THOUSANDS OF FREE BLOGGER TEMPLATES

الخميس، أبريل 30، 2009

احلى عيد ميلاد لمخنووقه...وخنقه ..بخنقه...




احلى تورته لعيد ميـــــــــــــــــــــــــــــلاد مخنوووقه

ودى مليااااااااااااااااااااااااانه ورد من اللى بتحبه مخنووووقه


ودى لونها بتمووووت فيه مخنوووقه ....


السلام عليكم الاول....

انا متشكرة جدا جدا لكل اللى هنونى بعيد جوازى ..وبعيد ميلادى ..خصوصا ستيته حبيبتى ..
دى كانت اول واحده تهنينى بعيد ميلادى ..ونونى كمان و..جودى الامورة..


وماتزعلووش اذا ماكنتش رديت على تعليقاتكم الجميله قوى دى ..لانى بصراحه ..ردودى هتبقى شبه بعضها


وانا مش بحب كده ..بس ليكم كلكم الف مليوووون شكر ياعساسييييل..ونردهالكم فى الافراااح بأذن الله....


وغير كده كان نفسى ااقولكم خبر حلو ..وهو انى اشتغلت ..بس للأسف ماكملتش فى الشغل غير 5 ايام بس..


وده بسبب ان الشغل اللى جالى كان فى منطقه اسمها ..جبل علي..ودى بعييد عن البيت بحوالى ساعه وشويه


بالعربيه...وطبعا الباشا رفض فى الاول ..بس انا اصريييت..


قالى ماشى يامخنوقه ..روحى وجربي..


وياريتنى سمعت كلامه من الاول....بس انا خنيييقه اعمل ايه ....ماقدرتش اكمل غير 5 ايام بالعافيه


وتعبت من السواقه ..ساعه رايح ..وساعه جاى كل يووووم....


ومانابنى غير انى اخدت مخالفة رادار....حاجه تخنق بجد...

انا بصراحه اتشائمت وقلت ااجل موضوع الشغل ده لغاية لما ارجع من اجازة الصيف فى مصر
ونشووف لينا عيش فى البلد دى ولا لأ....
المهم نرجع بقى لعيد ميلادى الجمييل علشان اكييد عايزين تعرفوا حصل ايه ....


بصراااحه الباشا يومها صحانى من غير مخده ..وقالى كل سنه وانتى طيبه يامخنوقه...


ولقيته راجع بالليل وجايب معاه تورته حلوة قوى ...وقالى البسى ...هاوديك مكان اول مرة تروحيه...


انا بصراحه فرحت قوى .وقلت ايه الهنا اللى انت فيه ده ياقلبى...

ولبست واتشيكت كده وخرجت انا وهو برضه من غير الاولاد ...ورحنا مطعم شيك جدا وفيه كاريوكى...
ودى فعلا اول مرة اروح مكان زى ده ..


وشويه لقيت كيمو وبيبه جم ...وقعدوا معانا ...والمكان ملياااان مزز رايقه قوى ...وانا وبيبه تقريبا ...
اللى لابسين هدووووم.....اما الباقى تحسوا كده انهم نسيوا يلبسوا اللى فوق او اللى تحت ..
واحياناااااا الاتنين....
وفجأتن كده لقيت الامورة اللى بتاخد الاوردر عارفه الباشا وكيمو كويس قوى...
وبتساله زى كل مرة يافندم ...؟؟؟؟

يعنى الباشا وكيمو مقيمين هناك وانا مااااعرفش .....
قلت فى بالى يابت عديها وبلاش خنقه ...ليكى بيت اخنقى امه فيه.....
بس واحنا قاعدين ..لقيت كل الموجودين بيغنوا كاريوكى ..والميك فى ايديهم وهم قاعدين ...
يعنى مش ضرورى يطلعوا على اللستيج....
واصوات مايعلم بيها الا ربنا ....بس علشان مزز رايقه ..كله بيسقف....
المهم قعدنا واتعشينا هناك ...
وشويه لقيت بيبه بتقولى ...
بيبه : مخنوقه ..هى الساعه كام ؟؟؟؟ مش 9 برضه.؟؟؟
انا : تقريبا ...ليه ..؟؟؟ وراكى حاجه ..؟؟؟
بيبه : لأ اصل لقيت كل شويه كيمو بيقول للباشا ...بص.الساعه 3 ..وبعدين لأ الساعه 6 ..وشويه الساعه 12
ومش عارفه ايه موضوع الساعات دى ....
قعدت اراقبهم شويه كده ...,بعدين للأسف الشديد فهمت قصدهم ايه ....
واكيييد اكيييد معظم الرجاااله اللى بيقرواا فهموا قصدهم ايه ....مش كده ...؟؟؟؟
والظاهر ان الباشا نسي ان خلانى كلهم ظباااط واكيييد المعلومه المهمه دى انا عارفاااها ....
وهى ياسيدااات يامحترمااات ..انهم بيبصوا على المزز من خلال وضع ارقام الساعه...
يعنى الساعه 3 يبص ناحية اليمين ...والساعه 9 يبص ناحية الشماال ...

