THOUSANDS OF FREE BLOGGER TEMPLATES

الخميس، مارس 21، 2013

اصدقائى الاعزاء....
صحيح احنا ماتقابلناش خالص...بس تقريبا عارفين عنى حاجات اكتر من اللى بيشوفونى كل يوم...
انا حالتى النفسيه حاليا مش عارفه اسميها...
بس اكيد مش كويسه نهائى...
بس عادى...ده رد فعل طبيعي للصدمه النفسيه اللى اخدتها...
بعد عشرة 15 سنه...اكتشفت انى مغفله...ايوة...مغفله..
للاسف تعاملت مع شريك حياتى بصدق وشفافيه وثقه مبالغ فيها..
ومش ندمانه على حاجه قد سلامة نيتى معاه...
حاليا ...
انا عايشه معاه زى الممثله....بامثل عليه كل حاجه...
من كتر الكدب اللى كدبه...والحلفان اللى بيحلفه كدب..
بقيت....مش باحترمه...ولا باثق فيه...ولا حاسه معاه بالأمان...
هتقولولى طيب مكمله معاه ليه...
علشان ولادى...مالهمش ذنب فى كل اللى جرى...
وعلشان انا مش ماسكه دليل مادى...
وعلشان امى واخويا واخوه...كلهم قالولى حاولى تانى..
هاحاول تانى...
بس انا داخليا ممزقه...
هو مصر على الكدب...ومصر انى اصدق كدبه...والغى عقلى
علشان البيت مايتخربش..
بس مش عارفه ايه تعريف خراب البيوت...
يعنى انا هافضل كده لغاية امتى...هل تمثيلى هيجي على وقت
واصدقه...هل هيفيض بي واهد المعبد على اللى فيه...
او الاسوأ...
انى اضعف...وأرد له القلم قلمين...
فعلا مش عارفه...
اللى عنده حل ...ياريت يقول لي...قبل ماتجنن...

27 التعليقات:

E73 يقول...

إممممممممم

الموضوع له علاقة بالخيانة؟!!

احساس المرأة لا يخدعها لكن على قد فهمي "دا لو فهمت صح" انك مش عارفة تثبتي احساسك

مش هقدر اقنعك بحاجة انا مليش خبرة فيها لكن لو حاسة ان "رغم كذبه" بطل الحاجة اللي كان بيكذب عليكي فيها

اديله فرصة تانية

موناليزا يقول...

صدقيه
واستمتعى بكذبه عليكى ومحاولته المستميته فى إخفاء الأمر .
لكن ماتكذبيش إحساسك
مش هقولك دورى وراه
بس هقولك خليكى معاه للآخر
لغاية ما تيجى لحظة الكذب فيها يبان وتواجهيه مواجهة صريحة
وتشوفى كسرة عينيه
ووقتها هتقدرى تقررى

ستيتة يقول...
أزال المؤلف هذا التعليق.
حنعيش يعنى حنعيش يقول...

علشان انا مش ماسكه دليل مادى...؟؟؟
اننا ندمر حياتنا لمجرد الشك ....ماشى انت مش شاكة ... انت متأكدة ... ليه بقى ؟ ... ليه بيعمل كدة ... جاوبى على ليه اجابه غير الرجاله خاينين ... وغير يا مأمنه للرجال يا مأمنه للميه فى الغربال ...وغير برة وجوه فرشت له وهوه مايل وايه يعدله .... جاوبى بصدق حتى لو كانت الاجابة مش فى صالحك ... كلمة اخيرة ... لما الراجل يلعب بديله ... تلاقى الست ترد بكل قوه ... ليييييه انا مراعية بيته وعياله ... ومابيتجيبش سبرته خالص ... جميل جدا فيه شركات تقدر تراعى البيت ... وفيه حضانه تقدر تراعى العيال ..... وبرضة خلى بالك فيه ستات بتقدر تراعى الرجاله ...وانت ياجميل الخسران ....

eng_semsem يقول...

