالا وهى :
الراجل فعلا بيبقى بيحب مراته ، بس هو متجوزها ليه؟
علشان هيه انثى وهو راجل
يعنى عايز مراته دى تفضل البنت اللى كانت دلوعه واموره و شيك
عايزها كل يوم بجديد ، عايز يدخل من الشغل والتعب والقرف يلاقى راحه ومتعه وتسليه .
ده مش معناه لا سمح الله انها حاجه للتسليه والمتعه زى اللب كده لاء طبعا.
بس علشان هيه الحته البسكوته اللى فى حياته واللى هوه حاسس انها الجانب الحلو اللى فى حياته .

وده اللى بيبان جدا فى خنقته وزعيقه وتعليقه دايما انه عايز لما ييجى يلاقيكى مخلصه كل حاجه بتبقى شغلاكى (طبيخ ومذاكرة للعيال) والكلام ده كله.
بس كبرياءه بيمنعه من انه يقولهالك بصراحه (افضيلى وخليك اموره وجميله زى ايام ما كنت عايز اجوزك) + كمان انه عايز الكلام ده يجى منك لوحدك لان ده بيبقى احلى بكتير .
ونصيحه اعملى باللى بقولهولك احسن ما تفاجئ بواحده تانيه قاعده على حجرك
تحياتى (جوزك) سورى اقصد زى (جوزك)

sara يقول...
أزال المؤلف هذا التعليق.
sara يقول...
أزال المؤلف هذا التعليق.
sara يقول...
أزال المؤلف هذا التعليق.