والساعه 12 يبص قدامه ....والساعه 6 يعنى ورااه ..وهكذاااا ....فهمتم..علشان لو اتعملت فيكم تبقوا عارفيين..
وانا فهمت بيبه الحكايه ...وقبل ماتعملنا مشكله ..قلتلها نردها لهم ...
وعملنا زيهم بالظبط ...( بس بأمانه ربنا ماكناش بنبص على حد )..عملنالهم قلق وخلااااص...
وكل شويه ..تقولى على ساعه ..وابص ..وااقولها ...يااااه دى ساعه حلوة قوى ...
واحياانا دى ساعه طوييييييله قوى ..لغاية لما البهوااات خدوا بالهم ....وسألوونا ...
الباشا : ساعة ايه اللى طوييييله دى يامخنوووقه..؟؟؟؟
انا : ساعة ايه ياحبى ..انت ودنك معانا ولا أيه ...؟؟؟ده انا وبيبه بنهرج..ههههههههههه
الباشا : بتهرجواااا..؟؟؟؟ ازاااى يعنى ..؟؟؟ احنا اتاخرنا قوى ..ياله نروووح.....
انا : ليييييييييييييييه ..؟؟؟ ده حتى القعده احلوووت قوى ...مش كده يابيبه؟؟؟
بيبه : قوى يامخنوووقه ..خصوصا الساعه 10 ..ماحصلتش..ههههههههه..

الباشا : لأ القعده بقت صداااع قوى ...ياله يامخنوووقه نروووح..


وروحنا ..بس بصرااحه فرحت انه طول السكه عماال يلف ويدووور ويعرف انا وبيبه كنا بنبص على مين ؟؟؟؟ومش راضى يسألنى بصراحه..علشان مايغلطش نفسه....
او يبدأ خناقه...بس برضه ماريحتووش...علشان يعرف الموضووع ده بيضايق قد ايه...وعلشان يفهم بعد كده انى مش هبله ...وممكن احرق له دمه بمنتهى الهدووووووووووووووووووووووء....
بذمتكم مش التورته دى احلى لعيد ميلادى ...............

63 التعليقات:

احساس طفلة محبة للرومانسية بس واقعية يقول...

.وممكن احرق له دمه بمنتهى الهدووووووووووووووووووووووء

هاهاهاهاهاهاهاهاهاها
لا مش ممكن يا مخنوقة

انتى وبيبة جننتوهم خالص
بس بصراحة عندكم حق
وبجد تصرف منطقى وهادى
وهم يستحقوا
يستحقوا
يستحقوا

بس ابقى راعى بعد كدا للباشا
شوفى هيخرج فين وحاسبى من كيمو كمان

كل سنة وانتى طيبة يا مخنوقة
وعقباااال 1000 سنة
وانتى بصحة وخير وسعادة

تقبلى مرورى

غير معرف يقول...

ههههههههههههههه
ههههههههههههههههههه

اه منك انتي

جدعة يابت

اولا كل سنة وانتي طيبة ياقمر

ابقي انتبهي عليه ياختي بعد كدا واسأليه هو بيروح فين وبيجي منين
وبيني وبينكم الرجالة معظمهم كدا لما يشوفوا مزز ومن غير هدوم يلزقوا ومابطلوش بص

واخر تووووورتة تجنن

ههههههههههههههههه

ربنا يسعدك ويوفقك

موناليزا يقول...

ههههههههههه
لا حلوة وحركة جامدة وجميل برضه انك عرفتينا السيم ده
كل سنة وانتوا طيبين
وربنا يسعدكم

ستيتة يقول...