احيانا تغيير صغير فيكي يجبره على التغيير اللي انت عايزاه
احيانا حرصك على بيتك وعيشتك تجبره انه يبعد عن اللي ممكن يهد البيت
احيانا بنكون مجبرين على الاختيار الصعب لانه الافضل والاصلح للبيت
اختيار الانفصال خليه ابعد الاختيارات اللي يوم ما تعمليه تكوني مجبره عليه مش اختيارك لانك مش هتكوني احسن فيه ولا هيكون هو احسن والاولاد هيضيعوا في النص بينكم
تحياتي

بنت الغربة يقول...

هنعيش يعنى هنعيش
انا رديت عليك بس علشان اسالك...لو انا كنت كتبت انى باحب واحد تانى على جوزى وباكلمه فى الموبيل وباقابله من ورا جوزى...كان ده هيبقى تعليقك على البوست...
وعموما ...
انا مش ملااك...واذا كنت فاكر انى مش مهتمه بيه او مش مراعياه او شكلى مش مقبول ومقضيه ايامى معاه كلها فى التنظيف والمسح والطبخ...تبقى حضرتك غلطان...
احنا ماديا الحمد لله مستريحين..يعنى انا باجيب اللي ينظف البيت..وممكن اجيب اللى بتطبخ لولا انه رفض انه ياكل من ايد الشغاله...بس الاكيد انى مش هاجيب اللى يربيلي ولادى...
واذا كان قصد حضرتك انى مش مراعياه فى حقوقه الزوجيه او مش بخبرة الستات اللى بيعرفوا يهتموا بالرجاله...فانا تلميذه فى مدرسته..وهو اللى معلمنى ازاى اسعده..لانه واخدنى خااام...وكانت اي اجتهادات جانبيه منى بيقابلها سؤال انتى عرفتى الحاجات دى منين..وخناق طبعا..
واخيرا ماعتقدش انى هابقى الخسرانه الوحيده فى عشرة 15 سنه مافكرتش فى راجل تانى غيره..مع ان محاولات الرجاله مابتخلصش ...لانى على قدر من الجمال...
وبرضه مابقولش انى ملااك...اكيد لي اخطائى ...بس الاكيد انى عمرى مافكرت فى الخيانه..
ولو انا اللى هابقى خسرانه...فعلى الاقل هاكسب كرامتى...ولى رب يجيب لي حقي...

P A S H A يقول...

بصي اللي أنا أعرفه أنه لو مش بيحبك وشاريكي ما كانش فضل معاكي خمستاشر سنة حتى لو انتي ملكة جمال الكون وبنت أغنى الأغنياء .. الراجل على فكرة ما بيتربطش .. لا عيال ولا مؤخر ولا الكلام ده كله بيأثر فيه لو عاوز يخلع .. لأنه ساعة ما بيفيض بيه هاتلاقيه اتبخر وساب لك الجمل بما حمل .. واضح إنك بنت ناس ومحترمة وبتحبيه وباقية ع العشرة بس ممكن تكوني غيورة شويتين وهو كمان ممكن يكون معجباني شويتين تلاتة وبيحب يشوف تأثير سحره وجاذبيته ع الجنس اللطيف .. بس ف الأخر مرده ليكي .. الخلاصة .. أديكي فضفضتي بالكلمتين اللي خانقينك وخلاص الموضوع خلص .
وبعدين بلاش الكلام الرخم بتاع الانفصال والخيانة – استعيذي بالله من الشيطان الرجيم
ربنا يصلح ما بينكم

shimaa elkholy يقول...