كل سنة وانتي طيبة وفرحانة وربنا يهدي الباشا وتفرحي بالولاد الأمامير وتبقى احلى واجمل



وانصح يا واعية انتي

احب انا الستات اللي زيك واحترمهم احترام شحط محط

تحياتي

MǿиY El-Shreef يقول...

ههههههههههههههههههههههه

والله العظيم انتي جاااااااامده موووز

والله العظيم مية مية يا مخنوقه

بجد يستااااااهلوا

واحسن حاجه عملتيها انك حرقتي دمه بجد

كل سنه وانتي طيبه ياقمممممر

موووووواه

حواء يقول...

جدعه يامخنوقه


بس كنتي فين من زمان
مش يمكن علي ايدك كنا اتعلمنا


انتي وستيته جيتوا في الوقت الضايع
او بمعني اصح جيتوا بعد انتهاء الماتش


يستاهل

وكويس انك عرفتي الحريمات اللي هنا موضوع الساعه ده
انا عن نفسي مكنتش اعرفه ومعرفتوش غير دلوقتي



عسووووله يامخنوقه
وهو يستاهل


تحياتي

القدر و انا يقول...

مخنوقة
كل سنة وانت طيبة
انت مالكيش حل .. زى العسل وبتعرفى تاخدى حقك واكتر شوية
وبهدوووووووووووووووو ء
بجد انا من اشد المعجبات بك
واجمل شئ التورتة الخيرة وراس العريس فى ايدها من ليلة الزفاف
هكذا تكون الستات والا بلا ....

(Joudy) يقول...

ييييييييه متأخرة كالعادة معلش لسه واصلة حالا من الجامعة بس ولا يهمك كل سنة وانتى طبيبة بس ايه اللى انتى عملتيه ده بصراحة حركة حلوة يعنى فهمتيه من غير ما تحرجيه برافو عليكى ومش بس دبحتى له القطة ده انتى دبحتيه شخصيا ههههههههههههه كل سنة وانت بخير وسعادة بصراحة هاخد بنصيحتك بس بصراحة حبيبى مش كده بس لو عاملها أوعدك انى هيكون تصرفى هو ده

تقبلى مرورى وقبلاتى

دمتى بكل خير وسعادة

Remas يقول...

كل سنة وانتى طيبة يا مخنوقة وعقبال 100 سنة

بصراحة تصرفك سليم وحلو جدا
وبدل ما ترجعو من برا وانتى دمك محروق ومخنوقة حرقتى له دمه هو

برافو عليكى

خدتى حقك من غير خناق ولا صوت عالي

يارب سنة سعيدة عليكى ويهدي لك الباشا

V.Hayat يقول...

كل سنه وانتى طيبة
بس ما قولتى اسم المكان

تحياتى

Unknown يقول...

سلامو عليكم
شكرا علي حركة الساعات دي
تقنية مسمعتش عنها قبل كده

اما بالنسبة للباشا كويس انه كلام و قدام عنيكي !

و الصورة بتاعة الرقبة المقطوعة دي عندي صورتين احلي منهم

واحدة و العروسة مجرجرة العريس من قفاه و التانيه و هي بتزقه من فوق التورته

MaNoOoSh يقول...

احلى تورتة طبعا الاخيرة
وانا كدة بعد الموقف دة بقيت من اشد المعجبات بك فعلاااااااااا
وياريت كام نصيحة حلوة كدة لاخواتك البنات والزوجات الساذجات علشان يتعلموا ازاى ياخدوا حقهم بمنتهى الهدوووووووووووووووء
تحياتى يا اجمل وارق وانصح مخنوقة

my dream يقول...

مخنوقه
هههههههههههههههههههههههههه
انت رهيبه
انا بحترم قوي قوي الست العاقله
الي تعالج كل امورها بهدوء ورزانه
بجد عجبتيني

ومره تانيه كل سنه وانت طيبه وانا كمان طيبه لان عيد ميلادي 22/4

مع وافر حبي
مروه

شمس النهار يقول...

ياشريره
علي فكره انت بتحبيه جدا ياريت تغيري سياستك معاه شويه وجربي طريقه تانيه
وعلي فكره هو كمان بيحبك ومايقدرش يستغني عنك

بسنت صلاح الدين يقول...

كل سنه وانتى طيبه يا جميل و بجد نورتى المحكمه فى موضوع الساعات ده، مدونتك هايله و ان شاء الله متابعاكى

سمكه واحده يقول...

والله انتي عسلللللللللللللللللل
بجد انا حبيتك وربنا
اما براوه براوه عليكي اخر طراوه
ايه رائك في اغنيه نجاه دي اكيد بتحبيها(وش بيغمز)
انا علي طول متبعاكي وببقي مبسوطه اوي لما ببقي عندك بجد
ربنا يكرمك يارب ويسعدك ويبعد عنك كل خنقه
يا اعسل مخنوقه
كل سنه وانتي طيبه

عاشقه وغلبانه يقول...

ماشاء الله
ده بيغير اهو

كل سنه وانتي طيبه يا اوختي
ماعلش بقي نفسي مصدوده عن الكتابه وبلوجر كله والنوم عامل معايا احلي واجب
وحشاني

عاشقه وغلبانه يقول...

شمس النهار


جبتش انا حاجه من عندي
هي بتحبه دي عارفنها
بس انا قولتلها ان هو كمان بيحبها بس في حاجه غلط في اسلوب التعبير منها ومنه ماصدقتنيش

طلعت بفهم اهو
ماشاء الله عليا يا اخواتي
ههههههههههههههههههههه

عاشقه الرومانسيه يقول...

ايوه كده
عامليه باسلوبه
مش تقعدى تغيظى فى نفسك كده عمال على بطال
وهو ولا فى الدماغ
بس عجبتنى فكره الساعه دى قوى وعرفتوا تردوها صح
بس التورته مش صاعبه شويه؟
اخنقيه مش اقطعى راسه
ياجباااااااااااره

كل لحظه وانتى بخير

غير معرف يقول...

انتى واعيه و مصحصحه اهو
و عندك قدره غريبه على حرق الدم ف ساعتها على طول
برضه هوا يستاهل

Kholios يقول...

حررررررام عليكى يا مخنوقة
بقى ساعة من شغلك للبيت تخليكى تتخنقى أنا بأقعد على المحور تقريباً ساعة أو ساعة إلا ربع فى مسافة لو الطريق ماشى بتاخد 10 دقايق
يا عينى علينا يا مصريين :'(
على العموم ربنا يكرمك بشغلانة تانية تكون أحسن وفى مجالك
وبالنسبة للباشا و كيمو أكيد هيشوفو شفرة تانية للبصبصة فخدى بالك قوى اليومين اللى جايين
تــــحيــــــاتى

رؤية يقول...

فعلا ممكن تكون انسب تورتة لعيد ميلادك
وشكرا على المعلومات المتعلقة بالساعة
اهى تنفع فى المستقبل
ربنا معااااكى
وكل سنة وانتى طيبة

تحياتى

aMr saYed يقول...

لا بجد اصلي يا مخنوقة مش ممكن بتعرفي تلعبي اهو بس بجد جامدة حوار انك تعملي فيه الي بيعمله فيكي وعلى فكرة بيوجع اوي اوي مع الرجالة بالذات حتى لو كان هزار انا البت تررم بتاعتي لما بتهزر معاتيا في حاجة زي كده بقلب ابو الغضب على طوول و بجد حلو اوي حوار الساعة ده لاني سواعي ببقا مزنووووق اوي بس صدقيني مبعملهاش وعلى فكرة المدونة بتاعتي مضلمة !؟.

وبلااااااااااش خنقة

هانى زينهم يقول...

كل سنة وانتى طيبة وعقبال 100 سنة . طب ما الجدع بن حلال اهو ومش مخلى عن جهده جهد فى اسعادك امال ايه بقى ؟ ولا هو افترا وخلاص ؟!!

حاسوباتيه يقول...

كل سنه وانتي طيبه يارب وعقبال 100 سنه في سعاده يارب وفعلا موقف يخنق قوي بس عديها بقى غلوشي وطنشي

لجين أبو الدهب يقول...

حبيبتى ..
كل سنة وانتى طيييييييبة ..
وربنا يبارك فى عمرك ويجعله كله فى طاعته ..

والصورة الاخرنية شكلها مخيف بس يضحك جدااا ..

كل عام وأنتِ الى الله اقرب ..

كل عام وانتِ بخير ..

عبدالله يقول...