اوعييييييي تخسري نفسك واخلاقك بدعوى ترديله القلم وتعملي زيه اطلاقا مهما كان الي عمله
وطبعا انتي الوحيده الى تقدري تحددي ايه الى ممكن تستحمليه عشان خاطر ولادك وايه الى فوق احتمالك

حاولي تنسي وتتجاوزي عن السقطه دي انا عارفه انه صعب لكن انتي بتحبيه وده ممكن يخليكى تسامحيه
اديله فرصه اديله ثقه تاني كمان مره وشوفي هايعمل ايه
بس ما تخسريش حياتك كلها عشان حاجه قد تكوني انتي فعلا غلطانه فيها
وقد تكون حاجه هبله اصلا ما تستاهلش كل القلق ده وهيافة رجاله مثلا
ازمة منتصف العمر ومحاولة استرجاع شباب هبله وخايبه
يمكن يتخطاها لو انتي تخطتيها
حاولي الامر يستاهل المحاوله

shimaa elkholy يقول...

د اسلام ردك في تجني واتهام لها .. ولاي واحده جوزها عينه زايغه او مخه تعبان وحب يتهايف على كبر او هو اصلا راجل وسخ انها مش مراعيه جوزها ومش مكفياه وده فيه اتهام مباشر لانوثتها غير مقبول اطلاقا
الراجل ممكن يكون الست الي معاه زي الفل لكن هو الى ابن كلب عادي يعنى بتحصل فياريت ما تديش مبررات لكل حاجه وتطلع الست هى الى مقصره وغلطانه على طول الخط كباقي المجتمع المحترم

الشتيمه في الرجاله دي يا مخنوقه مالهاش علاقه بجوزك

Paws & Whiskers Chronicle يقول...

انا حابه اكون صديقه ليكي لان الحال من بعضه بس انا متجوزه من سنتين وجوزي بخيل مع انه مليونير وعايشه اتعس ايام حياتي دا غير انه مريض نفسيا وغير قادر علي الاحساس بالسعاده وحابسني ف البيت بسبب حاله الانفلات اللي ف البلد ومش عايزه اسيبه عشان ابني مايترباش من غير اب
ولو قعد لحد ااسنه الجايه اعد ف عيوبه مش هاتخلص كذب وكلام ف التليفونات مع ستات مع انه من بدايه الزواج لا يطلب ابدا العلاقه الزوجه مع اني حلوه وجسمي جميل ونظيفه ومغريه وكل حاجه
سببلي المرض البدني والنفسي
ارجو انك تقبليني صديقه واخت ف هم زي همك واكبر بكتتتتتتتتتتير

غير معرف يقول...

كونى صريحة معه ... ان لو هذه الامور ايا كانت مسماها تكررت و لو عن طريق الصدفة وانك شفتيها يبقى ساعتها تتخلى عنه وتعيشى لاولادك
===
لكن موضوع كسرة العين والكلام ده مش هتبقى عيشة

====
اما ان نصفح او نسامح واما لا

اسم الشهره _nanny يقول...

يظل الكذاب يكذب حتي يصدق نفسه
اسمعي
احلي حاجه انك تتصلحي علي نفسك داخليآ والا حتكوني انتي الخسرانه وهو اجعليه كدميه لا اكثر
غيرك عملها كتير!!!
لكن لا تنسي لا تقصري في اي حق من حقوقه ليس من اجله
بل من اجل رضا الله
ولكي ولي الجنه باذن الله قولي امين

اسم الشهره _nanny يقول...

يظل الكذاب يكذب حتي يصدق نفسه
اسمعي
احلي حاجه انك تتصلحي علي نفسك داخليآ والا حتكوني انتي الخسرانه وهو اجعليه كدميه لا اكثر
غيرك عملها كتير!!!
لكن لا تنسي لا تقصري في اي حق من حقوقه ليس من اجله
بل من اجل رضا الله
ولكي ولي الجنه باذن الله قولي امين

اسم الشهره _nanny يقول...

يظل الكذاب يكذب حتي يصدق نفسه
اسمعي
احلي حاجه انك تتصلحي علي نفسك داخليآ والا حتكوني انتي الخسرانه وهو اجعليه كدميه لا اكثر
غيرك عملها كتير!!!
لكن لا تنسي لا تقصري في اي حق من حقوقه ليس من اجله
بل من اجل رضا الله
ولكي ولي الجنه باذن الله قولي امين

غير معرف يقول...