كل سنه وانتي طيبه عيد ميلاد سعيد وعقبال مائه سنه :)

حركه جميله بتاعت الساعات دي بس بجد رد فعلك الي تحفه :) اكيد هيبطل يخرج في عيد ميلادك تاني :)))))))


تحياتي

من غير عنـــوان يقول...

أولا كل سنه وإنتي سعيده ومبسوطه وبتحبي جوزك اكتر وأكتر..

أما حكاية الساعة فدي معروفه للرجال والظباط وبعض الستات..

أما تصرفكم فه تصرف سليم بنسبة 50%.. يعني مش لازم تبالغي فيه.. مجرد يفهم وخلاص...

أما تورته عيد ميلادك.. اليي في الآخر.. دي بتقول أد إيه إنت بتحبي الباشا.. وبتغيري عليه...

ربنا يسعد أوقاتك

الشغل صعب طبعا لو على بعد ساعة سواقه على الشيخ زايد

ومسيرك بعد ما ترجعي من الأجازه إن شاء الله تىقي شغل أحسن

على فكره ممكن لو إنت شاطره في الجرافيكس تشتغلي من البيت

ولو عندك فكره لتصميمات كروت أعياد الميلاد وخلافه ممكن تبعتيلي وأنا بأطبعهم هنا وأوزعهم على محلات الهدايا.. وأهو تساعديني بدل ما أنا دايخ على مصممين

banna2020@gmail.com

HAPPY BD 2 U

ابوزيد يقول...

اولا كل سنه وانتى طيبه
ثانيا انا مش اشد الناس اللى حاسين ان الباشا مظلوم له مش عارف بس هو مظلوم او على راى محمد محى يمكن اكون مظلوووووووووووم ويجعله عامر

احلام جوليا يقول...

للامانة سكر يا مخنوقة ايوه كده بنت مصرية جدعة بصحيح خليهم يعرفوا ان حرق الدم مفيش اسهل منه بيني وبينك الرجالة بحورهم غريقة ومينفعش معهم الا اللف والدوران شاطرة والله وعلمتيني حاجة جديدة حكاية الساعة سمعتها مرة زمان ونسيتها
ههههههههههههههههههه

احلام جوليا يقول...

نسيت اقول لك سامحيني كل سنة وانت طيبة وسعيدة والباشا وولادك حواليك وحبهم مدفيك ويخليلك الباشا وميشفش في الدنيا غيرك
نصيحة كل وظيفة فيها عيب فمتستسلميش بسهولة وان شاء الله الوظيفة الجاية تكون انسب

حاجات جوايا يقول...

انتى عسل عسل عسل يا مخنوقة
بجد دمك خفيف وروحك حلوة اووووووى
هههههههههههههههههههههههههههههه
ربنا يزيدك صبر وهدوء يارب


وممكن احرق له دمه بمنتهى الهدووووووووووووووووووووووء

فعلا مينفعش معاهم غير كده
هههههههههههههههههههه


كل سنة وانتى طيبة يا قمر
والتورتة الاخيرة دى جميلة آخر حاجة
ههههههههههههههههههههه

خالص ودى
سالى

الجواز و سنينه يقول...

كل سنه و انتى طيبه يا جميل
و برافوا عليكى فى الحركه اللى عملتيها فى الباشا الصراحه انا كتير برفعله القبعه بس المره دى برفعهالك انتى
هههههههههههههههههههه
و من هبلى سبت المدونه بتاعتك مفتوحه و عرف جوزى حكايه الساعه و رحنا فرح قعد يغيظنى و يقولى الساعه 3 لاء 6 و انا اتحرق دمى
ماكانش يعرف حكايه الساعه و انا اللى عرفتهاله بخيبتى
المهم ليكى عندى تاج تعالى خديه
تحياتى و قبلاتى اموووووووووه

وردة يقول...

يالهوووووي يا مخنوقة
ماسكة راس الباشا في ايدك
طب داريها ورا ضهرك يابنتي
ههههههههههه
والله العظيم انتي زي العسل
ربنا يكرمك ويهديهولك
بس حكاية الساعة ديه جااامدة موووت اول مرة اعرفها
هههههههههههههههه
بس يستهلو انتو كده حرقتو دمهم من غير خناق
وكل سنة وانتي طيبه يا اجمل مخنوقة في الدنيا
اسفة لو اتأخرت معلش يا حبيبتي اعذريني
سلام

صبرني يارب يقول...

نيهااااااااهااااااااااااااا

حلوه حلوه حلوه

على فكره انا دايما دايما باقول كده لجوزي

واقوله يعنى انت تحس ايه يعنى لو بصيت على راجل وقلت الله على جمال هيئته

يقولي عادي ابقى بصي هاتروحي النار
ههههههههههههههههههه

عارف انى مش هاعمل كده شوفي الرجاله يا اوختشي

كل سنه وانتى طيبه يا جميل

Kiara يقول...

كوووول سنة وانتي طيبه ياقمر

وحلوه معومه الساعه دي اوووووووووي ههههههههههه

بنت الغربة يقول...

احساس طفله محبه للرومانسيه
انا معاكى انهم يستحقوا كده واكتر ياجمييل..وبذمتك مش كده احسن من الخناااق..وحرقة الدم..
وانتى طيبه ياقمر وعقبال عيد ميلادك
تحياتى ياعسل

بنت الغربة يقول...

نوارة حبيبتى
معاكى حق ياقمر فعلا الرجاااله بتتهبل لما تشوووف المزز من غير هدوووم ..بس نعمل ايه ..امرى لله وحده..
ربنا يخليكى ياقمر..واخر تورته دى نفسى فيها قوى ..
تحياتى ياجميل

بنت الغربة يقول...

موناليزا
مش كده ..اديك عرفتى السيم بقى اهو علشان مايتعملش فيكى بعد كده..
وكتر خيرك ياجميل..
تحياتى ياعسووله

بنت الغربة يقول...

ستيته ياحبيبتى
وانت طيبه ياقمر وربنا يخليك لي..
وربنا يهدي الباشا يارب احسن اختك مش عارفه هتستحمله لغاية امتى..
باحس احيانا انى قربت اجييييب اخري..
والذووق بتاعى قرب يخلص..
ربنا يكرمك ياجمييل..
ربنا يكرمك فى جوزك وولادك يارب ..
تحياتى ياعسل

بنت الغربة يقول...

مونى الشريف
انتى اللى عسل والله يامووورة..
وهما الرجاله يستاهلوا اكتر من كده..
ويارب اعيش كده واحرق فى دمه زى ماهو خاااانقنى..
وانتى طيبه ياجميل
تحياتى ياامووورة

بنت الغربة يقول...

حواء حبيبتى
ازيك ياجمييل واخبارك ايه..؟؟
عامله ايه فى الامتحانات..؟؟؟
ربنا يكرمك يارب..وادينى علمتكم اهو حاجه جديده من بلااووى الرجاله..
وكل ماعرف حاجه جديده هاقولكم عليها..ومش وقت ضايع ولا حاجه ياجميييل..
بكره ربنا يهديلك الاحوااال..بأذن الله..
وخدي بالك من صحتك ياقمر
تحياتى ياجمييل

NaiRa يقول...

ههههههههههههههههههههههههه

بصراحه نايس مدونه جدا لذيذه موت وبطلتش ضحك

وبصراحه انتى وبيبه عملتو موقف جامد جدا وكويس انك قولتى موضوع الساعه ده علشان اخد بالى انا كمان هههههه

ياريت تقبلى مرورى باستمرار

hasona يقول...

السلام عليكم

كل سنة وانت طيبة
وكل وانت متجمعين علي الخير دايما
وعبقال 114 سنة في الخير والهنا


،،،
تشتغلي في جبل علي في الامارات

يعني زي أبها(أو صحراء النقب) في السعودية

أو زي الوادي الجديد ( توشكي مثلا) عندنا في مصر

الشغل والالتحاق بالعمل عايز تفكير
لأنه قرار صعب وكويس انكم(أنك) قررتم تأجيله لبعد العودة من الاجازة
،،،،
أما موضوع عقارب الساعة وارتباطه بالجاذبية الارضية والبوصلة
فأنت قولت السبب لأنكم كنتم الوحيدن اللي لابسين هدوووووم تقريبا

وبعدين اذا كانو بيعملوا كده قدامكم يبقي بيعملوا ايه من وراكم ( احنا هنا بنهدي النفوس9 وبس

تحياتي

LoLo يقول...

جميل اوووووووي

صبرني يارب يقول...