مدام, انا عايزة اقولك حاجة من واقع خبرتى مع ماما, اللى كانت فظروف زى ظروفك و اسوء. اولارك هيتعذبوا اكتر بكتير فى بيت مفيهوش ثقة, مفيهوش حب, و كل مدى هيبقى اسوء. هتكونى خسرتى حياتك مع حد مبتحبيهوش, و نفسية ولادك هتتاثر جدا, و يمكن دا ياثر فى حكمتم على الاخرين, و حياتهم الزوجية بعد كدا, و دا اللى بيحصل معايا. يا ما اتمنيت, لو كانت ماما خرت الخطوة, و واجهته و سابته. بس متتصرفيش اى تصرفى, الا لما تكونى واثقة مية فى المية, هو ببعمل ايه من وراكى.

Unknown يقول...

عاوز اقولك متتخذيش اى قرار طالما انتى لسه مش متاكده او لسه مش معك دليل مادى انما لو شكك ده اصبح حقيقه واضحه اعتقد ان افضل حل فى الوقت ده انك تنفصلى عنه وده هيكون افضل الحلول اللى حضرتك ذكرتيها من انك تستحملى عشان البيت والاولاد ومن انك تردى له القلم بقلم اجمد ... وربنا يصلح ذات بينكما ان شاء الله

غير معرف يقول...

ليه نزعل،مدام أولاد ك بخير وانت علاقتك،بربنا حلوةًًًيبقي تعيشي سعيده حبي الحياه

غير معرف يقول...

انتي فين يا مخنوقة ؟

سعيد وحشة يقول...

السلام عليكم

تحيااتى لكِ وللجميع

لا تستسلمى للشك فالشك قاتل وهادم للحيااة بأسرهاا
أعلم مدى صعوبة الأمر عليكِ ومدى قسوته
لكن فى النهاية لا تهدمى الحيااة بمجرد الشك
من كثرة الشك يتكون اليقيين وربما يكون يقيننا زائفا وستجدى نفسك لا تصدقى حتى عقلك أو قلبك وتصبحى اسيرة لهذا الشك فى كل شىء حتى فى أنفاسه فى تحركاته فى خروجه ودخوله فى كل ما تتخيلى

لا أستطيع أن اصف تلك الحالة لأنها تخصكِ أنتِ فقط ولا تخص أحدا آخر
حاولى أن تتغلبى على هذا الشك بقربك أكثر من أبنائك وبقربك من زوجك حتى لو رغما عنكِ ولا تسلمى نفسك للكذب فهذا الكذب حتى ولو فى امور بسيطة يصبح عادة فتخلصى من تلك العادة السيئة الضارة , لابد أن تصارحى نفسك قبل أن تصارحى زوجك
وقتها ستهدأ سريرتك وربما تدركى حقيقة العلاقة
فعلاقة الزوج بزوجته شراكة فى كل شىء
قد تكون الحيااة قاسية فى أمور كثيرة ولكن هناك دائماا أمل يطرق الأبواب
ربنا تكون الهداية له قريبه ولكن عليكِ أن تحاولى أنتِ أولا



خالص تحياتى وتقديرى
وتمنياتى لكِ بحيااة هادئة

Unknown يقول...

thx

كشف تسربات المياة
غسيل خزانات
شركة نظافة عامة

essam allam يقول...

اجمل اوقات و احلي اصدقاء تشرفت بهم في عالم التدوين

Unknown يقول...

كلام سليم

Unknown يقول...

مكافحة حشرات

Unknown يقول...

خصومات شركة ركن السرير في الدمام  

Unknown يقول...

Hello every one we are the CSS Foundation we are known as the best website desighning company.Website design company in Dubai

Unknown يقول...

This article is very helpful, I wondered about this amazing article.. This is very informative for UPSC coching
Best UPSC Prelims Daily Quiz

Unknown يقول...

Are you finding the best and top builders in Noida that can provide you the best and cost effective flats at the best location. Connect with Exotica's Housing for completing your dream house. top real estate builders in noida extension