انتى فين يا بنتى مختفيه ليه


الاضرااااب ما تنسيهوش

اضراب 17 مايو

لا تفسد
جرب تعيش انسان

شوفي التفاصيل عند اسلام
http://han2esh.blogspot.com/2009/05/blog-post_09.html

الجواز و سنينه يقول...

كخنوقه حبيبتى
فينك يا قمر
مش متعودين على الغيبه دى
بجد قلقانه عليكى
طمنينى يا قمر ليه الغيبه

barbie girl يقول...

ههههههههههههههه كل سنة وانتى طيبة يا مخنوقة والله انتى ميتخافش عليكى.. شاطرة يا مخنوقتنا وعيد ميلاد سعيد يارب

محمد عتلم يقول...

مخنوقه ازيك

(Joudy) يقول...

فينك يا مخنوقة ايه الغيبة دى يارب تكونى بخير

aMr saYed يقول...

مخنوقة مخنوقة انتي فين يا مخنوقة مين غيرك يخنقنا مين غيرك يعذبنتا

ايه بقا غايبة لييه

خلاص انتي قربتي تترفدي من المدونة عشان جالك جوابين انذار ب14 يوم

الجواز و سنينه يقول...

احلفلك انى قلقانه عليكى علشان تردى تطمنينى
و الله بجد قلقانه عليكى
طمنينى عليكى

Yasmine Adel Fouad يقول...

كل سنة و انتى طيبة ، بس انا حاسة السيم غامض انتى ذكية و للا عارفاه من قبل كده و للا انا اللى غبيه :) !!؟

ragel keber يقول...

اتأخرتي خالص أكيد الأولاد عندهم امتحانات وانتى مشغولة معاهم يا مخنوقة الله يكون في عونك 0

سبهللة يقول...

اول مرة ادخل عندك
كل سنة وانتى طيبة وعقبال 100 سنة
=====
بس البلوج بتاعك مش باين عليه الخنقة خالص

سمكه واحده يقول...

ده مكنش عيد ميلاد بقي
ايه هو انتوا لسه مخلصتوش التورته ولا ايه
ايه
فينك كده مش لطيف خالص
مالك يارب تكوني بخير
طمنينا طيب
عبرينا طيب
ينفع كده
يارب تكوني بخير

أبو العريف يقول...

مخنوقه
ياااااااااااااااااه
دانا مجتش هنا من زمان
عموما يا ستي كل سنه وانت طيبه
وعقبال 5561225471365412 سنه
بس بصراحه موضوع الساعه دي معلومه جديده جدا بالنسبالي كراجل
ياله منكم نستفيد
وبعدين هو انت لسه مش لاقيه شغل
ربنا يوفقك وتلاقي شغل
تحيلتي للباشا

mahasen saber يقول...

كل سنه وانتى بالف خير يا بنت الغربه
وكل عيد زواج وانتى وزوجك واولادك بالف خير وصحه وسلام

ربنا يجعل كل ايامك سعاده وهنا ان شاء الله
ويفرحك بأولادك وبكل من تحبين

mahasen saber يقول...

سلام بئه خاص منى جدا جدا جدا لاختك
سلميلى عليها جامد وقوليها انى بتمنالها ربنا يديم عليها السعاده
ان شاء الله

السلام ده امانه فى رقبتك لازم توصليه

ذو الوجه المبتسم يقول...

السلام عليكم
الاول كل سنة وانتى طيبة
وعيد زواج سعيد

صور التورتة خطيرة وخصوصا الصورة الاخيرة
اللى شايلة راسه على ايدك
هو شاف الصورة دى
هههههههههههههه
شليها بصرعة
اصلة لو شافها يمكن يتغدى بك قبل ما تتعشي به

تقبلى تحياتى ومرة تانية كل سنة وانتى طيبة وعقبال العيد المئوي للزواج
بس تفتكرى هيكون شكل ايه وقتها
اكيد برده هتكونى حلوة
عارفة ليه
علشان ابتسامتك المستمرة هتطول عمرك وتخليكى دايما مشرقة
تحياتى

(حلـم) يقول...

اول مرور اتمني التواصل وبوست جميل وللامام

انأ بتمنى يقول...

انا نفسى حد يدعيلى عشان عندى مشكله كبيره

انأ بتمنى يقول...
أزال المؤلف هذا التعليق.